2 Timothy 2:21 - Sa Ugud Apudyus

²¹ Isuna bos atte tagu, nu awad tagu'ḵ papoḻḵasona long-agna'tta ngaimane lawweng, ampatog angusaran Apu ḵan siya te nitotoḵḵon ya nisaganae anserbi'tta losane panggob Apudyus.

2 Timothy 2:21 ပူးပေါင်းရင်းမြစ်များ

Acts 9:15

Yaḵon ḵanan Apu ḵan siya, “Inḵa te siya piniliḵe anserbi ḵan saḵon ta umoyna ipaigammu mipanggob ḵan saḵon atta Gentil, da ari ya diḵayu we ganaḵ Israel.

1 Corinthians 5:7

Ḵasapuḻane ḵaanonyu ugaliyu we mipani'tte yeast ta sa ugaliyu ambalin aḵ ampoḻḵas ḵasasaadyu si antotollong Apudyus. Ḵasapuḻane ḵoonyu ḵatti ta mipani ḵayu si ḵaḵ-utu we tinapaye ippun ḵamosna'ḵ yeast we mitoḵom nu ansida da Judyu atte karnero si Gayagayae ngannonda Nallausan. Te aḵ Kristu mipani'tte sadi ye karnero te natoy ta puḵayana ditaḵu'tta basuḻ.

2 Corinthians 7:1

Susunudḵu ḵan Kristu we ay-ayatoḵ, gapu'tta sanae inkarin Apudyus ḵan ditaḵu, iginoḵ taḵu we angwa'ḵ lawweng ya iginoḵ taḵu we ansomsomoḵ aḵ lawweng. Sa matattaguwan taḵu, isipog taḵu'ḵ Apudyus ta bumaḻubaḻu naapudyusane antatagu taḵu.

2 Corinthians 9:8

Ḵad ḵabooḻan Apudyus we amindisyun ḵan diḵayu'ḵ amod ta pasige wadawad da ḵasapuḻanyu ya awad adu'ḵ ibadangyu'tta anḵasapuḻ.

Ephesians 2:10

Te planun Apudyus we pabaruwon da biyag taḵu mipagapu si niyossaanan taḵu ḵan Jesu Kristu ta siya oḵyan ḵoon taḵu da ambaḻu we implanuna si awe ye ḵoon taḵu.

1 Timothy 6:11

Yaḵon siḵae osae tagun Apudyus, ḵasapuḻane an-awidam da sana ya iggam ḵabooḻame angunud si ustu ḵan naapudyusane biyag. Ḵad papigsaom pammatim ḵan Apudyus, sa ayatnu, sa ḵinaanusnu ya sa an-ammaye biyag atta asintatagum.

2 Timothy 2:16

Adiḵa midoga'tta ippun anunae ug-uggude daḵampun aḵ mipanggob atte tuttuwae Apudyus te da angwa'tta sanae banag, amo umadayuda ḵan siya.

2 Timothy 2:20

Awatna, sa daḵoḻe boḻoy ni baḵnang. Wadawad da kalasin di palatu we ḵaḵaḵḵanan. Awad da buḻawan ḵan silver ḵopyadae ampatog mausaranda. Awad os da ḵayu ḵan nadiwine luta ḵopyadae mausar atte baḻangna.

2 Timothy 3:17

ta ippun angkurangan taḵu we anserbi ḵan Apudyus yaḵon naḵasagana taḵu we angwa'tta losane kalasin di ambaḻu.

2 Timothy 4:11

Abus aḵ Luke aḵ buḻunḵu sina. Nu umaliḵa, dagasom aḵ Mark te bumadang ḵan saḵon atte ḵewaaḻḵu.

Titus 3:1

Ipaspasmoḵnu'tta namati sinate ḵasapuḻane paipangatda'tta nangatu da saadda ya da udume anna ḵaḻabbonganda ta tuttuwaonda dida. Ḵad naḵasaganada oḵyane bumadang atta ambaḻu we maḵwa.

Titus 3:14

Ilam os ta paingsaonda da doga taḵu'tte pammati ye angwa'tta ambaḻu ta badanganda da tuttuwae anḵasapuḻ ta ambaḻu ambanagan da biyagda.

Titus 3:8

Tuttuwa da sadi ye imbagaḵ ya matuttuwada oḵyan. Pun pioḵe pagapagatupame antuttudu'tta namati ḵan Apudyus sinat ta ummanda ipapuute angwa'tta ambaḻu. Da sadi ye tuttudu, ambaḻubaḻu ya idaḻanna da losane tagu'tte bumaḻuwanda.

1 Peter 1:22

Te pummoḻḵas ḵayu we ustu si tummuttuwaanyu gapu si namatiyanyu'tte ḵatuttuwaan, gattoḵe ayatonyu da susunudyu ḵan Kristu we namati. Pun pagapagatupanyu we an-asiayat atta losane somsomoḵyu.

1 Peter 1:7

Sa gapunae padasonyu da sanae ampaḵaḻaman, maḵwada ta mapanoḵnoḵan gattoḵe pammatiyu. Sa pammatiyu isunan buḻawane mapadas si apuy ta mapanoḵnoḵan nu tuttuwae buḻawan. Ampatog tuwa buḻawan yaḵon abuse madadail. Yaḵon amo napatpatog pammatiyu. Pun nu mapanoḵnoḵan pammatiyu, ambanag si midayaw ḵayu, mitaḻayag ḵayu ḵan mapatgan ḵayu si mipauliyan Jesu Kristu.

1 John 3:3

Sa tagu we annamnama'tta sanae banag gapu ḵan Kristu, papoḻḵasonae mismu long-agnae isuna'ḵ Jesus.