2 Thessalonians 2:9 - Sa Ugud Apudyus

⁹ Yaḵon sa daannapun madadailan, inggaw ḵan siya ḵabooḻan Satan ya impailana da tinutuli ye nakaskasdaaw ya da sinyal,

2 Thessalonians 2:9 ပူးပေါင်းရင်းမြစ်များ

Matthew 12:22

Naabus ḵad, indatongda ḵan Jesus naḵuḻap ya naumoḻ te naaḻanan. Pinaḻyawna ḵad aḻan, naḵaginga ḵan nadiyat atana.

Matthew 24:24

Te ampaila da umallelawe tagu ya ibagadae dida Kristu ya awad os da angibagae dida profeta. Ḵad angipailada'tta amo nakaskasdaaw ta amanoḵnoḵe awad ḵabooḻanda ta allelawonda da tagu, taḵon ay da pinilin Apudyus nu maḵwa.

Matthew 4:10

Ḵanan Jesus, “Ḵumassadḵa, Satan! Te ḵanan ni nigili'tte Ugud Apudyus, ‘Sa Apu we Apudyusnu, siya abus aḵ dayawom ḵan anserbiyam.’ ”

Mark 13:22

Te ampaila da umallelawe tagu ya ibagadae dida Kristu ya awad os da angibagae dida profeta. Ḵad angipailada'tta nakaskasdaaw ta amanoḵnoḵe awad ḵabooḻanda ta allelawonda da tagu, taḵon ay da pinilin Apudyus, nu maḵwa.

Luke 11:25

Dumatong ḵad aḻan, odasana sadi ye tagu we napaḻyawanae ippun ogon sinsadi aḻan ḵan siyae isun ni boḻoye ampoḻḵas ḵan nauḻnus.

John 4:48

Ḵanan Jesus ḵan siya, “Nu ippun ilanyu'ḵ nakaskasdaawe sinyal, adiḵayupun amati.”

John 8:41

Siya ḵoonyu ḵingwan amayu.” Pun ḵananda ḵan siya, “Diḵani ḵad, daḵanḵanipun aḵ banagi. Sa igammuni, abus aḵ Apudyus aḵ Amani.”

John 8:44

Iissuyuḵ amayu we Satan. Ḵad siya pionyu ḵoon da pion ni amayu. Pumappatoy si inggan ni lapuna ḵad ippun ḵoona'ḵ ḵatuttuwaan te naippun ḵatuttuwaan ḵan siya. Nu antultulli, siya ugalina te tuliyan ya maḻpuwan da tuli.

Acts 13:10

Ḵanana, “Siḵa abeng Satan, siḵae ḵabusuḻ da losane naun-unan, pinus-annu da losane kalasin di sinisiḵap ya kinukuluk te ambalinom aḵ tinutuli ḵatuttuwaane Ugud Apudyus.

2 Corinthians 11:14

Ḵad adi taḵu oḵyan mataag si sana te taḵon ay aḵ Satan maḵwa gay ipailana long-agna'ḵ isun di ambaḻu we anghel Apudyus.

2 Corinthians 11:3

Yaḵon umogyataḵ aḵ maallelaw somsomoḵyu ya maawis ḵayu'tta sabali ye tuttudu ḵad nan-awidanyu sipupusu ḵan ampoḻḵase somsomoḵyu ḵan Kristu we isuna naḵwa ḵan Eve we inallelaw ni uḻog.

2 Corinthians 4:4

Adidapun amati te aḵ Satan we apudyus da tagu si annae lubung si sanae timpu, tatallingdana da somsomoḵda ta adida ilan silawe maḻpu'tte Ambaḻu we Damag mipanggob si ḵinangatun Kristu we ḵais-isun Apudyus.

Ephesians 2:2

Te siya inunudyu da antatagun da tagu we adipun amati ya tinuttuwayu gapu si namatiyanyu'tte pangat da ispiritu we adipun mailae siya angidaḻan atta tagu we adipun amati.

2 Timothy 3:8

Da sanae angallelaw atta bubai, sullagiyonda ḵatuttuwaane mipanggob ḵan Apudyus. Isun ni ḵingwan da Jannes ḵan Jambres atte awe ye sinullagida'ḵ Moses. Lawweng somsomoḵ da sanae tagu ya daḵampun aḵ tuttuwa pammatida.

James 3:15

Sa annae ḵinalaing, daḵampun aḵ naḻpu'd langit. Yaḵon nainlubungan, dinidimunyu ya daḵampun aḵ naispirituwan.

Revelation 12:17

Pun amo dummallu sangan ni dragon si bubai woḵ ummoy naḵagubat atta udume abengnae da anguunnud atta bilin Apudyus ya sissiyadae amati'tta impaigammun Jesus.

Revelation 12:9

Ḵad niballu'd luta daḵoḻe dragone nidoga da anghelna. Aḵ Satan sanae nampailae uḻog si awe. Siya nangallelaw atta tagu si intero we lubung.

Revelation 18:23

Ḵad naippun os ogon da matonggane silaw ya naippun ogon ankasar. Sanat da dusan ni Babylon te da allaḵlaḵu si sadi ye siyudad, ansosoḵaḻ da somsomoḵda ya ngannonda dida ḵabaḵnangan ad luta. Ḵad da ummili sidi, inallelawda da tagu'd luta'tta tulidae isun da buyun.

Revelation 19:20

Yaḵon nadoḵmaan ḵaog-ogyate ayam ya sa sinan profeta we nangipaila'tta nakaskasdaawe sinyal si nanserserbiyana si annae ayam. Da annae sinyal, dida da inusarnae nangallelaw atta tagu we namaḻḵaan atte maḻḵan ni ḵaog-ogyate ayam ya da nandaydayaw atte naḵwae ḵais-isuna. Da annae duwae sissiyae matattagu, niballuda si igaw ni gumilgillayabe apuy ḵan sulfur.

Revelation 20:10

Ḵad aḵ Satan we nangallelaw ḵan dida, asi miballu si igaw ni gumilgillayabe apuy ḵan sulfur we sa niballuwan ni ḵaog-ogyate ayam ya sa sinan profeta. Ḵad ampaḵapaḵaḻamda'tte inaḻgaw ya nilabi'ḵ inggainggana.

Revelation 9:11

Sa arida ḵad, sa anghel we simbiyang si abute ippun patinggan ni ḵaadaḻomna. Sa ngadanna'tte Hinebrew, Abaddon ya Apollyon ngadanna'tte Grineek we sa pionda ugudon, Dumaddadail.