2 Corinthians 8:12 - Sa Ugud Apudyus

¹² Te nu allaylayad ḵayu we angitod, allaylayad os aḵ Apudyus we angawat atta sadi ye badangyu sigun si lamogyu itton. Adinapun namnamaone ittonyu adiyupun lamog.

2 Corinthians 8:12 ပူးပေါင်းရင်းမြစ်များ

Matthew 25:17

Siya bos ḵingwan ni ḵumagwae nitaḻgodan ni duwallibu we palata, pun naḵagalansiya bos aḵ duwallibu we palata.

Matthew 25:22

“Pun ummoy os nitaḻgodan ni duwallibu we palata woḵ ḵanana, ‘Apu, duwallibu we palata intaḻgodnu ḵan saḵon, annaya bos duwallibu we palatae galansiyaḵ.’

Luke 16:10

Ḵanan Jesus we namagatup, “Sa mataḻgodane angdon atte aḵit, mataḻgodan atte ad-adu, ḵad sa adipun mataḻgodane angdon atte aḵit, adipun os mataḻgodan atte ad-adu.

2 Corinthians 8:11

Pun pagatupanyu ta igangputyu ḵewaaḻyu. Ta sa pangogyu we nangisaḻad, ḵaḵnat oḵyan os inonyu we angigangput sigun si lamogyu itton.

2 Corinthians 8:13

Daḵampun aḵ pioḵ ḵanane angitod ḵayu ta lumin-awa da udum ya ampaḵaḻam ḵayu. Yaḵon an-iisu oḵyan.

2 Corinthians 8:19

Daḵampun aḵ abus sadi, siya dinutuḵan da gimung da namati'ḵ mibuḻun ḵan diḵani ye angiyoy atta badangyu'tta anḵasapuḻ ad Judea. Ḵad ḵoonni ḵaḵna ta madayawan ni ḵinangatun Apu ta ipailani ye anserbi ḵani gapu si ayatni ye bumadang atta buḻunni.

2 Corinthians 9:7

Pun awad osa ḵan diḵayu ḵasapuḻane sosomḵona nu ngai piona ittone maḻpu si pusunae ippun oḵyan dadaulina ḵan daḵampun aḵ mapatute angitod. Te ayaton Apudyus allaaye angitod.

1 Peter 4:10

Ḵad da ḵabooḻane innatod Apudyus atte sin-ossaossae namati, usaronyu we anserbi'tta buḻunyu we isun di mataḻgodane sammilu we angayyuwan atta nankalakalasi ye bindisyune innatod Apudyus.