2 Thessalonians 3:2 - Sa Ugud Apudyus

² Iluwaḻuyu ta saḻaḵniban diḵani ḵan Apudyus atta lawwelawwenge tagu te tuttuwae daḵampun aḵ losane tagu namati ḵan Apudyus.

2 Thessalonians 3:2 ပူးပေါင်းရင်းမြစ်များ

Matthew 17:17

Ḵanan Jesus we summongbat, “Diḵayu we ippun pammatiyu ḵan lawwelawweng somsomoḵyu we tagu si sanae lunap! Ḵamaan ni inggawaḵ ḵan diḵayu ya asi ḵayu amati ḵan saḵon? Ḵamaan ni ampatinggaan ni anusḵu ḵan diḵayu?” Ḵanana'tte aman ni abeng, “Idatongnu abeng ḵan saḵon.”

Matthew 23:23

“Ḵaddagu ḵayu, diḵayu we mimistulun ni lintog ya da Pharisee. Ḵapappaila ḵayu! Te ittonyu ḵasimpuḻun ni apityu ḵan Apudyus, taḵon ay da muḻae amapiya'tta tipoy. Yaḵon adiyupun tuttuwaon ḵapatogane biline ituttudun ni lintog, isun da angwaanyu'tta maun-unan atta asintataguyu, ḵumadagu'tta asintataguyu ya mataḻgodan ḵayu. Ḵasapuḻane ḵoonyu da anna ḵad adiyu bos maliwatan da udum.

Luke 18:8

Annaya ibagaḵ ḵan diḵayu, ittonae dagus ḵan dida ḵalintoganda. Yaḵon mipauliyaḵ ḵade Abeng Di Tagu, awad ḵamman odasaḵ aḵ amati ḵan saḵon sina'd luta?”

Acts 13:45

Yaḵon innilan ḵad da Judyu da aduadu we tagu, amod de aposda. Pun sinullagida da imbagan Paul woḵ nan-uguugudanda'ḵ lawweng.

Acts 13:50

Yaḵon da Judyu we adipun namati ḵan Jesus, sinubsubda da nangangatu saaddae bubbubai ye nandaydayaw ḵan Apudyus ya da papangat atte sadi ye siyudad. Pun insaḻaddae amaḵaḻam ḵan da Paul ḵan Barnabas woḵ pinaḻyawda dida si ilida.

Acts 14:2

Yaḵon da Judyu we adipun tummuttuwa gapu si adidapun namatiyan, sinubsubda da Gentil ta paḻawengonda da somsomoḵ da susunud ḵan Kristu.

Acts 17:5

Yaḵon maapos da Judyu we adipun namati woḵ dinagupda da gugulu'tte lugar we andaḵdaḵngan da adu we tagu ta angguluda inggana'ḵ nagulu da losane umili. Pun ummoyda linnoḵ boḻoy da Jason te singsingtonda da Paul ḵan Silas ta ilawada dida iyoy atte nadagupan da adu we tagu.

Acts 25:27

Te sa ḵasomsomḵaḵ, naippun daḻat ni ibuunḵu baḻud ḵan Emperor nu ippun ustu'ḵ mipabasuḻ ḵan siya.”

Acts 28:24

Ḵad inninggaw da naawis atta inugudna yaḵon adimpun da udum pinati.

Romans 10:16

Yaḵon adimpun da losane tagu tinuttuwa Ambaḻu we Damag. Te ḵanan Profeta Isaiah, “Apu, ngai da namati'tta imbagabagani?”

Romans 15:31

Iluwaḻuyu we iligsin Apudyus saḵon atta adipun namati'tte probinsiya'd Judea. Ḵad iluwaḻuyu bos ta awatonaḵ atta tagun Apudyus ad Jerusalem we anserbi ḵan dida sidi.

1 Corinthians 15:32

Nu daḵampun aḵ umuli da natoy, ngai gay lawa maganabḵu we sumangu'tta ḵumane tagu we isuḵ nin maḵapatoy atta ḵumane ayam sina'd Ephesus? Nu daḵampun aḵ umuli da natoy, adi un-unnoyna unudoḵ uuggudone ḵanana, “Angaangan taḵu ya uminuinum taḵu te appigat matoy taḵu.”

1 Thessalonians 2:18

Pionni pagay ilan diḵayu. Pun nangampigae pinadasḵu umali yaḵon tinupod Satan umaliyanni sinat.

2 Timothy 4:17

Yaḵon taḵon ay nu ḵatti ḵingwada, adiyaḵpun nan-awidan ḵan Apu. Siya ḵingwana pinapigsana saḵon ta awad inoḵe angiwaḻagawag atte Ambaḻu we Damag ta dongngon da losane Gentil. Sinaḻaḵnibana saḵon atta tagu we pionda gongaton saḵon.