2 Corinthians 8:4 - Sa Ugud Apudyus

⁴ Sa ḵatuttuwaan, gattoḵe nandagdaguda ḵan diḵani ye maittanda oḵyan aḵ gundawaye bumadang atta tagun Apudyus we anḵasapuḻ ad Judea.

2 Corinthians 8:4 ပူးပေါင်းရင်းမြစ်များ

Matthew 10:42

Ibagaḵ ḵan diḵayu ḵatuttuwaan, ngaimane ampainum taḵon ay nu abuse sintasae danum atte osa'tta sanae ḵamḵama gapu ta disipuluḵ, aaddi ye magungunaan.”

Matthew 12:50

Te ngaimane angwa si pinion Amaḵ ad langit, dida da mibelang aḵ inaḵ ḵan susunudḵu.”

Matthew 25:40

“Pun saḵone Ari summongbataḵ ḵan dida woḵ ḵanaḵ, ‘Ibagaḵ ḵan diḵayu ḵatuttuwaan, nu ḵingwayu da ḵaḵna si osae ḵababaan atta susunudḵu si pammati, ḵingwayu bos ḵan saḵon.’

Mark 14:7

Te patilayune anna da ḵapus ḵan diḵayu, ḵad taḵon ay ngai ye aḻgaw lamogyu badangan dida. Yaḵon saḵon ḵad, adiyaḵpun patilayun anna ḵan diḵayu.

Acts 11:29

Pun da namati'd Antioch simsimmoḵdae angidagasda'ḵ badang atta susunud ḵan Kristu atte probinsiya'd Judea. Nangitod sin-ossaossa'tte lamogna itton.

Acts 16:15

Pun nampabonyag aḵ Lydia ya da ḵabaḻyanna. Pun inayagana diḵani woḵ ḵanana, “Nu ibelangyu saḵone tuttuwae namati ḵan Apu, umali ḵayu'ḵ ḵuwani.” Pun impatutna intallay diḵani si boḻoyda.

Acts 24:17

“Naḻaḵpus ḵad pigan tawone naippunaḵ ad Jerusalem, nipauliyaḵ os sidi ta ittoḵ pilaḵe badang atta ḵailiyaḵe Judyu we anḵasapuḻ ya nandatunaḵ os ḵan Apudyus atte templo.

Romans 15:31

Iluwaḻuyu we iligsin Apudyus saḵon atta adipun namati'tte probinsiya'd Judea. Ḵad iluwaḻuyu bos ta awatonaḵ atta tagun Apudyus ad Jerusalem we anserbi ḵan dida sidi.

1 Corinthians 16:1

Nu sa mipanggob atte daguponyu we mibadang atta tagun Apudyus ad Jerusalem, siya ḵoonyu isun ni imbilinḵu'tta gimung da namati'tta ḵinailin di ili'tte probinsiya'd Galatia.

1 Corinthians 16:15

Susunudḵu ḵan Kristu, igammuyu mipanggob ḵan da Stephanas we simbaḻyan. Dida da ummunae namati ḵan Apudyus ad Achaia. Impapatidae nanserbi'tta losane tagun Apudyus.

2 Corinthians 9:1

Daḵampun aḵ ḵasapuḻane isuḻatḵu ḵan diḵayu mipanggob si badange maiyoy atta tagun Apudyus ad Judea.

Galatians 2:10

Abus aḵ ḵindawda ḵan diḵani pagatupanni ye bumadang atta ḵamḵamae Judyu we siya pasigḵu isisimoḵ ḵoon.

Galatians 6:10

Pun nu mawayaan taḵu pagatupan taḵu we angwa si ambaḻu'tta losane tagu, amod ay da susunud taḵu we namati.

1 Timothy 5:10

Ḵasapuḻan ose da ambaḻu we ḵingwada, nan-asidongoḻ inondae namadaḵoḻ atta abengda, ḵamamangilida ḵan impakumbabada da long-agdae nanserbi'tta tagun Apudyus, binadanganda da ampaḵaḻame tagu ya pummangogdae angwa'tta ngaimane ambaḻu.

Hebrews 6:10

Naun-unan aḵ Apudyus, adinapun maliwatan da ambaḻu we ḵingwayu ya sa ayatyu ḵan siyae impailayu si bummadanganyu'tta buḻunyu we tagun Apudyus ya sissiyae badanganyu dida.