2 Timothy 2:2 - Sa Ugud Apudyus

² Ḵad da losane dingngoḻnu we intuttuduḵ ḵan siḵa'tta sinagung da adu we tagu, itaḻgodnu'tta mataḻgodane ḵallabbong os angituttudu'tta udum.

2 Timothy 2:2 ပူးပေါင်းရင်းမြစ်များ

Matthew 13:52

Ḵanan Jesus ḵan dida, “Maawatanyu ḵammane nu awad mistulun ni lintog aḵ amati si ituttuduḵ mipanggob si ampangatan Apudyus, mipani'tte sinḵuwa si boḻoye igammunae angitoḵwaḻ ya angusar atte ḵaḵḵopya ḵan dadaane ḵuḵuwanae nitataḻu si gagappotana?”

Matthew 24:25

Pun ḵasapuḻane sosomḵonyu te inggallapuḵ binagbagaan diḵayu si daanna maḵwaan.

Luke 12:42

Summongbat aḵ Jesus woḵ ḵananae nangipani, “Sa mataḻgodan ḵan nalainge sammilu, siya dinutuḵan ni apuna'ḵ angayyuwan atta doganae sammilu. Siya angitod si ḵanon da buḻunna si ustu we timpu.

1 Corinthians 4:2

Dallu gay sammilu, ḵasapuḻane mataḻgodan atta losane intaḻgod ni apuna ḵan siya.

2 Corinthians 2:14

Yaḵon anggappiyaaḵ ḵan Apudyus te gapu si niyossaananni ḵan Kristu, patilayune ipuyutna diḵani'tte sinagung da nadagupe tagu we isuni da baḻude illog Kristu. Ḵad mipagapu ḵan diḵani, sa ḵatuttuwaane mipanggob ḵan Kristu miwaḻagawag atta ḵinailin di ili ye mipani si bangun ni bangbanglu we misaḵnap atta adu we tagu.

2 Corinthians 3:5

Daḵampun aḵ ḵananni ye naḻpu ḵan diḵani ḵabooḻanni ye angwa'tta annae ḵoonni yaḵon naḻpuda losan ḵan Apudyus,

Colossians 1:7

Inadaḻyu anna ḵan Epaphras we ay-ayatonni ye buḻun ya mataḻgodane anserbi ḵan Kristu we angiyugud ḵan diḵani sinat,

1 Timothy 1:12

Anggappiyaaḵ ḵan Jesu Kristu we Apu taḵu we amaḵosdoḻ ḵan saḵon. Te imbelangna saḵon aḵ mataḻgodan woḵ dinutuḵana saḵon aḵ anserbi ḵan siya.

1 Timothy 1:18

Da sanae imbilinḵu ḵan siḵa Timothy we imbelangḵu'ḵ abengḵu, mibatay atte nipadtu si awe atte mipanggob ḵan siḵa. Adim maliwatan da nipadtu si awe ta tumoḻodḵae maḵagubat atta losane lawweng.

1 Timothy 4:14

Adim baybay-an ḵabooḻame innatod ni Ispiritu Santu atte nangipatayan da angipangpangu'tta namati'tta imadae nangiluwaḻu ḵan siḵa ya sa nangibag-an da profeta we an-uuggudon Apudyus mipanggob atte ḵabooḻam.

1 Timothy 4:6

Nu ituttudum da annae bilin atta susunud ḵan Kristu sinat, ambaḻuḵae anserbi ḵan Jesu Kristu. Ḵad ipailame amo naawatam ḵatuttuwaan mipanggob si pammati ya sa ambaḻu we tuttudu we inunudnu.

1 Timothy 5:22

Adim oḵyan ḵamḵammuwone andutuḵ atte ngaimane mabigbige angipangpangu'tta namati. Te nu maigammuwane naḵabasuḻ sadi ye tagu, madusaḵa'tte basuḻna. Ummam ta adiḵa maḵabasuḻ.

1 Timothy 6:12

Iggam ḵabooḻame anaḵdoḻ si pammatim ya anserbi ḵan Apu Jesus we isun ni maḵatodtoddaḵe piona angngog ta magun-udna gungunae biyag aḵ inggana te sadi namiliyan Apudyus ḵan siḵa si timpu we nangibag-am atte sinagung da adu we tagu we namatiḵa ḵan Jesu Kristu.

2 Timothy 3:10

Yaḵon ḵan siḵa Timothy, igammum da losane mipanggob atte intuttuduḵ, sa ugaliḵ ya sa panggobḵu si annae biyagḵu, sa pammatiḵ, anusḵu ḵan an-aayatḵu'tta buḻunḵu ya sa nangipapattiyaḵe nangunud ḵan Apudyus.

2 Timothy 3:14

Yaḵon ḵan siḵa, pagapagatupam atta inadaḻnu ya da pinatini ye ḵatuttuwaan te iniiggammum da ḵinatatagun da nangituttudu ḵan siḵa.

Hebrews 2:17

Pun ḵasapuḻane miyiissu ḵinatataguna ḵan ditaḵu we susunudna. Ḵad sadi inonae ambalin aḵ ḵangatuwane padi ye ḵumadagu ya mataḻgodane anserserbi ḵan Apudyus ya nangidatun si mismu we biyagna si natoyana ta mapakawan da basuḻ da tagu.