2 Timothy 1:12 - Sa Ugud Apudyus

¹² ḵad sadi gapun ni ampaḵapaḵaḻamaḵ. Yaḵon adiyaḵpun mabain te igammuḵ pinatiḵe awad de ḵabooḻanae angayyuwan atta intaḻgodna ḵan saḵon inggana'ḵ dumatong aḻgawe ḵasin umali'ḵ Kristu.

2 Timothy 1:12 ပူးပေါင်းရင်းမြစ်များ

Matthew 12:21

Ḵad siya abus aḵ namnamaon da losane tagu we anagu ḵan dida.”

Matthew 24:36

Pinagatupan Jesus woḵ ḵanana, “Naippun angigammu'tte aḻgaw baḵon nu timpu we mituttuwaanda. Taḵon ay da anghel ad langit, ippun igammuda. Ḵad taḵon ay saḵone Abeng Apudyus, ippun os igammuḵ. Te ippun udum aḵ angigammu, abus aḵ Apudyus we Ama.

Matthew 7:22

Ḵad nu dumatong anguwisan Apudyus atta losane tagu, adu da ḵananda ḵan saḵone, ‘Apu, Apu, inusarni ḵaḻabbongam atta nangwaanni'tta sanae banag. Imbagani da paibagan Apudyus ya pinaḻyawni da aḻan ya ḵingwani da nakaskasdaaw.’

Luke 10:12

Annaya ibagaḵ ḵan diḵayu, nu dumatong anguwisan Apudyus atta losane tagu, nadagdagson dusayu si annae ili nu sa dusan da iSodom.”

Luke 23:46

Napapḵaaw aḵ Jesus woḵ ḵanana, “Ama, itaḻgodḵu ḵalidodwaḵ ḵan siḵa.” Imbagana ḵad sadi, naḵaan angosna.

John 17:15

Daḵampun aḵ iluwaḻuḵe ḵaanom dida'tte annae lubung yaḵon iluwaḻuḵe saḻaḵnibam dida ḵan Satan.

John 6:44

Naippun tagu'ḵ maḵaali ya amati ḵan saḵon nu adin Amaḵ we nangibuun ḵan saḵon iyadani. Ḵad da amati, taguwoḵ dida ḵasin si anungus ni aḻgaw.

Acts 13:46

Yaḵon amo tummuḻod da Paul ḵan Barnabas woḵ ḵananda, “Ḵasapuḻane umunae mibaga Ugud Apudyus ḵan diḵayu we Judyu. Yaḵon gapu ta indiyanyu ya ḵinuwisyu long-agyu we ippun labbongyu si biyag aḵ inggana, sinsadi tenanni diḵayu ta inḵani'tta Gentil.

Acts 13:50

Yaḵon da Judyu we adipun namati ḵan Jesus, sinubsubda da nangangatu saaddae bubbubai ye nandaydayaw ḵan Apudyus ya da papangat atte sadi ye siyudad. Pun insaḻaddae amaḵaḻam ḵan da Paul ḵan Barnabas woḵ pinaḻyawda dida si ilida.

Acts 21:13

Pun summongbat aḵ Paul woḵ ḵanana, “Ngaipa ḵayu sin-iibil ya paḻawengonyu somsomoḵḵu? Te naḵasaganaaḵe mibaḻud ya taḵon ay nu matoyaḵ ad Jerusalem mipagapu ḵan Apu Jesus.”

Acts 7:59

Sa amatubatuwanda ḵad ḵan Stephen, nalluwaḻu woḵ ḵanana, “Apu Jesus, awatom ḵalidodwaḵ.”

Acts 9:16

Ipailaḵ ḵan siya ummamdane ampaḵaḻamanae asina laḵ-amon mipagapu'tte ngadanḵu.”

Romans 1:16

Adiḵpun ibaine angiwaḻagawag atte Ambaḻu we Damag te siya Ugud Apudyus we maḵabooḻ anagu'tta losane amati, umuna'tta Judyu ya asiyot da Gentil.

Romans 9:33

Te ḵanan ni nigili'tte Ugud Apudyus, “Ilanyu, isaadḵu'd Zion annae batu we amapagdot si boḻoy. Sana batu we ampasanga ya misubuḵan ḵan maottagan da tagu. Yaḵon ngaimane amati ḵan siya adipun paat madismaya.”

1 Corinthians 1:8

Papigsaona da pammatiyu inggana si anungus ni aḻgaw ta ippun mapabasuḻanyu'tte timpu we mipauliyan Apu taḵu we Jesu Kristu.

1 Corinthians 3:13

Ḵad sa aḻgawe anguwisan Apu atta losane tagu, mipaila ustu we ḵinapatog da ḵingwan ni sin-ossaossa te mapadas si apuy.

Philippians 1:20

Igammuḵe taguwonaḵ gapu'tte namnamaḵ ya sa pioḵ pagay, adiyaḵpun mabain si sinagung Apudyus gapu si adiḵpun daydayawon yaḵon amo tumuḻodaḵ pagay sinsanae isuna awe ta mipagapu'tte long-agḵu midayaw aḵ Kristu, matattaguwaḵ man baḵon nu matoyaḵ.

Philippians 3:10

Pioḵ da sana ta igammuwoḵ aḵ Kristu we ustu ya sa ḵabooḻan ni ummuliyana. Ḵad daḵampun aḵ abus sadi, padasoḵ oḵyan ose ampaḵaḻam ya miyisuwaḵ ḵan siya si natoyana

Philippians 3:21

Ambalinona da ḵaddagu ya matoye long-ag taḵu aḵ isun ni long-agnae adipun pulus matoy ya ambaḻubaḻu we long-ag. Ḵad maḵwae ḵoona sadi gapu si ummamdane ḵabooḻanae angawis atta losan ta paipangatda ḵan siya.

Philippians 3:8

Ḵad daḵampun aḵ abus sadi, ibelangḵu we ippun pulus anun da losan nu iyisuḵ si nangigammuwaḵ ḵan Jesu Kristu we Apuḵ te napatpatog aḵ adayu nu da ngaiman. Para ḵan siya, imballuḵ losan da sadi ya ibelangḵu we dimoḵda ta maḵwae ganaboḵ maḵabuḻbuḻunaḵ ḵan Kristu,

1 Thessalonians 2:16

te taḵtaḵonda diḵani ye angibaga'tte Ugud Apudyus atta Gentil ta mataguda oḵyan. Sa ḵoondae sanat, dog-adog-anda da basuḻda ḵad dumatong ḵan dida sindumallu we sangan Apudyus.

1 Thessalonians 5:4

Yaḵon ḵan diḵayu susunud, daḵampun ogon aḵ anna ḵayu si pongote maaddagan nu dumatong Aḻgaw Apu we mapoḵḵatane isun ni umaliyan ni aḵḵawan.

1 Timothy 6:20

Ḵan siḵa Timothy, ayyuwanam da intaḻgod Apudyus ḵan siḵa. Adayuwam da ug-uggude daḵampun aḵ mipanggob atte tuttuwae Apudyus ya da misullagi ye tuttudu we ngannonda laing yaḵon niḵawasda'tte ḵatuttuwaan.

2 Timothy 1:14

Mipagapu'tte ḵabooḻan ni Ispiritu Santu we iinggaw ḵan ditaḵu, ayyuwaname ustu ampatoge tuttudu we intaḻgod Apudyus ḵan siḵa.

2 Timothy 1:16

Ḵadaguwan oḵyan Apudyus da Onesiphorus we simbaḻyan te nangampigae sinoḻgagna saḵon. Taḵon ay nibaḻudaḵ sinsadi, adipun mabaine namisita ḵan saḵon.

2 Timothy 1:18

Inigammum os daḵoḻe badangna ḵan saḵon ad Ephesus si awe. Ḵadaguwan oḵyan Apudyus si aḻgawe anguwisana'tta tagu.

2 Timothy 1:8

Pun adiḵa mabaine angipanoḵnoḵ si mipanggob ḵan Apu. Adiḵa bos mabain gapu ḵan saḵone nibaḻud gapu'tte nanserbiyaḵ ḵan siya yaḵon anusam attoman ampaḵaḻamam gapu si angiwaḻagawagan taḵu'tte Ambaḻu we Damag. Attomam te papigsaon Apudyus siḵa.

2 Timothy 2:9

Gapu si nangiwaḻagawagaḵ si annae Ambaḻu we Damag, ampaḵaḻamaḵ ya maḵawadanaḵ sina si annae babaḻḻudane isun di pumappatoy. Yaḵon adipun maḵwae maḵawadan Ugud Apudyus.

2 Timothy 4:8

Pun sinsadi awad de insaganan Apu we para ḵan saḵone gungunae ittona'tta losane naun-unane tagu. Ittona anna si umali ye aḻgawe anguwisana'tta losane tagu sigun si ustu we anḵuḵuwisna. Ḵad daḵampun aḵ abusaḵ aḵ gungunaana nu adi da losane ummayu si mipauliyana.

Titus 3:8

Tuttuwa da sadi ye imbagaḵ ya matuttuwada oḵyan. Pun pioḵe pagapagatupame antuttudu'tta namati ḵan Apudyus sinat ta ummanda ipapuute angwa'tta ambaḻu. Da sadi ye tuttudu, ambaḻubaḻu ya idaḻanna da losane tagu'tte bumaḻuwanda.

Hebrews 12:2

Isisimoḵ taḵu'ḵ Jesus te siya puun ḵan magangputan ni pammati taḵu. Ḵad adinapun imbaine natoy atte kros para ḵan ditaḵu gapu si gangganase anguuway ḵan siya. Pun sinsadi, awade tutuḵdu si madawinan Apudyus we maḵapangat ḵan siya.

Hebrews 2:18

Pun sinsadi, gapu ta napadasanae nampaḵaḻam ḵan nasulisug, maḵwae bumadang atta nasulisug ḵan Satan.

Hebrews 7:25

Pun sadi gapunae maḵwae taguwona si losane timpu da umadani ḵan Apudyus mipagapu ḵan siya te siya matattagu'ḵ ingganae angiyugud ḵan ditaḵu si sinagung Apudyus.

1 Peter 1:5

Gapu'tte ḵabooḻan Apudyus, ayyuwanana diḵayu mipagapu'tte pammatiyu ḵan siya inggana'ḵ mituttuwa anaguwana ḵan diḵayu. Inabusna insagana sanate mataguwane ipailana nu anungus ni timpu.

1 Peter 4:16

Yaḵon nu ampaḵaḻam ḵayu gapu ta Kristianu ḵayu, adi ḵayu mabain yaḵon dayawonyu'ḵ Apudyus te nibelang ḵayu we tagun Kristu.

1 Peter 4:19

Pun diḵayu we ampaḵapaḵaḻam gapu si pinion Apudyus, ipapatiyu ḵoon da ambaḻu ya itaḻgodyu da ḵalidodwayu we ustu ḵan Apudyus we mataḻgodane nangwa.

Jude 1:24

Madaydayaw oḵyan os-ossaane Apudyus we anagu ḵan ditaḵu mipagapu ḵan Jesu Kristu we Apu taḵu. Lamogna saḻaḵniban diḵayu ta adi ḵayu maḵabasuḻ ya ippun madellaw ḵan diḵayu nu pasiḵadona diḵayu si sinagungna. Ḵad maganasan ḵayu we angitotollong atte sumilinge ḵinaapudyusna. Madaydayaw te siya ḵangatuwan ḵan maḵabooḻe Apudyus we naippun ḵigad ni ḵaḻabbongana inggan ni laplapuna, sinsana ya aḵ inggainggana. Amen.