2 John 1:6 - Sa Ugud Apudyus

⁶ Ḵad annaya ayate angunudan taḵu'tta bilinna. Annaya biline dingngoḻ taḵu si inggan ni laplapu. Ḵasapuḻane an-asiayat taḵu.

2 John 1:6 ပူးပေါင်းရင်းမြစ်များ

John 14:15

Pinagatupan Jesus woḵ ḵanana'tta disipuluna, “Nu ayatonyu saḵon, tuttuwaonyu da bilinḵu.

John 14:21

Ngaimane amopotpot ḵan anuttuwa'tta bilinḵu, siya angayat ḵan saḵon. Ḵad sa angayat ḵan saḵon, ayaton Amaḵ ya ayatoḵ os ya ipaigammuḵ ḵan siya mipanggob ḵan saḵon.”

John 14:23

Ḵanan Jesus we summongbat, “Sa angayat ḵan saḵon tuttuwaona ugudḵu ya ayaton Amaḵ. Ḵad saḵon ya aḵ Amaḵ umali ḵani ya iinggaw ḵani ḵan siya.

John 15:10

Nu tuttuwaonyu da bilinḵu ya iinggaw ḵayu si ayatḵu, isun ni nanuttuwaaḵ atta bilin Amaḵ ya iinggawaḵ si ayatna.

John 15:14

Diḵayu da buḻbuḻunḵu nu tuttuwaonyu da bilinḵu.

1 John 2:24

Isisimoḵyu da tuttuwae tuttudu we dingngoḻyu inggan ni namatiyanyu. Nu ḵatti ḵoonyu, iinggaw ḵayu ḵan Apudyus we Ama ya sa Abengna.

1 John 2:5

Yaḵon ngaimane anuttuwa'tte Ugud Apudyus, tuttuwae ippun angkurangan ni ayatna ḵan siya. Ḵad ngaimane ḵananae iinggaw ḵan Apudyus, ḵasapuḻane unudona ugalin Jesu Kristu. Ḵad nu ḵoon taḵu ḵatti, sanat angigammuwan taḵu we iinggaw taḵu ḵan Apudyus.

1 John 2:7

Ay-ayatoḵe buḻbuḻun, daḵampun aḵ baru annae biline ipaigammuḵ ḵan diḵayu te inggan ni namatiyanyu ḵan Jesu Kristu, dingngoḻyu dadaane bilinnae ḵanana, ḵasapuḻane an-asiayat ḵayu.

1 John 5:15

Ḵad nu igammu taḵu we dongngona da ngaimane ḵodawon taḵu, igammu taḵu we maaḻa taḵu da ḵindaw taḵu ḵan siya.

1 John 5:3

Te sa an-aayat taḵu ḵan Apudyus, sa anuttuwaan taḵu'tta bilinna. Ḵad da bilinna, daḵampun aḵ ansigabe tuttuwaon,

2 John 1:5

Ḵad sinsadi annaya ibagaḵ, ḵodawoḵ ḵan siḵae patpatgoḵe ina. An-asiayat taḵu oḵyan. Daḵampun aḵ baru we bilin anna yaḵon sa inninggaw ḵan ditaḵu si inggan ni laplapu.