2 Timothy 1:9 - Sa Ugud Apudyus

⁹ Tinaguna ya pinilina ditaḵu ta ditaḵu da taguna. Sa nangwaana si sadi, daḵampun aḵ gapu'tte ḵingwa taḵu yaḵon gapu si panggobna ya ḵinabaḻuna ḵan ditaḵu. Sa daan ni lubung maḵwaan, inggallapun Apudyus simsimmoḵe ipailana ḵinabaḻuna ḵan ditaḵu mipagapu ḵan Jesu Kristu.

2 Timothy 1:9 ပူးပေါင်းရင်းမြစ်များ

Matthew 1:21

Umanaḵ aḵ laḻaḵi ḵad ngadanam aḵ Jesus te taguwona da taguna ta adida madusa'tta basuḻda.”

Luke 10:21

Sa nangibag-ana'tte sadi, pinalayad ni Ispiritu Santu aḵ Jesus woḵ ḵananae nalluwaḻu, “Ama, ipangatam da losan sina'd luta ya ad langit. Anggappiyaaḵ ḵan siḵa te adimpun impaigammu ḵatuttuwaan atta nalalaing ḵan naadaḻane tagu, siya nangipaigammuwam da napakumbaba ya da antaḻgode isudan abeng. On, ḵingwam ḵaḵna te siya piom.”

John 17:24

“Ama, pioḵe da innatodnu ḵan saḵon awadda ḵan saḵon atte dinumane igawḵu ta ilanda ḵinaapudyusḵu we innatodnu te inayatnu saḵon atte daan ni lubung maḵwaan.

John 17:9

“Iluwaḻuwaḵ dida, daḵampun aḵ iluwaḻuwaḵ da adipun amati ḵan saḵon si lubung yaḵon da tagu we innatodnu ḵan saḵon te ḵuwam dida.

John 6:37

Da losane tagu we intaḻgod Amaḵ ḵan saḵon, dida bos da umali ḵan saḵon. Ḵad ngaimane umali ḵan saḵon, adiḵpun paat paḻyawon.

Acts 15:18

Sana imbagan Apu we impaigammuna si awe.’ ”

Acts 2:47

Patilayune andaydayawda ḵan Apudyus, ḵad nas-om da tagu ḵan dida. Pun inaḻgawe dog-an Apudyus belang da matagu.

Romans 11:14

ta umaposan oḵyan da udume ḵailiyaḵe Judyu ta amatida ḵan Jesu Kristu ḵad mataguda.

Romans 11:29

Te adipun maḵwae obson Apudyus somsomoḵna si mipanggob atta binindisyunana ya da pinilina.

Romans 16:25

Madayaw oḵyan aḵ Apudyus! Te anna ḵabooḻanae amapigsa'tta pammatiyu we nibatay si Ambaḻu we Damag mipanggob ḵan Jesu Kristu we iwaḻagawagḵu. Sa annae Ambaḻu we Damag nitataḻu we adipun nipaigammu si awe.

Romans 3:20

Te naippun tagu'ḵ naun-unan atte antotollong Apudyus gapu'tte anuttuwaana'tte lintog te sa usar ni lintog ipaigammunae naḵabasuḻ losan da tagu.

Romans 9:11

Te sa daan da sadi ye ḵapile abeng miyanaḵan ya sa daanda angwaan aḵ ambaḻu baḵon nu lawweng, ḵanan Apudyus ḵan Rebecca, “Sa panguḻu anserbi si udidi.” Ḵingwana sanat ta sa panggobna'tte amiliyana'tta tagunae daḵampun aḵ mibatay si ḵingwan di tagu yaḵon mibatay si namiliyana ḵan dida.

Romans 9:24

Taḵon ay ditaḵu we pinilinae daḵampun aḵ abus da naḻpu'tta Judyu yaḵon da naḻpu bos atta Gentil.

1 Corinthians 1:18

Te sa damag mipanggob si natoyan Kristu atte kros, dinodong-og atta tagu we naḵoddongan aḵ madusa. Yaḵon ḵan ditaḵu we taguwon Apudyus, siya ḵabooḻan Apudyus we anagu ḵan ditaḵu.

Ephesians 1:11

Losane maḵwa, mibatay atte gagangaye planun Apudyus. Pinilina diḵani ye Judyu aḵ ambaline taguna gapu si niyossaananni ḵan Kristu. Te siya gagangaye planuna inggan ni lapuna,

Ephesians 1:9

Ḵad allaylayade nangipaigammu ḵan ditaḵu si pinionae adipun nipaigammu si awe ye asi mituttuwa ḵan Kristu.

Ephesians 2:5

Taḵon ay nu isun di natoy taḵu gapu'tta basuḻ taḵu, innatodna baru we biyag gapu si niyossaanan taḵu ḵan Kristu. Pun sa ḵinabaḻun Apudyus gapun ni nataguwan taḵu'tte madusaan si basuḻ.

Ephesians 3:11

Ḵingwan Apudyus ḵaḵnae nibatay atte annanayune planunae asi nituttuwa ḵan Jesu Kristu we Apu taḵu.

Philippians 3:14

Iggaḵ ḵabooḻaḵ ta daḵngoḵ miyisu si pagpag ni totoddaḵan ta magun-udḵu gungunae itton Apudyus atta losane piliyanae midoga ḵan siya'd langit gapu ḵan Jesu Kristu.

1 Thessalonians 4:7

Te adimpun Apudyus ditaḵu pinili ta angwa taḵu'tta ḵaissaw ya ḵababbain yaḵon mitotoḵḵon taḵu'ḵ taguna ta bumaḻu ugali taḵu.

1 Timothy 1:1

Saḵon aḵ Paul we nadutuḵan aḵ apostol we sammilun Jesu Kristu, gapu'tte bilin Apudyus we anagu ḵan ditaḵu ya aḵ Jesu Kristu we namnamaon taḵu'ḵ angwa'tta losane uuwayon taḵu.

2 Timothy 1:1

Saḵon aḵ Paul we apostol Jesu Kristu te siya pinion Apudyus. Imbuunna saḵon aḵ umoy angiwaḻagawag si biyage inkarin Apudyus ḵan ditaḵu we nidoga ḵan Jesu Kristu.

Titus 1:2

Ḵooḵ da sadi ta namnamaonda biyag aḵ inggana. Aḵ Apudyus adipun paat antultulli, inkarina sadi ye biyag atte daan ni lubung maḵwaan.

Hebrews 3:1

Pun susunudḵu ḵan Kristu we da tagun Apudyus we da pinilinae midoga ḵan siya'd langit, sosomḵon taḵu we aḵ Jesus imbuun Apudyus ḵan ditaḵu ya siya ḵangatuwane padi taḵu sigun si pinati taḵu.

1 Peter 1:20

Sa daan ni lubung maḵwaan, pinilin Apudyus aḵ Jesu Kristu aḵ anubut ḵan ditaḵu yaḵon nipaigammu si anungus ni aḻgaw para si bumaḻuwanyu.

1 Peter 2:9

Yaḵon diḵayu pinilin Apudyus aḵ ḵabaḻyanna ya isuyu da padi ye anserbi ḵan Apudyus we Ari taḵu. Diḵayu ilin da tagu we nitotoḵḵon para ḵan siya ya ampatoge tagunae ḵinuḵuwwana ta ipaigammuyu nakaskasdaawe ḵingwana. Pinilina bos diḵayu ta tenanyu giḵbot ya inggaw ḵayu si nakaskasdaawe paddana.

Revelation 13:8

Ḵad daydayawon da losane tagu si annae lubung sanae ḵaog-ogyate ayam yaḵon da tagu we nigili da ngadanda'tte iblu we nigiliyan da ngadan da awad da biyagda'ḵ inggana, adidapun daydayawon sanae ḵaog-ogyate ayam. Te sa daan ni lubung maḵwaan, nagagangpute nigili da ngadan da sanae tagu si iblun ni biyage sa ḵuwan ni Ubbu we Karnero we nagongat.

Revelation 17:8

Sa ayame innilam, inninggaw atte awe yaḵon naippun sinsadi. Ḵad sa umali ye aḻgaw, tumoḵwaḻe maḻpu si abute ippun patinggan ni ḵaadaḻomna. Ḵad ḵasapuḻane umoy atte dusae ippun anungusna. Ḵad da losane tagu si lubunge adipun nigili da ngadanda'tte iblu we nigiliyan da awad de biyagda'ḵ ingganae insaganan Apudyus atte daan ni lubung maḵwaan, mataagdae angila'tte sadi ye ḵaog-ogyate ayam te inninggaw atte awe, naippun sinsadi ya asi tumoḵwaḻ atte umali ye aḻgaw.”