2 Timothy 2:15 - Sa Ugud Apudyus

¹⁵ Siḵa ḵad, iggam ḵabooḻame angituttudu si ḵatuttuwaane Ugud Apudyus ta umannamung aḵ Apudyus we isun ni anserbi ḵan Kristu we adinapun ibain ḵewaaḻna.

2 Timothy 2:15 ပူးပေါင်းရင်းမြစ်များ

Matthew 13:52

Ḵanan Jesus ḵan dida, “Maawatanyu ḵammane nu awad mistulun ni lintog aḵ amati si ituttuduḵ mipanggob si ampangatan Apudyus, mipani'tte sinḵuwa si boḻoye igammunae angitoḵwaḻ ya angusar atte ḵaḵḵopya ḵan dadaane ḵuḵuwanae nitataḻu si gagappotana?”

Mark 4:33

Amoamod da impanin Jesus we nangituttudu'tte Ugud Apudyus. Nantuttudu'tta lamogda maawatan.

Luke 12:42

Summongbat aḵ Jesus woḵ ḵananae nangipani, “Sa mataḻgodan ḵan nalainge sammilu, siya dinutuḵan ni apuna'ḵ angayyuwan atta doganae sammilu. Siya angitod si ḵanon da buḻunna si ustu we timpu.

Acts 2:22

Pinagatupan Peter woḵ ḵanana, “Susunude ganaḵ Israel, dongngonyu annae ibagaḵ ḵan diḵayu. Aḵ Jesus we iNazareth, pinanoḵnoḵan Apudyus ḵan diḵayu we imbuunna mipagapu'tta nakaskasdaaw ya da sinyale ḵingwan Apudyus ḵan diḵayu mipagapu ḵan siyae iniiggammuyu.

Acts 20:27

Te impaigammuḵ ḵan diḵayu da losane pinion Apudyus.

Romans 14:18

Ḵad nu ḵaḵnat inon taḵu we anserbi ḵan Kristu, mas-om aḵ Apudyus ya mapatgan taḵu bos atta asintatagu taḵu.

Romans 16:10

Idogayu'ḵ Apelles we napanoḵnoḵane tuttuwa pammatina ḵan Kristu. Idogayu da ḵabaḻyan Aristobulus.

Romans 6:13

Ḵad adi taḵu usaron ngaimane ḵamangay da long-ag taḵu we angwa'ḵ lawwenge isun ni dagus taḵu ḵingwa si daan taḵu amatiyan woḵ nibelang taḵu'ḵ nanattoye patilayun angwa'ḵ basuḻ. Yaḵon idatun taḵu da long-ag taḵu ḵan Apudyus we angwa'tta maun-unane panggobna te sinsadi innatod Apudyus ḵan ditaḵu baru we biyage anserbi ḵan siya.

1 Corinthians 2:6

Yaḵon awad de ḵinalainge ituttuduni'tta naangsan si pammati, daḵampun aḵ naḻpu'tte ḵinalaing da tagu si sanae timpu ya ḵinalaing da pangat si sanae timpu we amungtu ḵabooḻanda.

2 Corinthians 10:18

Te sa tuttuwae awaton Apudyus, daḵampun aḵ sa angiyisḵaḻ si long-agna yaḵon sa iyisḵaḻ Apudyus.

2 Corinthians 3:6

we siya nangitod atte ḵabooḻanni ye angituttudu si mipanggob atte Baru we Tuḻag Apudyus atta tagu. Ḵad sa sadi ye Baru we Tuḻagna, daḵampun aḵ mibatay si nigili ye lintog nu adi mibatay si ḵewaaḻ ni Ispiritu Santu. Sa ambanagan ni nigili ye lintog, ḵatoy aḵ inggainggana. Yaḵon sa Ispiritu Santu angitod si biyag aḵ inggana.

2 Corinthians 4:2

Nan-awidanni da losane ḵoḵoḵḵon da tagu we nililimod ḵan ḵababbain ya ippun inallelawni. Adinipun imbos Ugud Apudyus. Yaḵon atte sinagung Apudyus impaḵaawatni'tta losane tagu da losane ḵatuttuwaan te pionni ye igammuwonda'tta somsomoḵdae ambaḻu ḵewaaḻni.

2 Corinthians 5:9

Pun taḵon ay nu inggaw taḵu'd luta baḵon nu ad langit, igga taḵu ḵabooḻan taḵu we angwa'tta mas-oman Apudyus.

Galatians 1:10

Gamgamaḵ ḵad aine dayawonaḵ atta tagu si ḵaḵnae an-uugudḵu? Daḵampun! Sa madayawan Apudyus singsingtoḵ. Nu siya panggobḵu awisoḵ da tagu, adipun maḵwae mibelangaḵ aḵ anserbi ḵan Kristu.

Ephesians 1:13

Ḵad diḵayu bose niyossaan ḵan Kristu, dingngoḻyu ḵad ḵatuttuwaane Ugudna we sa Ambaḻu we Damag mipanggob atte mataguwanyu, namati ḵayu ḵan Kristu woḵ namaḻḵaan ḵayu si Ispiritu Santu we inkarina.

1 Thessalonians 2:4

Yaḵon pinanoḵnoḵan Apudyus woḵ intaḻgodna ḵan diḵani angiwaḻagawag atte Ambaḻu we Damag woḵ siya ḵingwani. Ḵad daḵampun atta tagu pappadasonni pas-oman yaḵon aḵ Apudyus we angigammu nu ngai awad atte somsomoḵni.

1 Thessalonians 5:14

Bilibilinonni bos diḵayu susunudḵu ḵan Kristu ta bagbagaanyu da baduuḻ, soḻgagonyu da allasu we madismaya, badanganyu da anḵuya pammatida ya anusanyu dida losan.

1 Timothy 4:6

Nu ituttudum da annae bilin atta susunud ḵan Kristu sinat, ambaḻuḵae anserbi ḵan Jesu Kristu. Ḵad ipailame amo naawatam ḵatuttuwaan mipanggob si pammati ya sa ambaḻu we tuttudu we inunudnu.

Hebrews 4:11

Igga taḵu ḵabooḻan taḵu we maḵaḻnoḵ atte sadi ye umillongan ta ippun osa ḵan ditaḵu'ḵ adi maḵaḻnoḵ gapu si adi taḵu tumuttuwaan.

James 1:12

Pian tagu we ampaḵaḻame angipapati angunud ḵan Apudyus te nu napanoḵnoḵane ampigsa pammatina, awatona gungunae inkarin Apudyus we sa biyag aḵ inggana'tta angayat ḵan siya.

James 1:18

Mismu we piniona nambalinon ditaḵu'ḵ abengna gapu si ugude ḵatuttuwaan ta ditaḵu ḵapatogan atta losane ḵingwana.

2 Peter 1:10

Pun susunudḵu ḵan Kristu, ipapatiyu we angunud si ambaḻu we antatagu ta amanoḵnoḵe inayagan ḵan pinilin diḵayu ḵan Apudyus. Te nu ḵoonyu da sana, adiḵayupun paat maottag si pammatiyu.

2 Peter 1:15

Pun iggaḵ ḵabooḻaḵe angibaga'tta sana ta sibotḵu ḵade matoy, pasigyu iḵagasmoḵ da sana.

2 Peter 3:14

Pun ay-ayatoḵe buḻbuḻun, gapu ta sana uuwayon taḵu, igga taḵu ḵabooḻan taḵu ta pumoḻḵas taḵu ya ippun ḵadellawan taḵu'tte antotollong Apudyus ya allin-awa maḵabuḻbuḻunan taḵu ḵan siya.