2 Corinthians 8:9 - Sa Ugud Apudyus

⁹ Te igammuyu ḵinabaḻun Apu taḵu we Jesu Kristu we taḵon ay nu baḵnang ad langit, nambalin aḵ ḵapus gapu ḵan ditaḵu ta mipagapu si ḵumapusana sadi bumaḵnangan taḵu.

2 Corinthians 8:9 ပူးပေါင်းရင်းမြစ်များ

Matthew 17:27

Yaḵon daḵampun aḵ pion taḵu paḻawengon da annae tagu. Inḵa amungwit si baybay. Ḵad itaḵdangnu umunae ugadiwe mabungwitan. Ḵad taḵangom sungadna ḵad awad de pilaḵe laḻammogta ambayad si bugista. Aḻam ya binayadam bugista.”

Matthew 20:28

Siya unudonyu saḵone Abeng Di Tagu te daḵampun aḵ ummaliyaḵ ta anserbi da tagu ḵan saḵon. Yaḵon ummaliyaḵ ta anserbiyaḵ ḵan dida ya ittoḵ biyagḵu ta masubut da adu we tagu'tte madusaanda'tta basuḻda.”

Matthew 8:20

Ḵanan Jesus we summongbat, “Da mutit awad da lunguge inggawanda ya da sissiwit awad os da suḵbutda. Yaḵon saḵon ḵade Abeng Di Tagu we naḻpu'd langite niyanaḵ sina'd luta, naippun boḻoyku'ḵ iyyaḵ masuyopan.”

Mark 6:3

Daḵampun ḵamman aḵ siya karpentero we abeng Mary? Daḵampun ḵamman aḵ sunudna da James, Joseph, Judas ya aḵ Simon? Daḵampun ḵamman aḵ anna da bubai ye sunudna sina?” Pun lummaweng somsomoḵda woḵ adidapun namati.

Luke 16:11

Ḵad nu adi ḵayu mataḻgodane angdon atta ḵinabaḵnang si lubung, ngai bos inonae mitaḻgod ḵan diḵayu tuttuwae ḵinabaḵnang?

Luke 2:7

Gapu ta naippun maigawan te napnu da boboḻoy atta tagu, ummoyda'tte iiddungan da baḵa. Pune sadi, nibuḵnag panguḻu we abengnae laḻaḵi. Pun ḵinagoyana woḵ pinaobogna'tte ḵaḵaḵḵanan da baḵa.

Luke 8:3

Joanna we asawan Chuza we angupisinaon Gobernor Herod, Susanna ya da adu we bubai ye innatodda da ḵuḵuwada ta mabadangan da Jesus.

Luke 9:58

Ḵanan Jesus, “Da mutit awad da lunguge inggawanda ya da sissiwit awad os da suḵbutda. Yaḵon saḵone Abeng Di Tagu, naippun boḻoyḵu'ḵ iyyaḵ masuyopan.”

John 1:10

Inninggaw si lubung ya mipagapu ḵan siya, naḵwa lubung yaḵon adimpun da tagu immatunan nu ngai'ḵ siya.

John 1:14

Sa Ugud, nambalin aḵ tagu woḵ inninggaw ḵan ditaḵu. Amod de ḵinabaḻuna ya ḵatuttuwaan da losane imbagabagana. Innilani ḵan siya nakaskasdaawe ugalin Apudyus te siya abus aḵ Abeng we naḻpu ḵan Amana.

John 1:17

Innatod Apudyus lintog mipagapu ḵan Moses yaḵon mipagapu ḵan Jesu Kristu we pinilin Apudyus aḵ Anagu ya An-ari, impailana ḵinabaḻu ḵan ḵatuttuwaan mipanggob ḵan siya.

John 12:30

Pun ḵanan os Jesus ḵan dida, “Sa gingae dingngoḻyu, bumaḻuwanyu, daḵampun aḵ bumaḻuwaḵ.

John 16:15

Losane ḵuwan Amaḵ, ḵuwaḵ dida. Pun imbagaḵe da losane maḻpu si somsomoḵḵu, dida ipaigammuna ḵan diḵayu.”

John 17:19

Gapu ḵan dida, itotoḵḵonḵu long-agḵu ḵan siḵa ta mitotoḵḵonda bose anserbi ḵan siḵa mipagapu'tte ḵatuttuwaan.

Romans 11:12

Nu sa sadi ye naḵabasuḻan da Judyu nambalin aḵ bummaḻuwan da losane tagu si annae lubung, amo simbumaḻu da tagu nu losan da Judyu mibelang aḵ tagun Apudyus.

Romans 15:3

Te taḵon ay aḵ Jesu Kristu adinapun mas-oman long-agna yaḵon sa ḵanan ni nigili ye Ugud Apudyus, “Da amsew da tagu ḵan siḵa Apudyus, saḵon inamsewda.”

Romans 5:8

Yaḵon aḵ Apudyus impailana amode ayatna ḵan ditaḵu si sissiyae ḵabasbassuḻan taḵu, natoy aḵ Kristu para ḵan ditaḵu.

Romans 8:32

Gapu ta adipun aḵ Apudyus nagagae nangidatun si os-ossaane abengna para ḵan ditaḵu losan, adinapun ḵamman os itton da losane ḵasapuḻan taḵu gapu si ḵinabaḻuna?

1 Corinthians 1:4

Patilayunaḵ anggappiya ḵan Apudyus gapu'tte ḵinabaḻunae impailana ḵan diḵayu mipagapu si niyossaananyu ḵan Jesu Kristu.

1 Corinthians 15:47

Sa ummunae tagu iluta te luta naḻpuwana. Yaḵon sa naudi ye tagu ad langit naḻpuwana.

2 Corinthians 13:14

Awad oḵyan ḵan diḵayu losan ḵinabaḻu we maḻpu ḵan Apu Jesu Kristu ya sa ayat Apudyus ya sa niyossaanan ni Ispiritu Santu.

2 Corinthians 6:10

Taḵon ay andadauy ḵani, pasig ḵani bos allaylayad. Ḵapus ḵani yaḵon mipagapu'tte tuttuduni adu da bummaḵnang atta naispirituwane banage itton Apudyus. Naippun ḵuḵuwani yaḵon ḵuwani da losan gapu'tte pammatini ḵan Apudyus.

Ephesians 2:7

Ḵingwan Apudyus da sana ta ipailana'tte losane timpu ummamdane ḵinabaḻuna ya an-anggom ḵan ditaḵu mipagapu ḵan Jesu Kristu.

Ephesians 3:19

Taḵon ay nu ansigab aḵ maawatane ustu sanae ḵinabaḻun ni ayat Kristu, iluwaḻuḵe madog-adog-an oḵyan igammuyu inggana'ḵ miyisu da ugaliyu'tte ugalin Apudyus we naippun kurangna.

Ephesians 3:8

Taḵon ay nu saḵon ḵababaan atta losane tagun Apudyus, impailana ḵinabaḻuna si nangittana ḵan saḵon atte gundawaye angipaigammu ḵan diḵayu we Gentil atte ippun miyisuwanae bindisyune awad ḵan Kristu.

Colossians 1:24

Sinsadi allaylayadaḵ atta ampaḵaḻamaḵ te igammuḵe bumaḻuwanyu te da sanae ampaḵaḻamaḵ dogan ni ampaḵaḻamane nilaḵ-am Kristu para'tta losane namati ye isun di long-agna.

1 Timothy 6:18

Bilinom os dida ta ḵoonda da adu we ambaḻu we banag ta da adu we ambaḻu we ḵoonda isudan tuttuwae binaḵnang. Allaayda oḵyan ya ibillayanda da buḻunda.

Hebrews 1:2

Yaḵon sa sanae anungus ni aḻgaw, nan-ugud aḵ Apudyus ḵan ditaḵu mipagapu si Abengna. Siya dinutuḵan Apudyus aḵ anawid atta losane anna si lubung ya mipagapu si Abengna ḵingwana lubung.

James 2:5

Andongoḻ ḵayu ay-ayatoḵe susunud ḵan Kristu. Daḵampun ḵamman ḵan Apudyus namili'tta ḵapus si annae lubung aḵ bumaḵnang si pammati ya gangganasonda da laḵsunda si midog-anda si ampangatan Apudyus we inkarina'tta angay-ayat ḵan siya?

Revelation 2:9

Igammuḵe nampaḵaḻam ḵayu ya ḵapus ḵayu yaḵon sa ḵatuttuwaan, baḵnang ḵayu! Igammuḵ ose awad da Judyu we anginsultu ḵan diḵayu yaḵon daḵandapun aḵ tagun Apudyus nu adi dida da tagun Satan.

Revelation 21:7

Sa tagu ḵade oḻgona lawweng, allaḵsunna da anna losan. Bigbigona saḵon aḵ Apudyusna ya bigbigoḵ ose abengḵu.

Revelation 3:18

Pun bagbagaaḵ diḵayu we ngumina ḵayu si buḻawan ḵan saḵone naḻunag ḵan pinapoḻḵas ni apuy ta bumaḵnang ḵayu we tuttuwa. Ngumina ḵayu bos si itaḵe silupe iḵabotyu ta adi ḵayu mabainan gapu ta amboboddang ḵayu. Ngumina ḵayu bos si agase iyagasyu'tta atayu ta pumadda ilanyu.