2 Corinthians 8:16 - Sa Ugud Apudyus

¹⁶ Nanggappiyaaḵ ḵan Apudyus we nangitod ḵan Titus atte ayatnae bumadang ḵan diḵayu we isun ni ayatḵu we bumadang ḵan diḵayu.

2 Corinthians 8:16 ပူးပေါင်းရင်းမြစ်များ

2 Corinthians 7:12

Pun taḵon ay nu nanuḻataḵ ḵan diḵayu, daḵampun aḵ gapu'tte nangwa'ḵ basuḻ baḵon nu gapu'tte tagu we naḵabasuḻana. Yaḵon nanuḻataḵ ta ipaḵaawatḵu ḵan diḵayu si sinagung Apudyus nu tuttuwae ipatogyu diḵani ḵan pionyu we unudon diḵani.

2 Corinthians 7:7

Ḵad daḵampun aḵ abus dummaḵngana'ḵ namapigsa si pammatini yaḵon sa nangugudana ḵan diḵani'tta banag si mipanggob ḵan diḵayu we nanoḻgag ḵan siya. Ḵad inugudna bos mipanggob si ummayuwanyu ḵan saḵon ya sa nambabawiyanyu gapu'tte ḵingwayu we lawweng. Inugudna bose pionyu we angitaḵdoḻ ḵan saḵon. Pun amo nadog-an laylayadḵu sinsadi.

2 Corinthians 8:23

Aḵ Titus, siya buḻunḵu ḵan bumadang ḵan saḵone anserbi ḵan diḵayu. Ḵad da annae susunud taḵu ḵan Kristu we mitun-ud ḵan siya, dida nibuune angitaḵdoḻ atta gimung da namati. Ḵad gapu ḵan dida, madayaw ḵinangatun Kristu.

2 Corinthians 8:6

Pun gapu ta aḵ Titus nangilapu'tte angitod ḵayu'ḵ badangyu, sinoḻgagni ta mipauli oḵyan sinat ta bumadang ḵan diḵayu we angigangput atta sinaḻdanae ambaḻu we ḵewaaḻe mipail-an ni ḵinabaḻuyu.

Philippians 2:20

Ibuunḵu te siya abus aḵ buḻunḵu we angisaḵit ḵan diḵayu, naippun udum aḵ igammuḵ.

Colossians 3:17

Ngaimane ḵoonyu ḵan ugudonyu, ḵoonyu mipagapu si ngadan Apu Jesus ḵad anggappiya ḵayu ḵan Apudyus we Ama mipagapu ḵan siya.

Revelation 17:17

“Sa sanate bubai ye innilam, siya nandindinamage siyudade nangipangat atta losane ari'd luta. Naḵwa da sana ḵan siya te aḵ Apudyus nangidaḻan ḵan dida ta an-ossaan somsomoḵda ta mituttuwa panggobna. Siya gapun ni nangipuḻanganda'tte ḵaog-ogyate ayam atta ḵaḻabbongandae ampangat inggana'ḵ mituttuwa da losane imbagan Apudyus.”