2 Corinthians 9:4 - Sa Ugud Apudyus

⁴ Te nu umaliyaḵ sinat ya awad mibuḻun ḵan saḵon atta susunude iMacedonia ya odasanni diḵayu we daampun maḵasagana'tta badangyu, madismayaaḵe gattoḵ ḵad isuna bose madismaya ḵayu te antaḻgod ḵani ye naḵasagana ḵayu.

2 Corinthians 9:4 ပူးပေါင်းရင်းမြစ်များ

Romans 15:26

Te da tagun Apudyus si probinsiya'd Macedonia ya Achaia, sillalaylayaddae nangitod aḵ badangda'tta ḵapuse tagun Apudyus ad Jerusalem.

1 Corinthians 16:2

Sa umunae aḻgaw atte dinuminggu, awad oḵyan osa ḵan diḵayu angiwalin aḵ gatad insigun nu piga illabbuna. Ḵad gappotonyu ta umaliyaḵ ḵad naḵasagana.

2 Corinthians 11:17

Sa annae ugudoḵ, igammuḵe sa angiyisḵaḻaḵ si long-agḵu daḵampun aḵ naḻpu ḵan Apu yaḵon isuḵ tagu we nadongdong-ogan.

2 Corinthians 8:24

Pun sa ḵoonyu, ipailayu ayatyu ḵan dida ta igammuwon da gimung da namati sina ta panoḵnoḵanyu ḵan didae tuttuwa da iyyisḵaḻni mipanggob ḵan diḵayu.

2 Corinthians 9:2

Te igammuḵe allaay ḵayu we bumadang woḵ siya iyyisḵaḻḵu mipanggob ḵan diḵayu'tta gimung da namati'd Macedonia. Imbagaḵe naḵasagana ḵayu sinat ad Achaia we bumadang inggan ni ḵesane tawon. Ḵad gapu'tte sadi ye imbagaḵ, nasoḻgag da ḵaaduwan ḵan didae bumadang.

Philemon 1:19

Ilam ḵad! Saḵone mismu nangigili si anna ya nampilma ta angigammuwame ituttuwaḵ da imbagaḵ. Saḵon aḵ Paul. Bayadaḵ utang Onesimus. Yaḵon adim maliwatane nautanganḵa ḵan saḵon gapu'tte baru we biyagnu te binadangaḵ siḵae nambalin aḵ kristianu.