2 Corinthians 8:8 - Sa Ugud Apudyus

⁸ Sa annae ibagaḵ daḵampun aḵ bilinḵu. Yaḵon pioḵ ipaigammu ḵan diḵayu laylayad da udume bumadang ta dida unudonyu ta angigammuwaḵe sipupusu ayatyu.

2 Corinthians 8:8 ပူးပေါင်းရင်းမြစ်များ

Romans 12:9

Tuttuwa oḵyan ayatyu'tta buḻunyu we namati. Ḵad ḵasapuḻane sasangngaanyu oḵyan da ngaimane lawweng ta siya pagapagatupanyu unudon da ngaimane ambaḻu.

1 Corinthians 7:12

Diḵayu ḵad ose susunud ḵan Kristu we daḵampun aḵ namati da asawayu, annaya ibagaḵ ḵan diḵayu, daḵampun aḵ bilin Apu te naḻpu'tte somsomoḵḵu. Taḵon ay daḵampun aḵ namati asawan ni osa nu pionae miḵamboḻoy si asawanae namati, adina oḵyan idangan.

1 Corinthians 7:25

Sa mipanggob atta daampun angasawa, naippun bilinḵu ḵan diḵayu'ḵ naḻpu ḵan Apu. Yaḵon ibagaḵ ḵasomsomḵaḵ te mataḻgodanaḵ mipagapu'tte ḵadaguna ḵan saḵon.

1 Corinthians 7:6

Ibagaḵ anna ta maawatanyu we miyunude angasawa ḵayu yaḵon daḵampun aḵ bilin.

2 Corinthians 6:6

Ipailani anserbiyanni ḵan Apudyus gapu'tte ampoḻḵase antataguni'tte nangigammuwanni si ḵatuttuwaan, gapu'tte ḵinaanusni'tta nampaḵaḻamanni. Mipaila bos ḵabooḻanni ye itton ni Ispiritu Santu ya sa gattoḵe ayatni'tta asintataguni.

2 Corinthians 8:10

Ḵad annaya ibagaḵ ḵan diḵayu si mipanggob atte ibadangyu, ambaḻu nu igangputyu illusyu insaḻad atte ḵesane tawon te diḵayu ummunae nanomsomoḵ ḵan nangisaḻade angitod aḵ badang.

2 Corinthians 8:24

Pun sa ḵoonyu, ipailayu ayatyu ḵan dida ta igammuwon da gimung da namati sina ta panoḵnoḵanyu ḵan didae tuttuwa da iyyisḵaḻni mipanggob ḵan diḵayu.

2 Corinthians 9:2

Te igammuḵe allaay ḵayu we bumadang woḵ siya iyyisḵaḻḵu mipanggob ḵan diḵayu'tta gimung da namati'd Macedonia. Imbagaḵe naḵasagana ḵayu sinat ad Achaia we bumadang inggan ni ḵesane tawon. Ḵad gapu'tte sadi ye imbagaḵ, nasoḻgag da ḵaaduwan ḵan didae bumadang.

2 Corinthians 9:7

Pun awad osa ḵan diḵayu ḵasapuḻane sosomḵona nu ngai piona ittone maḻpu si pusunae ippun oḵyan dadaulina ḵan daḵampun aḵ mapatute angitod. Te ayaton Apudyus allaaye angitod.

Ephesians 4:15

Yaḵon ngaimane ugudon taḵu baḵon nu ḵoon taḵu, ḵasapuḻane ipapati taḵu ḵatuttuwaane midoga ayat inggana'ḵ gumodogodong antatagu taḵu we miyisu ḵan Kristu we isun di uḻun da losane gimung da namati.

Ephesians 6:24

Awad oḵyan ḵan diḵayu ḵinabaḻu we maḻpu ḵan Apudyus ya da losane angipapati'tte ayatna ḵan Jesu Kristu we Apu taḵu.

Hebrews 10:24

Sosomḵon taḵu inon taḵu we amapigsa si an-aayat taḵu ḵan ḵoon taḵu da ambaḻu.

1 Peter 1:22

Te pummoḻḵas ḵayu we ustu si tummuttuwaanyu gapu si namatiyanyu'tte ḵatuttuwaan, gattoḵe ayatonyu da susunudyu ḵan Kristu we namati. Pun pagapagatupanyu we an-asiayat atta losane somsomoḵyu.