2 John 1:2 - Sa Ugud Apudyus

² An-asiayat taḵu gapu'tte ḵatuttuwaane iinggaw ḵan ditaḵu ya nimumuḻa'tta somsomoḵ taḵu'ḵ inggana.

2 John 1:2 ပူးပေါင်းရင်းမြစ်များ

John 14:16

Ḵad ḵodawoḵ ḵan Amaḵ ta angibuun aḵ Bumadang ḵan diḵayu. Siya Ispiritu Santu we inggaw ḵan diḵayu'ḵ inggana.

John 15:7

Nu iinggaw ḵayu ḵan saḵon ya nimuḻa ugudḵu'tta somsomoḵyu, ngaimane ḵodawonyu maatod ḵan diḵayu.

1 Corinthians 9:23

Ḵooḵ losan da sana gapu'tte Ambaḻu we Damag ḵad maḵabillayaḵ atta bindisyune itton Apudyus ḵan dida.

2 Corinthians 4:5

Te daḵampun aḵ sa mipanggob atta long-agni iwwaḻagawagni yaḵon sa mipanggob ḵan Jesu Kristu we Apu. Ḵad anserbi ḵani ḵan diḵayu gapu ḵan Jesus.

Colossians 3:16

Ḵad pasigyu oḵyan isisimoḵ mipanggob atta tuttudun Kristu. An-asituttudu ya an-asibagbaga ḵayu we usaronyu da losane ḵinalainge innatodna. Ḵantaonyu da ḵantae naḻpu'tta de Psalm, sa udume nigili'tte Ugud Apudyus ya da udume ḵantan da namati ye andayaw ḵan Apudyus ḵad pasig oḵyane anggappiya ḵayu ḵan Apudyus atta somsomoḵyu.

2 Timothy 1:5

Adiḵpun os maliwatan gattoḵe pammatim, isun ni pammatin Lois we apum ya aḵ Eunice we inam ḵad aaddi ye siya annat ḵan siḵa sinsadi.

2 Peter 1:12

Pun siya gapunae ipapatiḵe angipaspasmoḵ ḵan diḵayu ta isisimoḵyu losan da sana taḵon ay inigammuyu dida ya ipapatiyu we angunud si ḵatuttuwaane nituttudu ḵan diḵayu.

1 John 1:8

Nu ḵanan taḵu we naippun basuḻ taḵu, allelawon taḵu we mismu da long-ag taḵu ya sa ḵatuttuwaan naippun ḵan ditaḵu.

1 John 2:14

Iḵasinḵu bos ibaga ḵan diḵayu gapun ni nanuḻataḵ ḵan diḵayu we aabengḵu te igammuyu'ḵ Ama taḵu. Nanuḻataḵ ḵan diḵayu we aamma te igammuyu'ḵ Apudyus we inninggaw inggan ni laplapu. Nanuḻataḵ os ḵan diḵayu we babaḻu te anḵaḵosdoḻ ḵayu ḵad iinggaw Ugud Apudyus atta somsomoḵyu ḵad siya nangngoganyu ḵan Satan.

1 John 2:17

Ḵad da tagu we adipun amati ya da losane amaamayonda ampatinggada yaḵon da angwa'tta pinion Apudyus, anna ḵan dida biyag aḵ inggana.