2 Thessalonians 3:9 - Sa Ugud Apudyus

⁹ Ḵingwani da ḵatti ta awad ampaniyanyu unudon taḵon ay nu anna ḵaḻabbonganni ye anḵodaw ḵan diḵayu'tta masapuḻni.

2 Thessalonians 3:9 ပူးပေါင်းရင်းမြစ်များ

Matthew 10:10

baḵaḻ, suḻḵud, sandal ḵan ansuḵatanyu'ḵ silup te labbongnae awaton da anḵewaaḻ ḵanonda.

John 13:15

Ḵingwaḵ anna ta awad ampaniyanyu. Ta ḵoonyu oḵyan os da ḵingwaḵ ḵan diḵayu.

1 Corinthians 4:16

Pun ḵodawoḵ ḵan diḵayu ta unudonyu oḵyan saḵon.

Galatians 6:6

Sa matuttuduwan atte Ugud Apudyus, ḵasapuḻan oḵyane ibillayana antuttudu ḵan siya'tta losane ambaḻu we awad ḵan siya.

1 Thessalonians 2:6

Ḵad daḵampun aḵ singtonni dayawe maḻpu'tta tagu, diḵayu baḵon nu da udum taḵon ay nu ḵaḻabbonganni oḵyane ḵodawonni dayaw baḵon nu da masapuḻni ḵan diḵayu te diḵani da apostol Kristu.

2 Thessalonians 3:7

Te diḵayu we mismu angiiggammu si inonyu we angunud atta ambaḻu we ugalini si inninggawanni ḵan diḵayu. Te adiḵanipun baduuḻe nanḵewaaḻ.

1 Peter 2:21

Te pinilin Apudyus diḵayu ta siya unudonyu ḵaḵnate antatagu. Te nampaḵaḻam os aḵ Kristu para ḵan diḵayu ḵad impailana antatagu we unudonyu oḵyan.

1 Peter 5:3

Adiyu bos ipatut pionyu'tta tagu we nitaḻgod ḵan diḵayu yaḵon diḵayu oḵyan ampaniyan si ambaḻu we ugali.