2 Corinthians 7:7 - Sa Ugud Apudyus

⁷ Ḵad daḵampun aḵ abus dummaḵngana'ḵ namapigsa si pammatini yaḵon sa nangugudana ḵan diḵani'tta banag si mipanggob ḵan diḵayu we nanoḻgag ḵan siya. Ḵad inugudna bos mipanggob si ummayuwanyu ḵan saḵon ya sa nambabawiyanyu gapu'tte ḵingwayu we lawweng. Inugudna bose pionyu we angitaḵdoḻ ḵan saḵon. Pun amo nadog-an laylayadḵu sinsadi.

2 Corinthians 7:7 ပူးပေါင်းရင်းမြစ်များ

Matthew 26:75

Pune sadi, inḵagasmoḵ Peter imbagan Jesus ḵan siyae ḵanana, “Daampun ḵawitan anullaḵuḵ ya namiḵluwom saḵon puḵlitan.” Pune sadi, ummoyon aḵ Peter woḵ ummibiibil.

Matthew 5:4

Pian da andadauy te liwliwaon Apudyus dida.

Luke 22:44

Ḵad gapu'tte ummamdane ampaḵaḻamana, pummangoge nalluwaḻu woḵ sa lingotna isunan daḻae nantottod si luta.

Acts 11:23

Dummatong ḵad sidi, innilana ḵinabaḻun Apudyus ḵan dida. Nallaylayad woḵ sinoḻgagna dida ta ipapatidae antaḻgod ḵan Apu atte amine somsomoḵda.

Romans 1:12

Sa pioḵ ibaga, an-asisoḻgag taḵu si pammati ta pumigsa pammatiḵ mipagapu'tta pammatiyu ya pumigsa bos pammatiyu gapu si pammatiḵ.

1 Corinthians 5:2

Ḵad sissiyae ansoḵaḻ ḵayu! Siya oḵyan ḵoonyu idomdomyu ḵababbaine naḵwa ta paḻyawonyu ḵaḵnate tagu'tte gimungyu.

2 Corinthians 1:4

Te papigsaona pammati taḵu'tta losane ampaḵaḻaman taḵu ta lamog taḵu papigsaon da pammatin da buḻun taḵu we ampaḵaḻam atta losane kalasin di ampaḵaḻamane isun ni namapigsaana ḵan ditaḵu.

2 Corinthians 2:9

Te sa gapunae nanuḻataḵ, pioḵ pappadason diḵayu ḵan igammuwon nu tumuttuwa ḵayu'tta losane imbagabagaḵ ḵan diḵayu.

2 Corinthians 5:2

Ḵad sinsadi, tuttuwae umayuwong taḵu we anguuway atte mapasantan ni annae long-ag taḵu si baru we long-age maḻpu'd langit

2 Corinthians 7:6

Yaḵon aḵ Apudyus we alliwliwa'tta andadauy, niliwliwana bos diḵani gapu'tte dummaḵngan Titus.

2 Corinthians 7:8

Te taḵon ay nu pinaḻawengḵu somsomoḵyu gapu'tte suḻatḵu ḵan diḵayu, adiyaḵpun nandadauli. Yaḵon sa ḵatuttuwaan nandadauliyaḵ te iniiggammuḵe nandadauli ḵayu yaḵon ambaḻu te sin-aḵitane abus.

2 Corinthians 8:16

Nanggappiyaaḵ ḵan Apudyus we nangitod ḵan Titus atte ayatnae bumadang ḵan diḵayu we isun ni ayatḵu we bumadang ḵan diḵayu.

Philippians 1:20

Igammuḵe taguwonaḵ gapu'tte namnamaḵ ya sa pioḵ pagay, adiyaḵpun mabain si sinagung Apudyus gapu si adiḵpun daydayawon yaḵon amo tumuḻodaḵ pagay sinsanae isuna awe ta mipagapu'tte long-agḵu midayaw aḵ Kristu, matattaguwaḵ man baḵon nu matoyaḵ.

Colossians 2:5

Taḵon ay nu naippunaḵ ḵan diḵayu sinat, sosomḵoḵ diḵayu ya amod de layadḵu si dingngoḻḵu we nauḻnus ḵayu ya ampigsa da pammatiyu ḵan Kristu.

1 Thessalonians 3:6

Yaḵon sinsadi, nipauli'ḵ Timothy ye imbagana ambaḻu we damag mipanggob si ḵinapigsan da pammati ḵan ayatyu. Imbagana bose diḵani pasigyu ayuayuwane isun ni ayuni ḵan diḵayu.

1 Thessalonians 3:8

Te sinsadi, napabaru biyagni si inigammuni ye sissiyae itataḵdogyu pammatiyu ḵan Apu.

Hebrews 2:1

Pun ḵasapuḻane amo popotpotan taḵu ḵatuttuwaane dingngoḻ taḵu ta adi taḵu iwaḻang pammati taḵu'tte ḵatuttuwaane isun ni bangkae umadayu'tte ustu we ayana.

James 5:17

Somsomḵonyu ḵad aḵ Profeta Elijah we isu taḵu we tagu. Impapatina nalluwaḻu we adi oḵyan umudan, adipun ummudan ad luta'tte tuḻun tawon ya gogwa.

2 John 1:4

Amod de layadḵu si inigammuḵe da udume abengnu, siya unudonda ḵatuttuwaane imbilin Apudyus we Ama ḵan ditaḵu.

Jude 1:3

Ay-ayatoḵe buḻbuḻun, ansagsaganaaḵe anuḻat ḵan diḵayu si mipanggob atte mataguwan taḵu losane namati. Yaḵon sinsadi, ḵasapuḻane anuḻataḵ ta bagbagaaḵ diḵayu we iggayu ḵabooḻanyu we angitaḵdog si pammati taḵu we namingpingsane intaḻgod Apudyus atta taguna.