2 Timothy 2:12 - Sa Ugud Apudyus

¹² Nu inaattoman taḵu ampaḵaḻaman, midoga taḵu bos ḵan siya si ampangatana, yaḵon nu puḵlitan taḵu, puḵlitana bos ditaḵu.

2 Timothy 2:12 ပူးပေါင်းရင်းမြစ်များ

Matthew 10:33

Ḵad ngaimane amuḵlit ḵan saḵon si sinagung da tagu, puḵlitaḵ os si sinagung Amaḵ ad langit.”

Matthew 26:35

Pun ḵanan Peter ḵan siya, “Taḵon ay nu ḵasapuḻane maḵaḵatoyaḵ ḵan siḵa, adiḵpun paat puḵlitan siḵa.” Pun ḵaḵna bos imbagan da udume disipulu.

Matthew 26:75

Pune sadi, inḵagasmoḵ Peter imbagan Jesus ḵan siyae ḵanana, “Daampun ḵawitan anullaḵuḵ ya namiḵluwom saḵon puḵlitan.” Pune sadi, ummoyon aḵ Peter woḵ ummibiibil.

Mark 10:33

Ḵanana, “Dongngonyu, annae anagada taḵu'd Jerusalem. Ḵad nu dumatong taḵu, saḵone Abeng Di Tagu mipuḻangaḵ atta papangat da papadi ya da mimistulun ni lintog. Ḵad ḵoddonganda saḵon aḵ matoy ya ipuḻangda saḵon atta Gentil,

Mark 8:38

Ngaimane angibain ḵan saḵone Abeng Di Tagu ya da tuttuduḵ si sanae ḵabasbassuḻane lunap, ibainḵu bos dida nu mipauliyaḵ ad luta. Te nu mipauliyaḵ buḻunanaḵ atta nasantuwane anghel ya ipailaḵ dayaw Amaḵ.”

Luke 12:9

Ḵad ngaimane amuḵlit ḵan saḵon si sinagung da tagu, puḵlitaḵ os si sinagung da anghel Apudyus.

Luke 22:29

Pun ittoḵ ḵan diḵayu ḵalintogane ampangate isun ni innatod Amaḵ ḵan saḵone ampangat.

Luke 22:30

Ḵooḵ sanat ta midoga ḵayu ḵan saḵon maḵainum ya maḵaḵan si ampangataḵ ya tumuḵdu ḵayu bos si trono we ampangat ḵan anguwis atta ganaḵ da nasawaḻan aḵ duwae abeng Israel.”

Luke 9:26

Ngaimane angibain ḵan saḵone Abeng Di Tagu ya da tuttuduḵ, ibainḵu bos dida nu mipauliyaḵ ad luta. Atte sadi ye timpu nu mipauliyaḵ, midayaw aḵ Amaḵ, da anghelna ya saḵon.

Acts 14:22

ta papigsaonda pammatin da namati ya soḻgagonda dida ta popotpotanda da pammatida. Ḵananda, “Ḵasapuḻane adu ampaḵaḻaman taḵu si midog-an taḵu si ampangatan Apudyus.”

Romans 5:17

Tuttuwae gapu'tte basuḻ ni ossaane tagu, ḵasapuḻane matoy da losane tagu. Yaḵon amo daldallu nambanagan ni ḵingwan Jesu Kristu. Te da losane umawat atte ummamdane ḵinabaḻun Apudyus ya sa libli ye atodna, siya angwa ḵan dida'ḵ maun-unan ḵad awatonda biyag aḵ inggana ya midogada ḵan Kristu we ampangat aḵ inggana.

Romans 8:17

Ḵad gapu ta abeng Apudyus ditaḵu, maḵatawid taḵu'tta ipaḻaḵsun Apudyus atta taguna ḵad maḵatawid taḵu'tta impatawidna ḵan Kristu. Nu midoga taḵu si ampaḵaḻaman Kristu, midoga taḵu bos si madayawana.

Philippians 1:28

ya adi ḵayu maḵimut atta ngaimane sumullagi ḵan diḵayu. Te sa tuḻodyu, sanat sinyale angipail-an Apudyus ḵan didae madusada'ḵ inggana. Ḵad sadi angigammuwandae taguwon diḵayu gapu ḵan Apudyus.

1 Timothy 5:8

Te nu awad namati'ḵ adinapun paat pione angayyuwan atta susunudna, amod ay da ḵabaḻyanna, isun di nan-awidana pammatina ya amo sillumaweng nu sa daampun aḵ namati.

Jude 1:4

Te annat da tagu we illimoddae nidoga ḵan diḵayu we adiḵayupun naḵaimatun ḵan dida. Dida da nipadtu si awe si Ugud Apudyus we asi maḵuwis. Sana da tagu we daḵampun aḵ naapudyusane baliwanda ḵatuttuwaan mipanggob si ḵinabaḻun Apudyus te usaronda Ugud Apudyus aḵ analingodda'tta lawwenge ḵoḵoḵḵonda. Adidapun os bigbigon ḵatuttuwaan mipanggob ḵan Jesu Kristu we abus aḵ Apu we anserbiyan taḵu.

Revelation 1:6

Ḵad indogana ditaḵu si ampangatana woḵ ḵingwana ditaḵu'ḵ papadi ye anserbi ḵan Apudyus we Apudyusna ya Amana. Aḵ Jesu Kristu oḵyan madaydayaw ya ampangat aḵ inggainggana. Amen.

Revelation 1:9

Saḵon aḵ John we sunudyu ḵan Kristu ya buḻunyu we nangiyattome nampaḵaḻam gapu'tte niyossaanan taḵu ḵan Jesu Kristu si ampangatana. Gapu'tte nangiwaḻagawagaḵ si Ugud Apudyus ya sa namanoḵnoḵaḵ si mipanggob ḵan Jesus, naḵoddonganaḵ aḵ madusa woḵ inniyoyda saḵon ad Patmos, sa ban-oge ili ye niliḵwos ni baybay.

Revelation 2:13

Igammuḵe sa iliyu, siya ampangatan Satan yaḵon taḵon ay nu ḵatti, adiyupun nan-awidan pammatiyu ḵan saḵon. Igammuḵ os naḵwa ḵan Antipas we mataḻgodane nangitaḵdoḻ si mipanggob ḵan saḵon. Taḵon ay nu gingngatda sinat atte ili ye ampangatan Satan, sissiyae pinagapagatupanyu we amati ḵan saḵon.

Revelation 20:4

Pun innilaḵ da tummuḵdu'tta trono we naittan aḵ ḵaḻabbongane anḵuwis. Innilaḵ os da ḵalidodwan da nagongat gapu'tte nangitaḵdoḻanda'tte mipanggob ḵan Jesus ya sa nangiwaḻagawaganda si Ugud Apudyus. Dida da adipun nandaydayaw atte ḵaog-ogyate ayam ya sa sinan-ayame ḵais-isuna. Adidapun os impamaḻḵa da ḵidayda baḵon nu da imada. Nataguda bos ḵasin woḵ nidogada ḵan Kristu we nampangat si sillibu we tawon.

Revelation 20:6

Da midogae angipadas atte umunae umuliyan da nanḵaḵatoy, pianda ya dida tagun Apudyus te ippun ogon ḵabooḻan ni ḵumagwae ḵatoy ḵan dida. Yaḵon da sanae pian, dida ambalin aḵ papadi ye anserserbi ḵan Apudyus ya aḵ Kristu. Ḵad midogada si ampangatan Kristu si sillibu we tawon.

Revelation 3:10

Te tinuttuwayu da bilinḵu we anusanyu iyattom ampaḵaḻamanyu, saḻaḵnibaḵ diḵayu'tte ampaḵimute ampaḵaḻamane madam-an dumatong si intero we lubung ta mapadas da losane tagu'd luta.

Revelation 3:21

Da tagu we angngog si lawweng, ittaḵ dida'ḵ ḵaḻabbongane maḵatuḵdu ḵan saḵone ampangate isun ni nangngogaḵ ḵan Satan woḵ naḵatuḵduwaḵ ḵan Amaḵ atte tronona.

Revelation 3:8

Igammuḵ da ḵooḵoonyu. Igammuḵe aḵit ḵabooḻanyu yaḵon impapatiyu tinuttuwa da imbagaḵ ya adiyupun pinuḵlitan ngadanḵu. Pun inniggaḵ atte sinagungyu isun di sawange mabubuḵḵatan para ḵan diḵayu we naippun maḵaiyonob.

Revelation 5:10

Ḵad indogam dida si ampangatam woḵ ḵingwam dida'ḵ papadi ye anserbi si Apudyus taḵu ya midogada ḵan siḵa ampangat sina'd luta.”