2 Thessalonians 1:6 - Sa Ugud Apudyus

⁶ Ustu inon Apudyus we anḵuwis te da tagu we namaḵaḻam ḵan diḵayu, ampaḵaḻamona bos dida.

2 Thessalonians 1:6 ပူးပေါင်းရင်းမြစ်များ

Colossians 3:25

Ngaimane angwa'ḵ lawweng, subalitan Apudyus si ustu we ḵadusaana te naippun tagu'ḵ laḵsigon Apudyus nu anḵuwis.

Hebrews 6:10

Naun-unan aḵ Apudyus, adinapun maliwatan da ambaḻu we ḵingwayu ya sa ayatyu ḵan siyae impailayu si bummadanganyu'tta buḻunyu we tagun Apudyus ya sissiyae badanganyu dida.

Revelation 11:18

Da sumusullagi ḵan siḵa, amod de ansasangada yaḵon sinsadi dummatong timpu we sumang-am ya dusaom dida, te sana timpu we anguwisam atta losane nanḵaḵatoy. Ḵad sinsadi bos timpu we gungunaam da sammilume da profetam ya da losane tagume angisipog ḵan siḵa, da nababa ya da nangangatu. Ḵad dadailom os da nanadail atta tagu'd luta.”

Revelation 15:4

Naippun adi angisipog ḵan siḵa, Apu. Ḵad naippun adi angidayaw si ḵinangatun ni ngadannu. Te siḵa abus aḵ gattoḵe nasantuwan. Ḵad da tagu we maḻpu'tta losane ili, madagupda'tte sinagungnu ta idaydayawda siḵa te innilada da losane naun-unane ḵingwam.”

Revelation 18:20

“Diḵayu we awad ad langit, anggangganas ḵayu'tte nadadailana. Diḵayu we tagun Apudyus, da apostol ya da profetana, maganasan ḵayu bos te dinusan Apudyus sanae siyudad gapu'tta losane ḵingwana ḵan diḵayu.”

Revelation 18:24

Sa sanae siyudad ad Babylon pummoy-asan da daḻan da profeta ya da udume taguna. Losane nagongat ad luta, pummoy-as daḻada si sanate siyudad.”

Revelation 19:2

Te tuttuwa ḵan naun-unan anḵuḵuwisna. Inḵoddongnae madusa nandindinamage puta te siya nangawis atta tagu'd lutae midoga si ḵaissawe ugalina. Ḵad imbaḻos Apudyus ḵan siya da gingngatnae nanserbi ḵan siya.”

Revelation 6:10

Ḵanandae nangidangsoḻ, “Apudyus we maḵabooḻ atta losan, siḵa gattoḵe nasantuwan ḵan tuttuwa, ḵamaan ni anguwisam ḵan angibaḻosam atta tagu'd lutae namatoy ḵan namapoy-as atta daḻani?”