2 Timothy 1:13 - Sa Ugud Apudyus

¹³ Nu antuttuduḵa, ilam ta uunnudom ḵatuttuwaane intuttuduḵ ḵan siḵa ya gogomgomam pammatim ḵan ayate innatod Jesu Kristu ḵan ditaḵu we niyossaan ḵan siya.

2 Timothy 1:13 ပူးပေါင်းရင်းမြစ်များ

Romans 2:20

Ḵad ḵananyu bose diḵayu ḵallabbong anuttudu'tta dong-og ḵan anuttudu'tta inaabbeng da somsomoḵda gapu'tte lintoge annat ḵan diḵayu we angigammuwanyu si ustu ḵan ḵatuttuwaan.

Romans 6:17

Yaḵon anggappiyaaḵ ḵan Apudyus te taḵon ay nu musassun ni basuḻ diḵayu'tte awe, sinsana tuttuwae insisimoḵyu tuttuwaon ḵatuttuwaane nituttudu ḵan diḵayu.

Philippians 1:27

Yaḵon taḵon ay nu ngai maḵwa, ilanyu ta mibagay antataguyu si Ambaḻu we Damag mipanggob ḵan Kristu ta umaliyaḵ ta iyyaḵ diḵayu ilan baḵon nu adiḵpun dongngon oḵyan mipanggob ḵan diḵayu, igammuwoḵ ose sissiyae ampigsa pammatiyu we os-ossaan panggobyu. Ḵad ḵasapuḻane an-os-ossaan os somsomoḵyu we angitaḵdoḻ si pammatiyu we mibatay si ḵatuttuwaan ni Ambaḻu we Damag,

Philippians 4:9

Da losane inadaḻyu ḵan saḵon, da dingngoḻyu ya innilayu, siya oḵyan pagay pasige unudonyu ya aḵ Apudyus we angitod si lin-awa, siya amuḻun ḵan diḵayu.

Colossians 1:4

te dingngoḻni mipanggob atte pammatiyu ḵan Jesu Kristu ya sa ayatyu'tta losane tagun Apudyus.

1 Thessalonians 5:21

Yaḵon ḵasapuḻane panoḵnoḵanyu da losane mituttudu ya siya pagay unudonyu da ambaḻu.

1 Timothy 1:10

da maḵadagdagas, da antattanunge angasawa'tta asillaḻaḵida ya asimbubaida, da andopap atta asintataguda ya illaḵuda dida. Da tuliyan, da angisapata'tta tinutuli ya da losane angwa'tte misullagi si tuttuwae tuttudu.

1 Timothy 1:14

Ḵad ummamdan ḵinabaḻun Apu taḵu ḵan saḵon si nangittana'tte pammati ya ayat. Ittona bos sanae pammati ya ayat ḵan ditaḵu losan gapu si niyossaanan taḵu ḵan Jesu Kristu.

1 Timothy 6:3

Nu awad angituttudu si sabali ye tuttudu we adipun umanamung atte tuttuwae tuttudun Apu taḵu we Jesu Kristu, adinapun inunud tuttudu we mipaoy atte naapudyusane biyag.

2 Timothy 1:1

Saḵon aḵ Paul we apostol Jesu Kristu te siya pinion Apudyus. Imbuunna saḵon aḵ umoy angiwaḻagawag si biyage inkarin Apudyus ḵan ditaḵu we nidoga ḵan Jesu Kristu.

2 Timothy 1:14

Mipagapu'tte ḵabooḻan ni Ispiritu Santu we iinggaw ḵan ditaḵu, ayyuwaname ustu ampatoge tuttudu we intaḻgod Apudyus ḵan siḵa.

2 Timothy 2:2

Ḵad da losane dingngoḻnu we intuttuduḵ ḵan siḵa'tta sinagung da adu we tagu, itaḻgodnu'tta mataḻgodane ḵallabbong os angituttudu'tta udum.

2 Timothy 3:14

Yaḵon ḵan siḵa, pagapagatupam atta inadaḻnu ya da pinatini ye ḵatuttuwaan te iniiggammum da ḵinatatagun da nangituttudu ḵan siḵa.

2 Timothy 4:3

Te dumatong timpu we adimpun da tagu pione andongoḻ atte tuttuwae tuttudu ḵad gapu ta pionda unudon awad si somsomoḵda, an-ayagda'tta tagu we angituttudu'tta piondae dongngon.

Titus 1:9

Sa mipanggob si pammatina, ḵasapuḻane gogomgomana da ḵatuttuwaane nagangput nituttudu ḵan siya ta lamogna ituttudu ustuustu we tuttudu'tta buḻunna ya soḻgagona didae angunud ḵan suppaḵana da sumullagi si ḵatuttuwaan.

Titus 2:1

Yaḵon ḵan siḵa Titus, pagapagatupame amagbaga'tta namati ta siya unudonda da mibagay si ustu we tuttudu.

Titus 2:8

Ilam os ta sa ituttudum, ustuustu ta adi oḵyan maamsew. Te nu ḵoom ḵaḵna, mabainan da sumullagi ḵan dita te adipun maḵwae an-ugudda'ḵ lawweng atte mipanggob ḵan dita.

Hebrews 10:23

Popotpotan taḵu namnama taḵu we adi taḵu anduwaduwa te mataḻgodan aḵ Apudyus we angituttuwa'tta inkarina.

Hebrews 3:6

Yaḵon aḵ Jesu Kristu, mataḻgodane Abeng we angayyuwan atta tagun Apudyus. Ḵad ditaḵu da tagun Apudyus nu pagatupan taḵu tuḻod taḵu ḵan sissiyae antaḻgod taḵu si namnama taḵu ḵan Kristu.

Hebrews 4:14

Pun gogomgoman taḵu pammati taḵu te aḵ Jesus we Abeng Apudyus siya maḵabooḻe ḵangatuwane padi taḵu we ummoy ḵan Apudyus ad langit.

Jude 1:3

Ay-ayatoḵe buḻbuḻun, ansagsaganaaḵe anuḻat ḵan diḵayu si mipanggob atte mataguwan taḵu losane namati. Yaḵon sinsadi, ḵasapuḻane anuḻataḵ ta bagbagaaḵ diḵayu we iggayu ḵabooḻanyu we angitaḵdog si pammati taḵu we namingpingsane intaḻgod Apudyus atta taguna.

Revelation 2:25

Sa abuse ibagaḵ ḵan diḵayu, ipapatiyu unudon tuttuwae tuttudu inggana'ḵ umaliyaḵ.

Revelation 3:11

Madam-an timpu we umaliyaḵ. Pun ipapatiyu unudon tuttuwae tuttudu ta ippun osa'ḵ angaan atte gungunayu.

Revelation 3:3

Sosomḵonyu da nituttudu ḵan inawatyu'tte awe. Ḵasapuḻane patiyonyu dida ya ibabawiyu da basuḻyu ya agayyu we angwa. Te nu adiḵayupun bumangon, umaliyaḵe mapoḵḵatane isun ni aḵḵawan ta dusaoḵ diḵayu ya adiyupun igammu timpu we umaliyaḵ.