2 Corinthians 9:2 - Sa Ugud Apudyus

² Te igammuḵe allaay ḵayu we bumadang woḵ siya iyyisḵaḻḵu mipanggob ḵan diḵayu'tta gimung da namati'd Macedonia. Imbagaḵe naḵasagana ḵayu sinat ad Achaia we bumadang inggan ni ḵesane tawon. Ḵad gapu'tte sadi ye imbagaḵ, nasoḻgag da ḵaaduwan ḵan didae bumadang.

2 Corinthians 9:2 ပူးပေါင်းရင်းမြစ်များ

Acts 18:12

Yaḵon nangobernor ḵad aḵ Gallio si probinsiya'd Achaia, nan-uunudan da Judyu we adipun namati ye iduḵḵusda doḵmaan aḵ Paul ya inniyoyda'tte dadaḻḻuman.

Acts 24:17

“Naḻaḵpus ḵad pigan tawone naippunaḵ ad Jerusalem, nipauliyaḵ os sidi ta ittoḵ pilaḵe badang atta ḵailiyaḵe Judyu we anḵasapuḻ ya nandatunaḵ os ḵan Apudyus atte templo.

Romans 15:26

Te da tagun Apudyus si probinsiya'd Macedonia ya Achaia, sillalaylayaddae nangitod aḵ badangda'tta ḵapuse tagun Apudyus ad Jerusalem.

1 Corinthians 16:15

Susunudḵu ḵan Kristu, igammuyu mipanggob ḵan da Stephanas we simbaḻyan. Dida da ummunae namati ḵan Apudyus ad Achaia. Impapatidae nanserbi'tta losane tagun Apudyus.

2 Corinthians 1:1

Susunudḵu ḵan Kristu, saḵon aḵ Paul we apostol Jesu Kristu we nibatay si pinion Apudyus ya sa buḻunḵu sina aḵ Timothy ye sunud taḵu ḵan Kristu. Ḵad annaya suḻatḵu ḵan diḵayu'tta magimugimunge namati ḵan Apudyus ad Corinth ya da losane tagun Apudyus atte intero we probinsiya'd Achaia.

2 Corinthians 7:14

Te impasindayawḵu diḵayu ḵan siya ḵad adiyaḵpun nadismaya'tta imbagaḵ. Te tuttuwa pagay da sadi ye imbagani ya napanoḵnoḵane tuttuwa da sadi ye iyyisḵaḻḵu ḵan Titus.

2 Corinthians 7:4

Antaḻgodaḵ ḵan diḵayu ya ipasindayawḵu diḵayu ya pumigsa pammatiḵ mipagapu ḵan diḵayu. Taḵon ay nu ampaḵaḻamaḵ, allaylayadaḵ gapu ḵan diḵayu.

2 Corinthians 8:10

Ḵad annaya ibagaḵ ḵan diḵayu si mipanggob atte ibadangyu, ambaḻu nu igangputyu illusyu insaḻad atte ḵesane tawon te diḵayu ummunae nanomsomoḵ ḵan nangisaḻade angitod aḵ badang.

2 Corinthians 8:11

Pun pagatupanyu ta igangputyu ḵewaaḻyu. Ta sa pangogyu we nangisaḻad, ḵaḵnat oḵyan os inonyu we angigangput sigun si lamogyu itton.

2 Corinthians 8:19

Daḵampun aḵ abus sadi, siya dinutuḵan da gimung da namati'ḵ mibuḻun ḵan diḵani ye angiyoy atta badangyu'tta anḵasapuḻ ad Judea. Ḵad ḵoonni ḵaḵna ta madayawan ni ḵinangatun Apu ta ipailani ye anserbi ḵani gapu si ayatni ye bumadang atta buḻunni.

2 Corinthians 8:24

Pun sa ḵoonyu, ipailayu ayatyu ḵan dida ta igammuwon da gimung da namati sina ta panoḵnoḵanyu ḵan didae tuttuwa da iyyisḵaḻni mipanggob ḵan diḵayu.

2 Corinthians 8:8

Sa annae ibagaḵ daḵampun aḵ bilinḵu. Yaḵon pioḵ ipaigammu ḵan diḵayu laylayad da udume bumadang ta dida unudonyu ta angigammuwaḵe sipupusu ayatyu.

1 Thessalonians 1:7

Pun diḵayu da nambaline ambaḻu'ḵ unudon da losane namati sinat ad Macedonia ya sina'd Achaia.

Hebrews 10:24

Sosomḵon taḵu inon taḵu we amapigsa si an-aayat taḵu ḵan ḵoon taḵu da ambaḻu.