2 Thessalonians 2:16 - Sa Ugud Apudyus

¹⁶ Oḵyan pos ta aḵ Jesu Kristu we Apu taḵu ya aḵ Apudyus we Ama taḵu we nangipaila si ayatna ḵan ditaḵu ḵan gapu'tte ḵinabaḻuna innatodna annanayune liwliwa ḵan ambaḻu we namnama taḵu,

2 Thessalonians 2:16 ပူးပေါင်းရင်းမြစ်များ

Luke 16:25

“Yaḵon ḵanan Abraham, ‘Abengḵu, iḵagasmoḵnu timpun ni nataguwame allin-awa biyagnu. Ḵad aḵ Lazarus, nampaḵaḻam. Yaḵon sinsadi, annae allaylayad sina ya siḵa ḵad, annate ampaḵapaḵaḻamḵa.

John 13:1

Madam-an ḵad Gayagayan da Judyu we ngannonda Nallausan, iniiggammun Jesus we dummatong timpu we tenana lubung ya mipauli ḵan Amana. Gapu'tte ayatna'tta taguna si lubung, ay-ayatona dida inggana'ḵ anungus.

John 15:13

Sa ḵadaḵoḻane ayat ni tagu, ittona long-agna'ḵ matoy gapu'tta buḻbuḻunna.

John 15:9

“Ayatoḵ diḵayu we isun ni an-aayat Amaḵ ḵan saḵon. Pun iinggaw ḵayu ḵan saḵon ta padasonyu ayatḵu.

John 16:22

Pun isuna bos ḵan diḵayu te andadauy ḵayu sinsadi. Yaḵon sa umali ye aḻgaw, an-asiila taḵu ḵasin ḵad anggangganas ḵayu ya naippun ḵallamog angaan atte layadyu.

John 3:16

Gapu ta amod de ayat Apudyus atta tagu si lubung, innatodna os-ossaane abengna'ḵ datun ta ngaimane amati ḵan siya, adipun madusa'ḵ inggana yaḵon awad ḵan siya biyag aḵ inggana.

John 4:14

Yaḵon sa uminum atte danume ittoḵ, adipun ogon mauwaw. Te ambalin aḵ isunan bubune bumubus si long-agnae angitod si biyag aḵ inggana.”

Acts 15:11

Yaḵon amati taḵu we matagu taḵu mipagapu'tte ḵinabaḻun Apu Jesus we isuna bos ḵan dida.”

Acts 18:27

Pion ḵad Apollos we dumoḻmang si baybaye umoy atte probinsiya'd Achaia, sinoḻgag da susunud ḵan Kristu ad Ephesus woḵ nanuḻatda'tta susunud ḵan Kristu ad Achaia ta mangiliyonda. Dummatong ḵad, adu da binadanganae namati mipagapu'tte ḵinabaḻun Apudyus.

Romans 1:7

Pun anuḻataḵ ḵan diḵayu we annat ad Rome we inay-ayat Apudyus ḵan pinilina'ḵ taguna. Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we Ama taḵu ya aḵ Jesu Kristu we Apu taḵu.

Romans 4:16

Pun sana gapunae mibatay atte pammati ta sa inkarin Apudyus mibatay si ḵinabaḻuna ya aaddi ye mituttuwa'tta losane mibelang aḵ ganaḵna, daḵampun aḵ abus da Judyu aḵ angigammu'tte lintog yaḵon da losane amati ye isun ni pammatin Abraham. Te siya ama taḵu losan.

Romans 4:4

Awatna, nu awad tagu'ḵ anḵewaaḻ, daḵampun aḵ mibelang aḵ atode libli ḵan siya tangdanna yaḵon illabbuna.

Romans 5:8

Yaḵon aḵ Apudyus impailana amode ayatna ḵan ditaḵu si sissiyae ḵabasbassuḻan taḵu, natoy aḵ Kristu para ḵan ditaḵu.

Ephesians 5:2

ta miyisu oḵyan an-aayatyu si nan-aayat Kristu ḵan ditaḵu. Te innatodna long-agna'ḵ matoy para ḵan ditaḵu ya sa natoyana, isunan ambangu we datun ḵan Apudyus we mas-omana.

Ephesians 5:25

Ḵan diḵayu bose lallaḻaḵi, ḵasapuḻane ayatonyu da asawayu we isun ni an-aayat Kristu ḵan ditaḵu we namati. Te sa ḵingwana, innatodna biyagna para ḵan ditaḵu si natoyana,

Colossians 1:23

Yaḵon ḵasapuḻane pagatupanyu we amapigsa'tta pammatiyu ya adiyu ipyode mayugayug namnamayu we ginanabyu si nandongoḻanyu si Ambaḻu we Damag we niwaḻagawag si intero we lubung. Ḵad sana gapunae saḵon aḵ Paul, nambalinaḵ aḵ anserbi ḵan Kristu.

Colossians 1:5

Ḵaḵnat te namnamaonyu we awad de inggagappot Apudyus ad langite para ḵan diḵayu. Dingngoḻyu'tte awe mipanggob si anna si nangngoḻanyu'tte ugude ḵatuttuwaane siya Ambaḻu we Damag.

1 Thessalonians 1:3

Te nu alluwaḻu ḵani ḵan Ama taḵu we Apudyus, iḵagasmoḵni inonyu we nangigunay atta pammatiyu, pangogyu we nanḵewaaḻ gapu'tte ayat ḵan impapatiyu te antaḻgod ḵayu'tte namnamayu ḵan Apu Jesu Kristu taḵon ay nu ampaḵaḻam ḵayu.

1 Thessalonians 3:11

Itaang oḵyan pos Apudyus we Ama taḵu ya aḵ Jesus we Apu taḵu daḻanni ta maḵaali ḵani ḵasin ḵan diḵayu.

2 Thessalonians 2:13

Yaḵon ḵan diḵayu susunudḵu ḵan Kristu we ay-ayaton Apu, ḵasapuḻane pagapagatupanni ye anggappiya ḵan Apudyus gapu ḵan diḵayu. Te inggana'tte damu, pinilin Apudyus diḵayu'ḵ matagu mipagapu'tte Ispiritu Santu we nangitotoḵḵon ḵan diḵayu'ḵ tagun Apudyus ta bumaḻu ugaliyu ya mipagapu'tte pinatiyu ḵatuttuwaan mipanggob ḵan Jesu Kristu.

Titus 1:2

Ḵooḵ da sadi ta namnamaonda biyag aḵ inggana. Aḵ Apudyus adipun paat antultulli, inkarina sadi ye biyag atte daan ni lubung maḵwaan.

Titus 2:13

Sana da ugali ye unudon taḵu oḵyan atte anguwayan taḵu'tte bindisyune namnamaon taḵu. Sa annae namnamaon taḵu, sa angipail-an si madayawan ni ḵangatuwane Apudyus ya Anagu ḵan ditaḵu we aḵ Jesu Kristu.

Hebrews 7:19

Sa sanae lintog Moses ippun ḵabooḻanae ambalinona da tagu'ḵ maun-unan. Pun sinsadi, naatod ḵan ditaḵu nabaḻu we namnamae maḵwae umadaniyan taḵu ḵan Apudyus.

1 John 3:16

Pun ditaḵu ḵad os, sa nangittan Jesu Kristu si biyagna'ḵ natoy para ḵan ditaḵu, naḵasagana taḵu oḵyane angitod atta biyag taḵu para'tta susunud taḵu ḵan Kristu.

Revelation 1:5

Naḻpu bos ḵan Jesu Kristu we mataḻgodane amanoḵnoḵ atte mipanggob ḵan Apudyus. Siya ummunae natagu ḵasin atta natoy ya siya pangat da losane ari'd luta. Ay-ayatona ditaḵu ḵad pinuḵayana ditaḵu we isun di baḻud ni basuḻ mipagapu'tte daḻanae pummoy-as atte natoyana.

Revelation 22:5

Ḵad naippun ogon labi, adidapun ogon masapuḻ paddan ni silaw baḵon nu sa init te mismu we aḵ Apudyus we Apu allangḻang ḵan dida. Ḵad maḵapangatda ḵan siya'ḵ inggainggana.

Revelation 3:9

“ ‘Dongngonyu anna. Awad da Judyu sinate tagun Satan. Ḵanandae dida tagun Apudyus yaḵon daḵampun te tuliyanda. Sa umali ye aḻgaw ipatutḵu we umoyda analluḵu si sinagungyu ḵad asida igammuwone ay-ayatoḵ diḵayu.