2 Corinthians 8:7 - Sa Ugud Apudyus

⁷ Gapu'tte nangitutuḻ-ayanyu'tte pammatiyu, ampalawaganyu, ḵinalaingyu, angipapuutanyu angwaan atta ambaḻu ya sa angayatanyu ḵan diḵani, namnamaonni bose ituḻ-ayyu badangyu'tta buḻunyu gapu'tte ḵinabaḻuyu.

2 Corinthians 8:7 ပူးပေါင်းရင်းမြစ်များ

Matthew 25:22

“Pun ummoy os nitaḻgodan ni duwallibu we palata woḵ ḵanana, ‘Apu, duwallibu we palata intaḻgodnu ḵan saḵon, annaya bos duwallibu we palatae galansiyaḵ.’

Romans 15:14

Susunudḵu ḵan Kristu, mat-opaḵ si mipanggob ḵan diḵayu te ambabaḻu ḵayu, adu da igammuyu ya lamogyu an-asituttudu.

1 Corinthians 1:5

Te sa niyossaananyu ḵan Jesu Kristu, naatod ḵan diḵayu da ampapatoge bindisyune midoga ḵabooḻanyu we an-ugud ya da losane igammuyu.

1 Corinthians 12:13

Losan taḵu we namati, Judyu baḵon nu Gentil, musassu baḵon nu daḵampun, nabonyagan taḵu we ossaane long-ag mipagapu'tte ossaane Ispiritu Santu ya sa sanae Ispiritu, siya inawat taḵu we losan.

1 Corinthians 12:8

Sa osae namati, ittan ni Ispiritu Santu aḵ lainge angipaigammu si Ugud Apudyus. Ḵad sa osa, ittana'ḵ ḵabooḻane maḵaawat mipanggob ḵan Apudyus.

1 Corinthians 13:2

Ḵad taḵon ay nu awad ḵabooḻaḵe angibaga'tte ipaigammun Apudyus baḵon nu awad ḵabooḻaḵe maawatan da losane ḵinatuttuwaane nilimod ḵan taḵon ay nu igammuḵ da losane maḵwae maigammu ya taḵon ay nu ampigsa pammatiḵe lamogḵu an-atunon beleg yaḵon nu naippun ayatḵu'tta asintataguḵ, naippun anuḵ.

1 Corinthians 13:8

Da ḵabooḻane ampadtu ampatinggada. Da ḵabooḻane an-ugud atta nansabasabali ye ugud ampatinggada. Ḵad da ḵabooḻane maḵaawat atta losane maḵwae maigammu ampatinggada bos. Yaḵon sa ayat ippun patinggana.

1 Corinthians 14:12

Gapu ta pipionyu we maittan atte ḵabooḻane maḻpu si Ispiritu Santu, amo iggayu ḵabooḻanyu we amapigsa'tta pammatin da buḻunyu we namati ye magimugimung.

1 Corinthians 4:7

Te ngai ḵad ain nangwa si nitoḵonanyu'tta udum? Daḵampun ḵamman ḵan Apudyus nangitod atta losane awad ḵan diḵayu? Ḵad ngaipa ḵayu ansoḵaḻe isun di diḵayu nangwa?

2 Corinthians 7:7

Ḵad daḵampun aḵ abus dummaḵngana'ḵ namapigsa si pammatini yaḵon sa nangugudana ḵan diḵani'tta banag si mipanggob ḵan diḵayu we nanoḻgag ḵan siya. Ḵad inugudna bos mipanggob si ummayuwanyu ḵan saḵon ya sa nambabawiyanyu gapu'tte ḵingwayu we lawweng. Inugudna bose pionyu we angitaḵdoḻ ḵan saḵon. Pun amo nadog-an laylayadḵu sinsadi.

2 Corinthians 8:6

Pun gapu ta aḵ Titus nangilapu'tte angitod ḵayu'ḵ badangyu, sinoḻgagni ta mipauli oḵyan sinat ta bumadang ḵan diḵayu we angigangput atta sinaḻdanae ambaḻu we ḵewaaḻe mipail-an ni ḵinabaḻuyu.

2 Corinthians 9:14

Ḵad iluwaḻuwanda diḵayu ya amod de ayuda ḵan diḵayu gapu'tte ummamdane ḵinabaḻun Apudyus ḵan diḵayu.

2 Corinthians 9:8

Ḵad ḵabooḻan Apudyus we amindisyun ḵan diḵayu'ḵ amod ta pasige wadawad da ḵasapuḻanyu ya awad adu'ḵ ibadangyu'tta anḵasapuḻ.

Ephesians 4:29

Adi ḵayu oḵyane namati an-ugud aḵ lawweng. Siya oḵyan abus aḵ ugudonyu da bumadang ḵan pumigsaan da somsomoḵ da andongoḻ sigun atte ḵasapuḻan ni sin-ossaossa'tte bumaḻuwana.

Philippians 1:11

Gapu ḵan Jesu Kristu, adu da naun-unane banage ḵoonyu. Te nu ḵatti, dayawon da tagu'ḵ Apudyus ya bigbigonda ḵinabaḻuna.

Philippians 1:9

Annaya da iluwaḻuḵ ḵan Apudyus. Ḵodawoḵe pumigsapigsa oḵyan ayatyu ḵan siya ya da buḻunyu, ḵad madog-an oḵyan igammuyu si mipanggob ḵan Apudyus ya sa ḵabooḻanyu we angigammu nu ngai da ustu we ḵoonyu,

2 Thessalonians 1:3

Susunudḵu ḵan Kristu, ḵasapuḻane patilayun ḵani anggappiya ḵan Apudyus gapu ḵan diḵayu, ḵad mibagay nu ḵoonni ḵaḵna te pumigsapigsa da pammatiyu ḵad amo madog-adog-an ayat ni sin-ossaossa ḵan diḵayu we an-asiayat.

2 Timothy 2:1

Ḵan siḵae abengḵu, papigsaom pammatim mipagapu si ḵinabaḻun Jesu Kristu ḵan ditaḵu we niyossaan ḵan siya.

Hebrews 12:28

Pun anggappiya taḵu ḵan Apudyus te midoga taḵu si ampangatanae adipun mayugayug. Ḵad dayawon taḵu'tte mas-omana ya patgan taḵu ḵan isipog taḵu.

1 Peter 1:22

Te pummoḻḵas ḵayu we ustu si tummuttuwaanyu gapu si namatiyanyu'tte ḵatuttuwaan, gattoḵe ayatonyu da susunudyu ḵan Kristu we namati. Pun pagapagatupanyu we an-asiayat atta losane somsomoḵyu.

2 Peter 3:18

yaḵon pagatupanyu oḵyan padason amode ḵinabaḻun Jesu Kristu we Apu taḵu ya Anagu ḵan ditaḵu ḵad dogdog-anyu bos inigammuyu ḵan siya. Madaydayaw oḵyan aḵ Kristu sinsana ya aḵ inggainggana. Amen.

Revelation 3:17

Te ḵananyu we baḵnang ḵayu ya awad ḵan diḵayu da losane ḵasapuḻanyu. Yaḵon adiyupun igammu we sa ḵatuttuwaan, ḵaddagu ḵayu, ḵapus ḵayu, amboboddang ḵayu ya naḵuḻap ḵayu.