2 Timothy 1:4 - Sa Ugud Apudyus

⁴ Iḵagasmoḵḵu lummuwaam atte nansinaanta si awe, pun pioḵ ilan siḵa ta allaylayadaḵe ustu.

2 Timothy 1:4 ပူးပေါင်းရင်းမြစ်များ

John 16:22

Pun isuna bos ḵan diḵayu te andadauy ḵayu sinsadi. Yaḵon sa umali ye aḻgaw, an-asiila taḵu ḵasin ḵad anggangganas ḵayu ya naippun ḵallamog angaan atte layadyu.

John 16:24

Inggana sinsadi, naippun ḵindawyu mipagapu'tte ḵabooḻaḵ. Anḵodaw ḵayu woḵ awatonyu ta naippun kurang ni layadyu.”

Acts 20:19

Nanserbiyaḵ ḵan Apu Jesus we napakumbaba. Ḵad naaḻuboy os luwaḵ si lawweng ni somsomoḵḵu gapu si namaḵapaḵaḻaman da dogaḵe Judyu ḵan saḵon te nan-uunudandae gongaton saḵon.

Acts 20:31

Pun dadaḵḵagonyu ya sosomḵonyu we sa tuḻun tawone inninggawaḵ ḵan diḵayu, adiḵpun ingginoḵe nangiwaḻagawag ḵan diḵayu si inaḻgaw ḵan nilabi ye maaḻuboy luwaḵ si ayatḵu ḵan ḵadaguḵ ḵan diḵayu.

Romans 1:11

Te pioḵ pagaye ilaḵ diḵayu ta maḵabillayaḵ ḵan diḵayu si bindisyune naḻpu si Ispiritu Santu ta pumigsa pammatiyu.

Philippians 1:8

Igammun Apudyus ummamdane ayuḵ ḵan diḵayu te ay-ayatoḵ diḵayu we isun ni an-aayat Jesu Kristu ḵan diḵayu.

Philippians 2:26

yaḵon paoyonoḵ sinat te amod pagay ayuna ḵan diḵayu losan ya amod os bimbinsawna si inigammunae dingngoḻyu nasaḵitana.

1 Thessalonians 2:17

Yaḵon sa sin-aḵitane nisinaanni ḵan diḵayu susunudḵu ḵan Kristu, amod de ayuni ya pasigni sosomḵon diḵayu. Pun pinadasni ḵabooḻanni ye mipauli ta an-asiila taḵu ḵasin.

2 Timothy 4:21

Ilam ud ta aaddiḵa umali sina si daan ageled. Da Eubulus, Pudens, Linus ya aḵ Claudia ya losan atta susunud ḵan Kristu we anna sina, isuna bose pakumustaonda siḵa.

2 Timothy 4:9

Timothy, masapaḵa oḵyan umali sina

1 John 1:4

Ḵad igilini da sana ta amo lumayad taḵu we ippun kurangna.

Revelation 21:4

Punasana da losane luwada ḵad adidapun ogon matoy. Naippun ogon andomdom ya umibil ya naippun ogon ampaḵaḻam te da sanae inggaw si awe, naiddapun ogone sana.”

Revelation 7:17

Te sa Ubbu we Karnero we awad si gaggawan ni trono, siya anangḵon ḵan dida. Ḵad ipuyutna dida'tte bubune maḻpuwan ni danume angitod si biyag. Ḵad punasan os Apudyus losan da luwada.”