2 Thessalonians 3:1 - Sa Ugud Apudyus

¹ Susunudḵu ḵan Kristu, iluwaḻuwanyu ḵappos diḵani ta mapagatupane mipaigammu Ugud Apu atta udume tagu. Ḵad ipatogda oḵyan ya patiyondae isun ni ḵingwayu.

2 Thessalonians 3:1 ပူးပေါင်းရင်းမြစ်များ

Matthew 9:38

Pun iluwaḻuyu ḵan Apudyus we sinḵuwa'tta maani ta angibuun aḵ aduadu'ḵ umoy an-ani.”

Luke 10:2

Ḵanan Jesus we nangipani, “Amoamod da maani yaḵon aḵit da an-ani. Pun iluwaḻuyu ḵan Apudyus we sinḵuwa'tta maani ta angibuun aḵ amoamod aḵ umoy an-ani.”

Acts 12:24

Yaḵon napagatupan niyasaḵ Ugud Apudyus woḵ ummaduadu da namati.

Acts 19:20

Pun nandindinamag Ugud Apu woḵ amo ummaduadu da namati.

Acts 6:7

Pun amo nandinongoḻ Ugud Apudyus ya amo nadog-an belang da namati'd Jerusalem. Inggaw da adu we papadi ye inunudda ustu we pammati.

Romans 15:30

Susunudḵu ḵan Kristu, anna ud ḵodawoḵ ḵan diḵayu, gapu ḵan Apu taḵu we Jesu Kristu ya gapu si ayate itton ni Ispiritu Santu, losan taḵu pumangoge alluwaḻu para ḵan saḵon ta bumadang aḵ Apudyus.

1 Corinthians 16:9

Te taḵon ay adu bos da sumullagi ḵan saḵon, ad-adu wayaḵe antuttudu te adu da maḻyad andongoḻ.

2 Corinthians 1:11

Bumadang ḵayu bose angiluwaḻu ḵan diḵani. Te nu adu da angiluwaḻu ḵan diḵani, adu bos da anggappiya ḵan Apudyus gapu'tte bindisyune innatodna ḵan diḵani mipagapu'tta adu we luwaḻu.

2 Corinthians 13:11

Susunudḵu ḵan Kristu, annaya anungus ni ibagaḵ ḵan diḵayu. Allaylayad ḵayu oḵyan! Papigsaonyu pammatiyu ta ippun kurangna. Ḵad ipapatiyu unudon da intuttuduḵ ḵan diḵayu ya an-asiunud ḵayu ya adi ḵayu ansusubog. Allin-awa oḵyan ambubuḻunanyu'tta udume tagu. Ḵad aḵ Apudyus we maḻpuwan ni ayat ḵan lin-awa awad ḵan diḵayu.

Colossians 4:3

Iluwaḻuwanyu bos diḵani ta itton Apudyus ambaḻu we timpu si angiwaḻagawaganni'tte banage adipun nipaigammu si awe mipanggob ḵan Kristu te sana gapun ni nabaḻudaḵ.

1 Thessalonians 1:5

Te indatongni ḵad ḵan diḵayu Ambaḻu we Damag, daḵampun aḵ abuse ugud yaḵon nidoga bos ḵabooḻan ni Ispiritu Santu ḵan napanoḵnoḵane ḵatuttuwaan Ugud Apudyus. Igammuyu bos nantataguni si inninggawanni ḵan diḵayu sinat ḵan inonni ye bummadang ḵan diḵayu sinat.

1 Thessalonians 1:8

Te daḵampun aḵ abus ad Macedonia ya ad Achaia aḵ nandinongoḻan ni ugud Apu we iwwaḻagawagyu. Yaḵon nandinongoḻ os pammatiyu ḵan Apudyus atta losane ili. Pun ngaipani lawa ugudon ḵan dida mipanggob atte pammatiyu?

1 Thessalonians 2:1

Susunudḵu ḵan Kristu, iniiggammuyu we ummali ḵani ḵad ḵan diḵayu, daḵampun aḵ ippun anun ni gattoḵni.

1 Thessalonians 2:13

Susunudḵu ḵan Kristu, pasig ḵani anggappiya ḵan Apudyus te dingngoḻyu ḵad ugudnae imbagani, namati ḵayu we daḵampun aḵ naḻpu'tta tagu yaḵon tuttuwae naḻpu ḵan Apudyus. Ḵad sa Ugud Apudyus, siya anḵewaaḻ atta biyagyu we namati.

1 Thessalonians 4:1

Sinsadi susunudḵu ḵan Kristu, ibagani inonyu we matagu we mas-oman Apudyus. Ḵad siya annate ḵoonyu yaḵon mipagapu'tte ngadan Apu Jesus, ḵodawonni ḵasin ḵan diḵayu ta amo ipapatiyu oḵyane angwa.

1 Thessalonians 5:17

patilayun ḵayu alluwaḻu,

1 Thessalonians 5:25

Susunudḵu ḵan Kristu, iluwaḻuwanyu ḵappos diḵani.

2 Timothy 2:9

Gapu si nangiwaḻagawagaḵ si annae Ambaḻu we Damag, ampaḵaḻamaḵ ya maḵawadanaḵ sina si annae babaḻḻudane isun di pumappatoy. Yaḵon adipun maḵwae maḵawadan Ugud Apudyus.