2 Corinthians 9:11 - Sa Ugud Apudyus

¹¹ Pabaḵnangon diḵayu ta da losane timpu maḵwae allaay ḵayu we angitod atta anḵasapuḻ. Ḵad adu da anggappiya ḵan Apudyus gapu'tta badangyu we inawatda mipagapu ḵan diḵani.

2 Corinthians 9:11 ပူးပေါင်းရင်းမြစ်များ

Matthew 20:15

Adipun ḵamman miyunude gastuwoḵ pilaḵḵu si pioḵ angastuwan? Maapos ḵayu ḵad ain gapu ta allaayaḵ?’ ”

Matthew 25:17

Siya bos ḵingwan ni ḵumagwae nitaḻgodan ni duwallibu we palata, pun naḵagalansiya bos aḵ duwallibu we palata.

Romans 12:8

Da innattan Apudyus aḵ ḵabooḻane ansoḻgag aḵ pumigsaan da pammatin da udum, ansoḻgagda oḵyan. Ḵad da innattan Apudyus aḵ ḵabooḻane angitod, angitodda oḵyane naḻpu'tta pusuda. Ḵad da naittan aḵ ḵabooḻane angipangpangu, ipapuutda oḵyane angwa. Ḵad da naittan aḵ ḵabooḻane ḵumadagu'tta ampaḵaḻam, allaylayadda oḵyane angwa.

1 Corinthians 1:5

Te sa niyossaananyu ḵan Jesu Kristu, naatod ḵan diḵayu da ampapatoge bindisyune midoga ḵabooḻanyu we an-ugud ya da losane igammuyu.

2 Corinthians 1:11

Bumadang ḵayu bose angiluwaḻu ḵan diḵani. Te nu adu da angiluwaḻu ḵan diḵani, adu bos da anggappiya ḵan Apudyus gapu'tte bindisyune innatodna ḵan diḵani mipagapu'tta adu we luwaḻu.

2 Corinthians 4:15

Te losan da sanae ampaḵaḻamanni, para'tte bumaḻuwanyu ta umadu da tagu we angipadas atte ḵinabaḻun Apudyus. Te nu umaduaduda, umadu bos da anggappiya ḵan Apudyus ya sadi madayawana.

2 Corinthians 8:16

Nanggappiyaaḵ ḵan Apudyus we nangitod ḵan Titus atte ayatnae bumadang ḵan diḵayu we isun ni ayatḵu we bumadang ḵan diḵayu.

2 Corinthians 8:19

Daḵampun aḵ abus sadi, siya dinutuḵan da gimung da namati'ḵ mibuḻun ḵan diḵani ye angiyoy atta badangyu'tta anḵasapuḻ ad Judea. Ḵad ḵoonni ḵaḵna ta madayawan ni ḵinangatun Apu ta ipailani ye anserbi ḵani gapu si ayatni ye bumadang atta buḻunni.

2 Corinthians 9:12

Te sa sanae anserbiyanyu, daḵampun ay aḵ abuse maatod ḵasapuḻan da tagun Apudyus yaḵon amo umaduadu bos da tagu we anggappiya ḵan siya.