2 Thessalonians 2:8 - Sa Ugud Apudyus

⁸ Ḵad nu mipaila ḵaḻawengane sumusullagi'tta Lintog Apudyus, umali'ḵ Apu Jesus ya dadailona sadi ye ḵaḻawengan atte ampail-ana. Ḵad gongatona taḵon ay abuse pog-awana.

2 Thessalonians 2:8 ပူးပေါင်းရင်းမြစ်များ

Matthew 13:19

Da naottag atte daḻan, mipanida'tta tagu we dongngonda mipanggob si ampangatan Apudyus yaḵon adidapun maawatan. Ummoy aḵ Satan ya ḵinaanna'tte somsomoḵda da ugude dingngoḻda.

Matthew 13:38

Ḵad sa payaw, siya annae lubung ya sa ambaḻu we iliḵ, dida da tagu we midoga si ampangatan Apudyus, ḵad da sabsabug, dida da tagun Satan.

Matthew 16:27

Te sa Abeng Di Tagu, umali ye buḻunna da anghelna ḵad ipailana bos dayaw Amana. Ḵad gungunaana sin-ossae tagu sigun atta ḵingwada.

Matthew 16:28

Ibagaḵ ḵan diḵayu ḵatuttuwaan, awad da udum ḵan diḵayu sinsadi ye adidapun yan matoy inggana'ḵ ilanda saḵone Abeng Di Tagu we umali ampangat.”

1 Corinthians 1:28

Pinilin Apudyus da ibelang da tagu we nababa ya maam-amsew si annae lubung taḵon ay da banage ippun anuna ta dadailona da banage patpatgon da tagu.

2 Thessalonians 2:3

Adi ḵayu maallelaw atta ngaimane ibagada ḵan diḵayu. Te adipun dumatong sanate aḻgaw inggana'ḵ umaduadu da tagu we sumusullagi ḵan Apudyus ḵad mipaila ḵaḻawengane niḵoddonge madusa'd Infiernu.

1 Timothy 6:14

Ḵasapuḻane tuttuwaom da losane bilin Apudyus ya ilam ta ippun miḵawas si ituttudum baḵon nu ippun ipabasuḻda ḵan siḵa inggana si mipauliyan Apu taḵu we Jesu Kristu.

2 Timothy 1:10

Ḵad sinsana, impaigammuna ḵan ditaḵu sadi ye ḵadaguna te ummali'ḵ Jesu Kristu we anagu ḵan ditaḵu. Ḵinaanna ḵabooḻan ni ḵatoy ḵan impaigammunae nu amati da tagu si Ambaḻu we Damag, awad ḵan dida biyage maḻpu ḵan Apudyus we ippun anungusna.

2 Timothy 4:1

Annaya ibilinḵu ḵan siḵa Timothy si sinagung Apudyus ya aḵ Jesu Kristu we ḵasin umali ampangat ḵan anguwis atta losane tagu we matattagu ḵan natoy.

2 Timothy 4:8

Pun sinsadi awad de insaganan Apu we para ḵan saḵone gungunae ittona'tta losane naun-unane tagu. Ittona anna si umali ye aḻgawe anguwisana'tta losane tagu sigun si ustu we anḵuḵuwisna. Ḵad daḵampun aḵ abusaḵ aḵ gungunaana nu adi da losane ummayu si mipauliyana.

Titus 2:13

Sana da ugali ye unudon taḵu oḵyan atte anguwayan taḵu'tte bindisyune namnamaon taḵu. Sa annae namnamaon taḵu, sa angipail-an si madayawan ni ḵangatuwane Apudyus ya Anagu ḵan ditaḵu we aḵ Jesu Kristu.

Hebrews 10:27

Naippun udum aḵ uuwayon taḵu nu adi sa ampaḵimute anguwisan Apudyus ya sa gumilagilabe apuye angamin atta losane ḵabusuḻ Apudyus.

1 John 2:13

Aamma, annaya bos inggiliḵ para ḵan diḵayu te igammuyu'ḵ Apudyus we inninggaw inggan ni laplapu. Ḵad diḵayu bose babaḻu, annaya inggiliḵ para ḵan diḵayu te illogyu'ḵ Satan.

1 John 3:12

Daḵampun oḵyan atte ugalin Cain unudonyu te aḵ Cain tagun Satan woḵ gingngatna'ḵ Abel we sunudna. Ngai gapun ni nangongatan Cain ḵan Abel? Gapu'tte lawweng da ḵoḵoḵḵona yaḵon naun-unan da ḵingwan ni sunudna.

1 John 5:18

Awad da tuḻu we igammuwon taḵu oḵyan. Sa umuna, igammu taḵu we ippun abeng Apudyus aḵ pagapagatupanae bumasubasuḻ te saḻaḵniban ni Abeng Apudyus ḵad ippun lamog Satan we aniwdiwat ḵan siya.

Revelation 1:16

Ḵad oonnan ni madawinane imana da pitu we bituwon, maḻpu si sungadna nansupang ngaḻabnae ispada. Sa bosaḻna ḵad, isunan init atte mamatuḵe amod de pigsana.

Revelation 13:5

Iyyunud Apudyus sanae ḵaog-ogyate ayame ampangat aḵ opatpuḻu ya duwae buḻan ya an-ugud atta sinosoḵaḻ ya lawweng ḵan Apudyus.

Revelation 19:15

Sa nangadanan aḵ Ugud Apudyus, awad ḵan siya antadome ispadae maḻpu si sungadnae siya usaronae angngog atta ḵinailin di ili. Sa angipangatana ḵan dida, usarona bastune ḵaga ya dusaonae ustu da ngaimane adi amigbig si ḵaḻabbongana. Ipailana ampaḵimute sangan ni maḵabooḻe Apudyus atta basuḻ. Te sa anusaana ḵad ḵan dida, isuna angasotan ni tagu'tta de grape atte aassotan ta mapospos baḻatda.

Revelation 2:16

Pun ambabawi ḵayu'tta basuḻyu ya agayyu we angwa te nu adi ḵayu ambabawi, madanatongaḵ ḵan diḵayu ya usaroḵ ispadae maḻpu'tte sungadḵu we maḵagubat ḵan diḵayu.

Revelation 20:10

Ḵad aḵ Satan we nangallelaw ḵan dida, asi miballu si igaw ni gumilgillayabe apuy ḵan sulfur we sa niballuwan ni ḵaog-ogyate ayam ya sa sinan profeta. Ḵad ampaḵapaḵaḻamda'tte inaḻgaw ya nilabi'ḵ inggainggana.