2 Peter 2:4 - Sa Ugud Apudyus

⁴ Te igammu taḵu we madusada te taḵon ay da anghel we naḵabasuḻ si awe, adimpun Apudyus ḵinadaguwan dida yaḵon intop-aḻna dida'd infiernu si ḵagiḵbotane lugar ya imbaḻudna dida sidi ta anguwayanda'tte aḻgawe anḵuwisan Apudyus.

2 Peter 2:4 ပူးပေါင်းရင်းမြစ်များ

Matthew 25:41

“Ḵad ibagaḵ atta tagu si madawigiḵ ḵanane, ‘Diḵayu we naḵoddongan aḵ madusa, inḵayun! Inḵayu si annanayune apuye nisasaggana ḵan Satan ya da bubuḵ-unona.

Matthew 8:29

Inadanida ḵad aḵ Jesus, napapḵaawda woḵ ḵananda ḵan siya, “Siḵae Abeng Apudyus, Anii! Ngaipaḵa umali ḵan diḵani? Ummaliḵa ḵamman sina ta inḵa diḵani dusaon si daampun dumatong ustu we timpu?”

Mark 5:7

Pun ḵananae napapḵaaw, “Anii! Ngaipaḵa umali ḵan saḵon? Siḵa'ḵ Jesus we Abeng ni Ḵangatuwane Apudyus! Ibagam ḵappos ḵan Apudyus ta adina saḵon dusaon!”

Luke 10:18

Ḵanan Jesus, “Innilaḵ aḵ Satan we naottage naḻpu'd langite isun di ḵilat.

Luke 8:31

Ḵingwan ḵad da aḻan, nandagdaguda ḵan Jesus ta adina dida ibuun si abute ippun patinggan ni ḵaadaḻomnae madusaanda.

John 8:44

Iissuyuḵ amayu we Satan. Ḵad siya pionyu ḵoon da pion ni amayu. Pumappatoy si inggan ni lapuna ḵad ippun ḵoona'ḵ ḵatuttuwaan te naippun ḵatuttuwaan ḵan siya. Nu antultulli, siya ugalina te tuliyan ya maḻpuwan da tuli.

Romans 11:21

Te nu adimpun Apudyus ḵinagagaane nanopaḵ atta Judyu we gagangaye pangana, magaga ḵamman ose anopaḵ ḵan diḵayu we mipani'tta pangae nisugtup?

Romans 8:32

Gapu ta adipun aḵ Apudyus nagagae nangidatun si os-ossaane abengna para ḵan ditaḵu losan, adinapun ḵamman os itton da losane ḵasapuḻan taḵu gapu si ḵinabaḻuna?

2 Peter 2:11

Taḵon ay da anghel we naḵosḵosdoḻ ḵan amo maḵabooḻ, adidapun nan-ugud aḵ lawweng ḵan dida'tte sinagung Apudyus.

2 Peter 2:5

Ḵad isuna bose adimpun Apudyus ḵinadaguwan da tagu si awe ye timpun Noah. Gapu ta ḵabasbassuḻanda, nilitapna lubung woḵ naaminda naumbuḻ. Yaḵon aḵ Noah we nangiwaḻagawag si naun-unane antatagu, tinagun Apudyus ya da pitu we ḵabaḻyanna.

2 Peter 2:9

Losan da sadi ye naḵwa'tte awe, sadi angigammuwan taḵu we aḵ Apudyus igammunae anagu'tta naapudyusane tagu'tta ampaḵaḻamanda. Ḵad igammuna bose angibaḻud atta tagu ta asida madusa si aḻgawe anguwisana'tta tagu.

1 John 3:8

Ḵad sa pagapagatupanae bumasubasuḻ, nidoga ḵan Satan te aḵ Satan ḵad bummasuḻ inggan ni laplapu. Pun siya gapun ni ummaliyan ni Abeng Apudyus sina'd luta ta dadailona da ḵoon Satan.

Jude 1:13

Mipanida bos si daḵoḻe tupiyaḵ atte baybaye itupitupiyaḵna itoḵwaḻ da ḵaissawe taḻbutab da ḵababbaine ḵoḵoḵḵonda. Isuda bos da bituwon ad langite ansayasayape nalimuda si ustu we aayyonda. Pun sana gapunae insaganan Apudyus ḵagiḵbotane inggawanda'ḵ inggana.

Jude 1:6

Sosomḵonyu ḵad os da anghel we adipun nat-op atte saaddae innatod Apudyus ḵan dida woḵ tinenanda ustu we inggawanda'd langit. Gapu si nangwaanda'tte sadi, ḵinawadan Apudyus dida'ḵ inggana woḵ imbaḻudna dida si ḵagiḵbotan inggana'ḵ dumatong aḻgawe anguwisana ḵan dida.

Revelation 20:10

Ḵad aḵ Satan we nangallelaw ḵan dida, asi miballu si igaw ni gumilgillayabe apuy ḵan sulfur we sa niballuwan ni ḵaog-ogyate ayam ya sa sinan profeta. Ḵad ampaḵapaḵaḻamda'tte inaḻgaw ya nilabi'ḵ inggainggana.