2 Thessalonians 1:5 - Sa Ugud Apudyus

⁵ Sadi angipaila si gattoḵe naun-unane anḵuḵuwis Apudyus atta tagu. Te mipagapu'tte ampaḵaḻamane inan-anusanyu sinsana, nipailae mibagay ḵayu we midoga si ampangatana.

2 Thessalonians 1:5 ပူးပေါင်းရင်းမြစ်များ

Luke 20:35

Yaḵon da tagu we ibelang Apudyus we labbongnae umuli ya midoga ḵan siya'd langit si umali ye timpu, adidapun an-as-asawa.

Luke 21:36

Ansasaggana ḵayu ya alluwaḻu ḵayu ta pumigsa ḵayu ḵan tumuḻod ḵayu we angiyattom atta annae maḵmaḵwa ta maḵwae sumangu ḵayu ḵan saḵone Abeng Di Tagu.”

Acts 13:46

Yaḵon amo tummuḻod da Paul ḵan Barnabas woḵ ḵananda, “Ḵasapuḻane umunae mibaga Ugud Apudyus ḵan diḵayu we Judyu. Yaḵon gapu ta indiyanyu ya ḵinuwisyu long-agyu we ippun labbongyu si biyag aḵ inggana, sinsadi tenanni diḵayu ta inḵani'tta Gentil.

Acts 14:22

ta papigsaonda pammatin da namati ya soḻgagonda dida ta popotpotanda da pammatida. Ḵananda, “Ḵasapuḻane adu ampaḵaḻaman taḵu si midog-an taḵu si ampangatan Apudyus.”

Romans 2:5

Yaḵon gapu ta tummungitong da somsomoḵyu ya adiḵayupun ambabawi, amo dog-adog-anyu ḵadusaanyu'tte aḻgawe angipail-an Apudyus atte sangana ya mipaila naun-unane anḵuḵuwisna'tta tagu.

Romans 8:17

Ḵad gapu ta abeng Apudyus ditaḵu, maḵatawid taḵu'tta ipaḻaḵsun Apudyus atta taguna ḵad maḵatawid taḵu'tta impatawidna ḵan Kristu. Nu midoga taḵu si ampaḵaḻaman Kristu, midoga taḵu bos si madayawana.

Ephesians 4:1

Pun ḵan saḵone nibabaḻud gapu si anserbiyaḵ ḵan Apu, ḵodawoḵ ud ḵan diḵayu ta ibagayyu antataguyu si planun Apudyus we namili ḵan ditaḵu'ḵ taguna.

Philippians 1:28

ya adi ḵayu maḵimut atta ngaimane sumullagi ḵan diḵayu. Te sa tuḻodyu, sanat sinyale angipail-an Apudyus ḵan didae madusada'ḵ inggana. Ḵad sadi angigammuwandae taguwon diḵayu gapu ḵan Apudyus.

Colossians 1:12

Pasig ḵayu anggappiya ḵan Apudyus we Ama taḵu we nangitod ḵan ditaḵu si ḵaḻabbongane maḵatawid atta insaganana'tta losane taguna si ampaddae ampangatana.

1 Thessalonians 2:14

Te diḵayu ḵad susunud, nampaḵaḻam ḵayu gapu'tta ḵailiyanyu we isun ni naḵwa'tta gimung da namati ḵan Apudyus atte probinsiya'd Judea we da niyossaan ḵan Jesu Kristu te nampaḵaḻamon os da susunuddae Judyu dida.

2 Thessalonians 1:11

Pun patilayune iluwaḻuwanni diḵayu ta ambalinon Apudyus diḵayu'ḵ tagu we mibagay si namiliyana ḵan diḵayu. Ituttuwana oḵyan pos da losane ambaḻu we panggobyu ya da losane ḵingwayu ya da pammatiyu gapu'tte ḵabooḻana.

2 Timothy 2:12

Nu inaattoman taḵu ampaḵaḻaman, midoga taḵu bos ḵan siya si ampangatana, yaḵon nu puḵlitan taḵu, puḵlitana bos ditaḵu.

Revelation 15:4

Naippun adi angisipog ḵan siḵa, Apu. Ḵad naippun adi angidayaw si ḵinangatun ni ngadannu. Te siḵa abus aḵ gattoḵe nasantuwan. Ḵad da tagu we maḻpu'tta losane ili, madagupda'tte sinagungnu ta idaydayawda siḵa te innilada da losane naun-unane ḵingwam.”

Revelation 16:7

Dingngoḻḵu bos gingae naḻpu si altar we ḵanana, “On Apu we Apudyus we maḵabooḻ atta losan, tuttuwa sanat te naun-unan ya ustuustu andudusam atta tagu.”

Revelation 19:2

Te tuttuwa ḵan naun-unan anḵuḵuwisna. Inḵoddongnae madusa nandindinamage puta te siya nangawis atta tagu'd lutae midoga si ḵaissawe ugalina. Ḵad imbaḻos Apudyus ḵan siya da gingngatnae nanserbi ḵan siya.”

Revelation 3:4

“ ‘Yaḵon annat da aḵit ḵan diḵayu'd Sardis we adipun nangwa'ḵ lawwenge isun di adipun naḵaissawan silupda. Sa umali ye aḻgaw, dida da maḵataddaḻan ḵan saḵone ansilup aḵ itaḵ te labbongda.