2 Thessalonians 3:14 - Sa Ugud Apudyus

¹⁴ Nu awad adipun tumuttuwa'tte imbagani si annae suḻat, adi ḵayu miyisu ḵan siya ta mababbainan.

2 Thessalonians 3:14 ပူးပေါင်းရင်းမြစ်များ

Matthew 18:17

Nu sissiyae adinapun dongngon da ibagada, ipaigammum atta namati ye magimugimung. Ḵad nu adinapun pagay os dongngon ibagan da namati ye magimugimung, ibelangnu'ḵ adinapun igammu'ḵ Apudyus baḵon nu sa osae andadagup atta bugis.”

Romans 16:17

Susunudḵu ḵan Kristu, ḵodawoḵe ummanyu'tta tagu we anadail si nan-os-ossaananyu ya angulu'tta pammatiyu. Te sullagiyonda ḵatuttuwaane nituttudu ḵan diḵayu si awe ḵad maḵḵon ituttududa. Ḵasapuḻane umadayu ḵayu ḵan dida.

1 Corinthians 4:14

Daḵampun aḵ siya anuḻataḵ pabainaḵ diḵayu yaḵon bagbagaaḵ diḵayu we isun di inaabbengḵu we ay-ayatoḵ.

1 Corinthians 5:11

Sa pioḵ ḵanan ḵan diḵayu, adi ḵayu maḵabuḻbuḻun atta ibelangda da long-agdae sunud taḵu ḵan Kristu yaḵon dida da angadaḻug atta daḵampun aḵ asawada, ḵamommodda, andaydayawda'tta sinan-apudyus, an-ugudda'ḵ lawweng atta udume tagu, da bartekero ya da tulisan. Ḵad taḵon ay ḵaḵan, adi ḵayu miyubung ḵan dida.

1 Corinthians 5:9

Sa osae suḻatḵu ḵan diḵayu, imbagaḵe adi ḵayu maḵabuḻbuḻun atta tagu we adaḻugonda da daḵampun aḵ asawada.

2 Corinthians 10:6

Nu ipailayu we losan ḵayu tumuttuwae ustu ḵan Kristu, naḵasagana ḵani ye anusa'tta ngaimane adipun tumuttuwa ḵan siya.

2 Corinthians 2:9

Te sa gapunae nanuḻataḵ, pioḵ pappadason diḵayu ḵan igammuwon nu tumuttuwa ḵayu'tta losane imbagabagaḵ ḵan diḵayu.

2 Corinthians 7:15

Pun sa ayat Titus ḵan diḵayu, amo dummallu te sa sosomḵona losanyu tinuttuwa da imbagana ya sa ḵingwayu we nisagawe nammangili ḵan siya ya ambimbinsaw ḵayu nu ḵingwayu we ustu da nibaga ḵan diḵayu baḵon nu adiyupun.

Philippians 2:12

Pun annaya ibagaḵ ḵan diḵayu we buḻbuḻunḵu. Pasig ḵayu tummuttuwa atte inninggawaḵ ḵan diḵayu yaḵon sindumallu oḵyan si ḵamaidḵu ḵan diḵayu. Pun adiyu iwaḻange angwa si ambaḻu we siya ambanagan ni nataguwanyu. Ḵad sa angwaanyu si sadi, bumain ḵayu ya isipogyu we ustu'ḵ Apudyus.

Colossians 4:16

Ḵad nu gangputonyu basaon annae suḻat, idagasyu ud os atta namati ye magimugimung ad Laodicea ta basaonda. Ḵad basaonyu bos suḻatḵu ḵan dida.

1 Thessalonians 4:8

Pun da ngaimane angidiyan atte annae bilin, daḵampun aḵ tagu idiyanna yaḵon aḵ Apudyus we nangitod atte Ispiritu Santu ḵan diḵayu.

2 Thessalonians 3:6

Sinsadi susunudni ḵan Kristu bilinonni diḵayu'tte ngadan Apu Jesu Kristu we adiyu buḻbuḻunon da namati ye baduuḻe anḵewaaḻ ya da adipun tumuttuwa'tta inawatyu we tuttudu ḵan diḵani.

Titus 2:8

Ilam os ta sa ituttudum, ustuustu ta adi oḵyan maamsew. Te nu ḵoom ḵaḵna, mabainan da sumullagi ḵan dita te adipun maḵwae an-ugudda'ḵ lawweng atte mipanggob ḵan dita.

Titus 3:10

Nu awad tagu'ḵ angituttudu si tinutuli ye angisina'tta namati, bagbagaam ta iginoḵna. Nu amigwae bagbagaam ya adinapun paat tuttuwaon, adim os paat buḻbuḻunon,

Philemon 1:21

Insuḻatḵu da anna te namnamaoḵe tuttuwaom da ḵodawoḵ, ḵad igammuḵe ad-adu da ḵoome nabaḻu nu da annae ḵodawoḵ.

Hebrews 13:17

Tuttuwaonyu da angipangpangu ḵan diḵayu ya unudonyu da bilinda te dida angayyuwan ḵan diḵayu ta sissiyae ampigsa pammatiyu te ḵasapuḻane songbatanda ḵan Apudyus nu ḵingwada da ḵewaaḻda. Tuttuwaonyu dida ta maganasandae angwa'tta ḵewaaḻda. Nu adiyu dida tuttuwaon, andadauyda ya naippun ittona'ḵ bumaḻuwanyu.

2 John 1:10

Pun nu awad umali ḵan diḵayu'ḵ sabali tuttuduna, adiyu paḻonḵon atte boḻoyyu. Adiyu bos pakumustaon.