2 Timothy 1:7 - Sa Ugud Apudyus

⁷ Te sa Ispiritu we innatod Apudyus ḵan ditaḵu, daḵampun si ogyat yaḵon sa ḵabooḻan taḵu we anserbi ḵan Apudyus, sa ayaton taḵu da udume tagu ya sa lamog taḵu we anupod si long-ag taḵu.

2 Timothy 1:7 ပူးပေါင်းရင်းမြစ်များ

Luke 10:19

Innatodḵu ḵan diḵayu ḵabooḻan ta oḻgonyu'ḵ Satan. Taḵon ay ngai ḵoonae amadas si ḵabooḻana, adiḵayupun paat madiwdiwat. On, taḵon ay gusdanyu da uḻog ya da gayyaman!

Luke 15:17

“Nansomsomoḵ ḵad ḵanana, ‘Losan atta anḵewaaḻon amaḵ pasige ansawaḻda'tte maḵan ḵad annaaḵ ay sinae mamattoy atte inuḻat.

Luke 24:49

Ḵad saḵone mismu angibuun si inkarin Amaḵ ḵan diḵayu. Yaḵon ḵasapuḻane uwayonyu sina'd Jerusalem inggana'ḵ awatonyu ḵabooḻane maḻpu'd langit.”

Luke 8:35

Pun ummoy da tagu innila naḵwa. Dummatongda ḵad ḵan Jesus, indasanda sadi ye tagu we napaḻyawan da aḻan. Tutuḵdu si sinagung Jesus ya nansilup ḵan nanggodong somsomoḵna. Pun naḵimtanda.

John 14:27

“Tenaḵ ḵan diḵayu lin-awa ya sa lin-awaḵ ittoḵ ḵan diḵayu. Daḵampun aḵ isun ni an-aatod da tagu we adipun amati an-aatodḵu ḵan diḵayu. Ḵad adi ḵayu maal-alimuunan ya maḵimut.

Acts 1:8

Yaḵon nu umali Ispiritu Santu ḵan diḵayu, maittan ḵayu'tte ḵabooḻan Apudyus ta iwaḻagawagyu mipanggob ḵan saḵon sina'd Jerusalem ya da adu we ili'tta probinsiya'd Judea ḵan Samaria ya sa intero we lubung.”

Acts 10:38

Igammuyu we dinutuḵan Apudyus aḵ Jesus we iNazareth ya innatodna Ispiritu Santu ya sa ḵabooḻana ta dinumane ayana, ḵoona da ambaḻu ya ḵinaanna da ampaḵaḻaman da nampaḵapaḵaḻamon Satan te anna'ḵ Apudyus ḵan siya.

Acts 20:24

Adipun ampatog ḵan saḵon nu mataguwaḵ baḵon nu matoyaḵ. Sa biyagḵu ampatog atte angigangputaḵ si ḵewaaḻe innatod Apu Jesus ḵan saḵone sa angiwaḻagawagaḵ si Ambaḻu we Damag mipanggob si ḵinabaḻun Apudyus.

Acts 21:13

Pun summongbat aḵ Paul woḵ ḵanana, “Ngaipa ḵayu sin-iibil ya paḻawengonyu somsomoḵḵu? Te naḵasaganaaḵe mibaḻud ya taḵon ay nu matoyaḵ ad Jerusalem mipagapu ḵan Apu Jesus.”

Acts 26:11

Nangampigae ummoyaḵ atta losane sinagoga ya dam-oḵ dinusa da namati. Ḵad pinatutḵu dida an-ugudon aḵ lawweng atte mipanggob ḵan Jesus gapu ta amod de sangaḵ ḵan dida. Nampaḵaḻamoḵ dida taḵon ay da adaddayuwane siyudad da Gentil.”

Acts 26:25

Yaḵon ḵanan Paul, “Daḵampun aḵ natingangaḵ, madaydayawe Gobernor Festus yaḵon sa annae ibagabagaḵ ḵatuttuwaan ya naḻpu'tte ambaḻu we somsomoḵḵu.

Acts 6:8

Aḵ Stephen, amod de ḵinabaḻun Apudyus ḵan siya ya innattan Apudyus aḵ ḵabooḻane nangwa'tta nakaskasdaaw ḵan sinyal atte sinagung da tagu.

Acts 9:22

Yaḵon amo pummigsa ḵabooḻan Saul we angiwaḻagawag. Pinanoḵnoḵanae aḵ Jesus siya Kristu ḵad da Judyu'd Damascus adidapun maḵasongbat ḵan siya.

Romans 5:5

Ḵad nu awad namnama taḵu, aditaḵupun oḵyan madismaya te impailan Apudyus amode ayatna para ḵan ditaḵu mipagapu'tte Ispiritu Santu we innatodna ḵan ditaḵu.

Romans 8:15

Te sa Ispiritu we innatod Apudyus ḵan ditaḵu, adinapun ditaḵu nambalinon aḵ musassu we umogyate isun ni ḵasasaad taḵu si awe yaḵon nambalinon ditaḵu'ḵ abeng Apudyus. Pun gapu'tte ḵabooḻan ni Ispiritu Santu, maḵwa ḵanan taḵu ḵan Apudyus we Ama!

1 Corinthians 2:4

Ḵad sa nantuttuduwaḵ ḵan nangiwaḻagawagaḵ ḵan diḵayu, adiḵpun inusar maḵaawise ugud ta mipaila ḵinalaing di tagu yaḵon mipaila ḵabooḻan ni Ispiritu Santu.

Galatians 5:22

Yaḵon sa ugali ye itton ni Ispiritu Santu ḵan ditaḵu ta ambalbaliw taḵu, dida da anna: ayat, layad, lin-awan ni somsomoḵ, anus, bumabbadang, ambaḻu ḵoona'tta asintataguna, mataḻgodan,

Colossians 1:8

ya siya nangibaga si mipanggob atte ayatyu ḵan diḵani ya da buḻunyu mipagapu si badang ni Ispiritu Santu.

Hebrews 2:15

ya ḵaḵna inonae namuḵay atta losane tagu we isudan musassu we nabaḻud si inggan ni nataguwanda gapu si ogyatda si ḵatoy.

1 Peter 1:22

Te pummoḻḵas ḵayu we ustu si tummuttuwaanyu gapu si namatiyanyu'tte ḵatuttuwaan, gattoḵe ayatonyu da susunudyu ḵan Kristu we namati. Pun pagapagatupanyu we an-asiayat atta losane somsomoḵyu.

1 John 4:18

Nu awad ayat taḵu ḵan Apudyus, naippun umogyatan taḵu yaḵon sa ayate naippun angkurangana, tupodona ogyat. Te sa maḻpuwan ni ogyat sa sosomḵon taḵu mipanggob si andusaan Apudyus. Ḵad ngaimane umogyat, sissiyae angkurang ayatna.