2 Corinthians 8:2 - Sa Ugud Apudyus

² Te da susunud taḵu ḵan Kristu sidi'tte timpu we amod de ampaḵaḻamanda, allaaydae bummadang atta susunud taḵu we anḵasapuḻ te amod de layadda taḵon ay nu ḵapuḵapusda.

2 Corinthians 8:2 ပူးပေါင်းရင်းမြစ်များ

Matthew 20:15

Adipun ḵamman miyunude gastuwoḵ pilaḵḵu si pioḵ angastuwan? Maapos ḵayu ḵad ain gapu ta allaayaḵ?’ ”

Romans 12:8

Da innattan Apudyus aḵ ḵabooḻane ansoḻgag aḵ pumigsaan da pammatin da udum, ansoḻgagda oḵyan. Ḵad da innattan Apudyus aḵ ḵabooḻane angitod, angitodda oḵyane naḻpu'tta pusuda. Ḵad da naittan aḵ ḵabooḻane angipangpangu, ipapuutda oḵyane angwa. Ḵad da naittan aḵ ḵabooḻane ḵumadagu'tta ampaḵaḻam, allaylayadda oḵyane angwa.

Romans 2:4

Adiyu potogon aḵ Apudyus atte ḵananyu we adimpun diḵayu dusaon gapu ta ḵumadagu, naattom ya amod de anusna. Adiyupun ḵamman igammu we ḵinadaguwana diḵayu ta ibabawiyu da basuḻyu ya agayyu we angwa?

2 Corinthians 1:12

Annaya isḵaḻni, panoḵnoḵan ni somsomoḵni ye ippun nantultulliyanni'tta asintataguni si annae lubung amod ay diḵayu. Te indaḻan Apudyus diḵani ta maḻpu'tte pusu ḵan naapudyusan da losane ḵoonni ya da losane ibagani. Pun daḵampun aḵ ḵingwani da sanae mipagapu si laing di tagu yaḵon mipagapu si ḵabooḻan Apudyus gapu'tte amode ḵinabaḻuna'tta tagu.

2 Corinthians 2:9

Te sa gapunae nanuḻataḵ, pioḵ pappadason diḵayu ḵan igammuwon nu tumuttuwa ḵayu'tta losane imbagabagaḵ ḵan diḵayu.

2 Corinthians 6:10

Taḵon ay andadauy ḵani, pasig ḵani bos allaylayad. Ḵapus ḵani yaḵon mipagapu'tte tuttuduni adu da bummaḵnang atta naispirituwane banage itton Apudyus. Naippun ḵuḵuwani yaḵon ḵuwani da losan gapu'tte pammatini ḵan Apudyus.

2 Corinthians 9:11

Pabaḵnangon diḵayu ta da losane timpu maḵwae allaay ḵayu we angitod atta anḵasapuḻ. Ḵad adu da anggappiya ḵan Apudyus gapu'tta badangyu we inawatda mipagapu ḵan diḵani.

2 Corinthians 9:13

Pun gapu'tte sadi ye ḵoonyu we angitod, ipanoḵnoḵna ḵatuttuwaan ni pammatiyu ya paaduwonyu da tagu we angidayaw ḵan Apudyus gapu ta mailadae uunnudonyu Ambaḻu we Damag si mipanggob ḵan Kristu we ibagayu we patiyonyu. Ḵad tuttuwae anggappiyada ḵan Apudyus gapu si laayyu we angitod si ḵasapuḻan da losane namati.

1 Thessalonians 1:6

Ḵad nambalin ḵayu'ḵ angunud ḵan diḵani ya aḵ Apu. Te taḵon ay nu amod de nampaḵaḻamanyu, sillalaylayad ḵayu we nangawat si Ugud Apudyus te innattod ni Ispiritu Santu laylayadyu.

1 Thessalonians 2:14

Te diḵayu ḵad susunud, nampaḵaḻam ḵayu gapu'tta ḵailiyanyu we isun ni naḵwa'tta gimung da namati ḵan Apudyus atte probinsiya'd Judea we da niyossaan ḵan Jesu Kristu te nampaḵaḻamon os da susunuddae Judyu dida.

James 2:5

Andongoḻ ḵayu ay-ayatoḵe susunud ḵan Kristu. Daḵampun ḵamman ḵan Apudyus namili'tta ḵapus si annae lubung aḵ bumaḵnang si pammati ya gangganasonda da laḵsunda si midog-anda si ampangatan Apudyus we inkarina'tta angay-ayat ḵan siya?

Revelation 2:9

Igammuḵe nampaḵaḻam ḵayu ya ḵapus ḵayu yaḵon sa ḵatuttuwaan, baḵnang ḵayu! Igammuḵ ose awad da Judyu we anginsultu ḵan diḵayu yaḵon daḵandapun aḵ tagun Apudyus nu adi dida da tagun Satan.