2 Timothy 2:10 - Sa Ugud Apudyus

¹⁰ Pun attomaḵ da losane ampaḵaḻamaḵ gapu'tta pinilin Apudyus we tagu ta mataguda gapu'tte niyossaananda ḵan Jesu Kristu ya midogada si ḵabaḻuwane antatagu ḵan Apudyus ad langite ippun anungusna.

2 Timothy 2:10 ပူးပေါင်းရင်းမြစ်များ

Matthew 24:22

Ḵad nu adin Apudyus simsimmoḵe paabobbaon sanate timpu, naippun tagu'ḵ matagu. Yaḵon gapu'tte ḵadaguna'tta pinilinae taguna, pinaabobbana sadi ye timpu.

Matthew 24:24

Te ampaila da umallelawe tagu ya ibagadae dida Kristu ya awad os da angibagae dida profeta. Ḵad angipailada'tta amo nakaskasdaaw ta amanoḵnoḵe awad ḵabooḻanda ta allelawonda da tagu, taḵon ay da pinilin Apudyus nu maḵwa.

Matthew 24:31

Ḵad guminga andangsoḻe tangguyub ya ibuunḵu da anghelḵu'tta losane dugyun ni lubung ta umoyda dagupon da losane pinilin Apudyus we taguna.”

Luke 18:7

Adimpun ḵamman Apudyus itton ḵalintogan da pinilinae tagu we anḵodaw aḵ ḵadagu ḵan siya si inaḻgaw ya nilabi? Itaḻyanna ḵamman badangna?

Luke 22:57

Yaḵon ḵanan Peter we namuḵlit, “Naippun igammuḵ ḵan siya.”

John 11:52

Ḵad daḵampun aḵ abus da ḵailiyana yaḵon andaḵdaḵngona da abeng Apudyus we naas-asipaḻaḵ atta nansabasabali ye ili ta da losane abeng Apudyus Judyu man ḵan Gentil an-ossaanda.

John 17:24

“Ama, pioḵe da innatodnu ḵan saḵon awadda ḵan saḵon atte dinumane igawḵu ta ilanda ḵinaapudyusḵu we innatodnu te inayatnu saḵon atte daan ni lubung maḵwaan.

John 17:9

“Iluwaḻuwaḵ dida, daḵampun aḵ iluwaḻuwaḵ da adipun amati ḵan saḵon si lubung yaḵon da tagu we innatodnu ḵan saḵon te ḵuwam dida.

Romans 2:7

Da tagu we angipapati angwa'tta ambaḻu ta madayawanda, mapatganda ya mataguda'd langit aḵ inggainggana ya dida angittan Apudyus si biyag aḵ inggana.

Romans 9:23

Te piona ipailae ippun miyisuwan ni ḵinangatuna ya ḵadaguna'tta tagu we pinilina ḵan inggallapuna insagana'ḵ midoga si ḵabaḻuwane antatagu ḵan Apudyus ad langit.

1 Corinthians 1:21

Gapu si ḵinalaing Apudyus, adimpun ni tagu we adipun amati lamog igammuwon aḵ Apudyus mipagapu'tte laingnae mismu. Te sa pinion Apudyus taguwona da tagu we amati si ugudnae ngannonda dinodong-og, sadi Ambaḻu we Damag we iwwaḻagawagni ḵan diḵayu.

1 Corinthians 9:22

Isuna bos nu antuttuduwaḵ atta anḵuya, ambalinaḵ aḵ dogada ta pumigsa pammatida. Pun ngaimane kalasin di tagu, ambalinaḵ aḵ dogada ya ḵooḵ da ngaiman ta mataguwan da udum ḵan dida.

2 Corinthians 1:6

Nu ampaḵaḻam ḵani, para'tte pumigsaan da pammatiyu ḵan mataguwanyu. Ḵad nu pummigsa pammatini, para'tte pumigsaan da pammatiyu bos atte angipadasanyu anganusan ḵan angattoman atta ampaḵaḻamane isun da nampaḵaḻamanni.

2 Corinthians 12:15

Ḵan saḵon, amo lumayadaḵ taḵon ay nu aminoḵ gastuwon pilaḵḵu ya ippun ogon ḵosdoḻḵu ḵan ngaimane awad ḵan saḵon para ḵan diḵayu. Taḵon ay nu ummaḵit ayatyu ḵan saḵon, amoamod ayatḵu ḵan diḵayu.

2 Corinthians 4:15

Te losan da sanae ampaḵaḻamanni, para'tte bumaḻuwanyu ta umadu da tagu we angipadas atte ḵinabaḻun Apudyus. Te nu umaduaduda, umadu bos da anggappiya ḵan Apudyus ya sadi madayawana.

2 Corinthians 4:17

Te da annae sin-aḵitane ampaḵaḻamanni, ambanag aḵ ḵabaḻuwane antatagu ḵan Apudyus ad langite ippun patinggana ḵan ippun miyisuwana.

Ephesians 3:13

Gapu'tte sadi, adi ḵayu madismaya si ampaḵaḻamaḵ gapu ḵan diḵayu te sanat dayawyu.

Colossians 1:24

Sinsadi allaylayadaḵ atta ampaḵaḻamaḵ te igammuḵe bumaḻuwanyu te da sanae ampaḵaḻamaḵ dogan ni ampaḵaḻamane nilaḵ-am Kristu para'tta losane namati ye isun di long-agna.

1 Thessalonians 5:9

Te adimpun ditaḵu pinili ḵan Apudyus aḵ midoga si umamdane sangana. Yaḵon pinilina ditaḵu'ḵ matagu mipagapu ḵan Jesu Kristu we Apu taḵu,

2 Thessalonians 2:14

Pinilina diḵayu'ḵ matagu gapu'tte Ambaḻu we Damag we iwwaḻagawagni ḵan diḵayu ta midoga ḵayu'tte ḵinangatun Jesu Kristu we Apu taḵu.

2 Timothy 1:1

Saḵon aḵ Paul we apostol Jesu Kristu te siya pinion Apudyus. Imbuunna saḵon aḵ umoy angiwaḻagawag si biyage inkarin Apudyus ḵan ditaḵu we nidoga ḵan Jesu Kristu.

2 Timothy 2:1

Ḵan siḵae abengḵu, papigsaom pammatim mipagapu si ḵinabaḻun Jesu Kristu ḵan ditaḵu we niyossaan ḵan siya.

2 Timothy 2:3

Midogaḵa si dumatonge ampaḵaḻaman da namati ḵan Jesu Kristu we isun di mataḻgodane suḻdadu we anusanae ampaḵaḻam.

Titus 1:1

Saḵon aḵ Paul we dinutuḵan Apudyus aḵ anserbi ḵan siya ya osa'tta apostol Jesu Kristu. Imbuunaḵ aḵ umoy amapigsa'tta pammatin da tagu we pinilin Apudyus. Ipaigammuḵ os ḵatuttuwaane naḻpu ḵan siyae mituttuwa naapudyusane antataguda.

1 Peter 2:10

Sa awe, daḵampun aḵ tagun Apudyus diḵayu. Yaḵon sinsana, taguna diḵayu. Sa awe, adiyupun os inawat ḵadaguna yaḵon sinsana inawatyu ḵadaguna.

1 Peter 5:10

Nu maabus sin-aḵitane ampaḵaḻamanyu, aḵ Apudyus we naḻpuwan ni losane ḵinabaḻu, pabaruwona biyagyu ya papigsaona pammatiyu ta adi mayugayug. Siya namili ḵan diḵayu we midoga si ḵabaḻuwane antatagu ḵan Apudyus ad langite ippun anungusna mipagapu si niyossaananyu ḵan Kristu.