2 Timothy 1:16 - Sa Ugud Apudyus

¹⁶ Ḵadaguwan oḵyan Apudyus da Onesiphorus we simbaḻyan te nangampigae sinoḻgagna saḵon. Taḵon ay nibaḻudaḵ sinsadi, adipun mabaine namisita ḵan saḵon.

2 Timothy 1:16 ပူးပေါင်းရင်းမြစ်များ

Matthew 25:17

Siya bos ḵingwan ni ḵumagwae nitaḻgodan ni duwallibu we palata, pun naḵagalansiya bos aḵ duwallibu we palata.

Matthew 5:7

Pian da tagu we ḵumadagu'tta asintataguda te ḵadaguwan os Apudyus dida.

Acts 21:33

Pun dinoḵmaan ni kumander aḵ Paul woḵ imbilinna'tta suḻdadu we ḵawadanda si duwae ḵawad. Naabus ḵad, ḵananae nan-imus, “Ngai annae tagu? Ngai ḵingwana?”

Acts 28:20

Sana gapunae inayagaḵ diḵayu ta an-asiila taḵu ḵan an-uugud taḵu te pioḵ ipaigammu we sa gapun ni naḵawadaḵ sa pammatiḵe siya namnamaon taḵu we ganaḵ Israel.”

1 Corinthians 16:18

Te sinoḻgagda somsomoḵḵu ya isuna bose sinoḻgagda da somsomoḵyu. Labbongnae mabigbig da tagu we ḵaḵna.

Ephesians 6:20

Te imbuun Kristu saḵon aḵ angiyugud ḵan siya ta ipaigammuḵ Ambaḻu we Damag we siya gapunae naḵawadanaḵ sinsadi. Pun iluwaḻuwanaḵ ud ta tumuḻodaḵe angiyugud ḵan siya te siya ustu we ḵooḵ oḵyan.

2 Timothy 1:12

ḵad sadi gapun ni ampaḵapaḵaḻamaḵ. Yaḵon adiyaḵpun mabain te igammuḵ pinatiḵe awad de ḵabooḻanae angayyuwan atta intaḻgodna ḵan saḵon inggana'ḵ dumatong aḻgawe ḵasin umali'ḵ Kristu.

2 Timothy 1:17

Dummatong ḵad ad Rome, singsingngitna saḵon inggana'ḵ indasanaḵ.

2 Timothy 1:18

Inigammum os daḵoḻe badangna ḵan saḵon ad Ephesus si awe. Ḵadaguwan oḵyan Apudyus si aḻgawe anguwisana'tta tagu.

2 Timothy 1:8

Pun adiḵa mabaine angipanoḵnoḵ si mipanggob ḵan Apu. Adiḵa bos mabain gapu ḵan saḵone nibaḻud gapu'tte nanserbiyaḵ ḵan siya yaḵon anusam attoman ampaḵaḻamam gapu si angiwaḻagawagan taḵu'tte Ambaḻu we Damag. Attomam te papigsaon Apudyus siḵa.

2 Timothy 4:19

Pakumustaom da Priscilla ḵan Aquila ya isuna bos ḵan da Onesiphorus we simbaḻyan.

Philemon 1:20

Sunudḵu ḵan Kristu, patgam oḵyan ḵodawoḵ ya paḻayadonaḵ oḵyan ya papigsaom somsomoḵḵu gapu si pammatiḵ ḵan Apu.

Philemon 1:7

Sunudḵu ḵan Kristu, pinaḻayadaḵ ḵan sinoḻgagaḵ gapu si ayatnu. Siya bos nansosoḻgagnu'tta somsomoḵ da losane tagun Apudyus sinat.

Hebrews 10:34

Te ḵinadaguwanyu da buḻunyu we nibabaḻud. Ḵad taḵon ay nu sinamsamda da ḵuḵuwayu, inan-anusanyu ginangganas te mismu we igammuyu we awad de nabaḻbaḻu ya annanayune ḵuḵuwayu'd langit.

Hebrews 6:10

Naun-unan aḵ Apudyus, adinapun maliwatan da ambaḻu we ḵingwayu ya sa ayatyu ḵan siyae impailayu si bummadanganyu'tta buḻunyu we tagun Apudyus ya sissiyae badanganyu dida.