2 Peter 1:1 - Sa Ugud Apudyus

¹ Saḵon aḵ Simon Peter we osa'tta apostol Jesu Kristu we anserbi ḵan siya. Annaya bos suḻatḵu ḵan diḵayu we innattan Apudyus aḵ pammati ye ippun nisabaliyana si pammatini mipagapu si naun-unan Jesu Kristu we Apudyus taḵu ya Anagu ḵan ditaḵu.

2 Peter 1:1 ပူးပေါင်းရင်းမြစ်များ

Matthew 10:2

Annaya da ngadan da nasawaḻan aḵ duwae apostol Jesus, aḵ Simon we nginadananda'ḵ Peter, aḵ Andrew we sunudna, da James ḵan John we abeng Zebedee,

Matthew 4:18

Nanadtaddaḻan ḵad aḵ Jesus atte taḻantag ni Baybay ad Galilee, innilana da duwae ansunude mammaugadiwe anabuḵuḻ, da Simon we ngannonda Peter ḵan Andrew.

Luke 1:47

Amoamod layadḵu, ḵan Apudyus we Anagu ḵan saḵon.

Luke 11:49

Sadi angipaila'tte ḵinalaing Apudyus we ḵanana, ‘Ibuunḵu da profetaḵ ya da apostol ḵan dida ya gongatonda da udum ḵad ampaḵaḻamonda bos da udum.’

John 1:42

Pun inniyoyna'ḵ Simon woḵ ummoyda si igaw Jesus. Intollong ḵad Jesus ḵanana, “Siḵa'ḵ Simon we abeng John. Sinsadi ngadanaḵ siḵa'ḵ Cephas.” Sa ngadane Cephas atte Hinebrew, Peter atte Greek. Ḵad sa piona ḵanan batu.

John 12:26

Ngaimane anserbi ḵan saḵon, ḵasapuḻane tun-udonaḵ ya dinumane inggawaḵ, siya bos inggawan ni sammiluḵ. Ngaimane anserbi ḵan saḵon, dayawon Amaḵ.”

John 20:21

Pun ḵanan os Jesus ḵasin ḵan dida, “Lin-awa awad ḵan diḵayu. Ibuunḵu diḵayu we isun ni nangibuunan Amaḵ ḵan saḵon.”

Acts 15:14

Inugud Simon Peter ḵan ditaḵu inon Apudyus si damu we nangipaila si ḵadaguna'tta Gentil te pinilina da udum ḵan dida'ḵ ambalin aḵ taguna.

Romans 1:1

Saḵon aḵ Paul we osa'tta sammilun Jesu Kristu. Pinilin Apudyus saḵon aḵ osa'tta apostolna ya dinutuḵana bos saḵon aḵ umoy angiwaḻagawag si Ambaḻu we Damag we naḻpu ḵan Apudyus.

Romans 1:12

Sa pioḵ ibaga, an-asisoḻgag taḵu si pammati ta pumigsa pammatiḵ mipagapu'tta pammatiyu ya pumigsa bos pammatiyu gapu si pammatiḵ.

Romans 1:17

Te gapu si Ambaḻu we Damag, impaigammun Apudyus inonae angwa'tta tagu'ḵ maun-unan gapu'tte tuttuwae pammatida ḵan siya. Te ḵanan ni nigili si Ugud Apudyus, “Sa tagu aḵ Apudyus angwa si maun-unana mipagapu'tte pammatina, awad ḵan siya biyag aḵ inggana.”

1 Corinthians 1:30

Yaḵon aḵ Apudyus naḻpuwan ni biyag taḵu mipagapu'tte niyossaanan taḵu ḵan Jesu Kristu we naḻpuwan ni ḵinalaing. Ḵad gapu ḵan siya, naun-unan taḵu ya mitotoḵḵon taḵu'ḵ taguna ta bumaḻu ugali taḵu ya masubut taḵu'tta dusan da basuḻ taḵu.

1 Corinthians 15:9

Te saḵon ḵababaan atta apostol, ippun oḵyan ḵaḻabbongaḵe maawagan aḵ apostol te nampaḵaḻamoḵ da magimugimunge namati ḵan Apudyus.

1 Corinthians 9:1

Saḵon ḵad, daḵampun ḵamman aḵ nawayaaḵ? Daḵampun ḵamman aḵ osaaḵ atta apostol Jesu Kristu? Daḵampun ḵamman aḵ innilaḵe mismu'ḵ Jesus we Apu taḵu? Daḵampun ḵamman os aḵ diḵayu da bungan ni ḵewaaḻḵu ḵan Apu?

2 Corinthians 4:13

Ḵanan ni nangigili si Ugud Apudyus, “Namatiyaḵ ḵan Apudyus, pun sanat da inugudḵu.” Pun isuna bos ḵan diḵani ye gapu ta amati ḵani ḵan Apudyus, ugudonni bos da patiyonni.

2 Corinthians 5:21

Aḵ Kristu, ippun paat basuḻna. Yaḵon gapu ḵan ditaḵu, imbelang Apudyus aḵ ḵabasbassuḻan ta mipagapu si niyossaanan taḵu ḵan siya, aḵ Apudyus angwa si maun-unan taḵu.

Galatians 2:8

Naawatandae aḵ Apudyus nangitod si ḵabooḻan ḵan Peter we anserbi ye an-apostol atta Judyu, siya bos nangitod ḵan saḵon si ḵabooḻane anserbi ye an-apostol atta Gentil.

Ephesians 3:5

Naippun nangigammu si anna'tte awe yaḵon sinsana, impaigammun ni Ispiritu Santu ḵan diḵani ye apostol ya da profetanae pinilina'ḵ anserbi ḵan siya.

Ephesians 4:11

Ḵad siya bos nangitod atta nankalakalasi ye ḵabooḻan atte gimung da namati. Dinutuḵana da udum aḵ apostol ya da udum aḵ profetana. Da udum dinutuḵana'ḵ angiwaḻagawag si Ambaḻu we Damag atta ḵinailin di ili ya da udum aḵ pastor ya da udum aḵ mimistulu.

Ephesians 4:5

Os-ossaan Apu taḵu, os-ossaan pammati taḵu ya os-ossaan nabonyagan taḵu.

Philippians 1:1

Diḵani ḵan da Paul ya aḵ Timothy ye anserbi ḵan Jesu Kristu. Annaya suḻatni ḵan diḵayu losan sinat ad Philippi we tagun Apudyus gapu si niyossaananyu ḵan Jesu Kristu, midoga da angipangpangu ḵan diḵayu ya da deacon.

Philippians 1:29

Te innatod Apudyus wayayu we daḵampun aḵ abus amatiyanyu ḵan Kristu yaḵon sa ampaḵaḻamanyu bos mipagapu'tte amatiyanyu ḵan siya.

Philippians 3:9

ya miyossaanaḵ ḵan siya. Pun sinsana, daḵampun aḵ ḵuwaḵ naun-unaḵe mibatay si nanuttuwaaḵ atte lintog yaḵon sa maun-unane itton Apudyus we mibatay si pammati ḵan Kristu.

2 Timothy 1:5

Adiḵpun os maliwatan gattoḵe pammatim, isun ni pammatin Lois we apum ya aḵ Eunice we inam ḵad aaddi ye siya annat ḵan siḵa sinsadi.

Titus 1:1

Saḵon aḵ Paul we dinutuḵan Apudyus aḵ anserbi ḵan siya ya osa'tta apostol Jesu Kristu. Imbuunaḵ aḵ umoy amapigsa'tta pammatin da tagu we pinilin Apudyus. Ipaigammuḵ os ḵatuttuwaane naḻpu ḵan siyae mituttuwa naapudyusane antataguda.

Titus 1:4

Annaya suḻatḵu ḵan siḵa Titus we imbelangḵu'ḵ abengḵu gapu si pammati taḵu. Awad oḵyan ḵan siḵa ḵinabaḻu ḵan lin-awae maḻpu ḵan Apudyus we Ama taḵu ya aḵ Jesu Kristu we anagu ḵan ditaḵu.

Titus 2:13

Sana da ugali ye unudon taḵu oḵyan atte anguwayan taḵu'tte bindisyune namnamaon taḵu. Sa annae namnamaon taḵu, sa angipail-an si madayawan ni ḵangatuwane Apudyus ya Anagu ḵan ditaḵu we aḵ Jesu Kristu.

James 1:1

Kumusta ḵayu? Saḵon aḵ James we sammilun Apudyus ya aḵ Apu Jesu Kristu. Annaya suḻatḵu'tta Judyu we namati ye naas-asipaḻaḵ atta udume ili.

1 Peter 1:1

Saḵon aḵ Peter we apostol Jesu Kristu. Annaya suḻatḵu ḵan diḵayu we tagu we pinilin Apudyus we isun di mangili si annae lubunge naas-asipaḻaḵ atta ili'd Pontus, Galatia, Cappadocia, Asia ya ad Bithynia.

1 Peter 1:7

Sa gapunae padasonyu da sanae ampaḵaḻaman, maḵwada ta mapanoḵnoḵan gattoḵe pammatiyu. Sa pammatiyu isunan buḻawane mapadas si apuy ta mapanoḵnoḵan nu tuttuwae buḻawan. Ampatog tuwa buḻawan yaḵon abuse madadail. Yaḵon amo napatpatog pammatiyu. Pun nu mapanoḵnoḵan pammatiyu, ambanag si midayaw ḵayu, mitaḻayag ḵayu ḵan mapatgan ḵayu si mipauliyan Jesu Kristu.

1 Peter 2:7

Pun ditaḵu we namati, ampatog sadi ye batu. Yaḵon atta adipun amati, iḵagasmoḵda oḵyan awad si nigili ye Ugud Apudyus we ḵanana, “Sa batu we indiyan da nantaḵad aḵ boḻoy, siya nambalinon Apudyus aḵ ḵapatogane batu we amapagdot si boḻoy.”

1 Peter 5:1

Awad de pioḵ ibaga ḵan diḵayu we angipangpangu'tta namati te osaaḵ ose angipangpangu. Osaaḵ ose nangila si nampaḵaḻaman Kristu ya midogaaḵ si ḵabaḻuwane antatagu ḵan Apudyus ad langit si umali ye aḻgaw.

2 Peter 1:4

Gapu si ḵinadayawna ḵan ḵinabaḻuna, innatodna ḵan ditaḵu da ampapatog ya ambabaḻu we inkarina ta mipagapu'tta sana, miligsi taḵu'tta amaamayon da tagu'tte lubunge anadail ḵan dida ya sa ugali taḵu miyisu ḵan Apudyus.

Jude 1:1

Saḵon aḵ Jude we sammilun Jesu Kristu ya sunud James. Annaya suḻatḵu ḵan diḵayu we napili ya ay-ayaton Apudyus we Ama ya sinaḻaḵnibana inggana si mipauliyan Jesu Kristu.