2 Corinthians 7:5 - Sa Ugud Apudyus

⁵ Te taḵon ay dummaḵnganni'd Macedonia, ippun umillongan da somsomoḵ ḵan long-agni gapu'tta amode ampaḵaḻamane nilaḵ-amni'tta ngaimane ummayanni. Ḵad adu we gulu'tte nampaliḵwos ḵan diḵani ya ambimbinsaw ḵani.

2 Corinthians 7:5 ပူးပေါင်းရင်းမြစ်များ

Acts 20:1

Nagangput ḵad sadi ye gulu, nandaḵdaḵngon Paul da namati ta soḻgagona dida. Unipun, nampaḵada woḵ ummoy ad Macedonia.

Romans 15:26

Te da tagun Apudyus si probinsiya'd Macedonia ya Achaia, sillalaylayaddae nangitod aḵ badangda'tta ḵapuse tagun Apudyus ad Jerusalem.

1 Corinthians 15:31

Susunud ḵan Kristu, tuttuwae sasaggungoḵ ḵatoy si inaḻgaw. Ibagaḵ sana te isḵaḻḵu niyossaananyu ḵan Jesu Kristu we Apu taḵu.

1 Corinthians 16:5

Sa planuḵ sinsadi angoyaḵ ad Macedonia ta antuttuduwaḵ sidi ḵad asiyaḵot umoy bumisita ḵan diḵayu.

2 Corinthians 2:13

Yaḵon taḵon ay nu ḵatti ye naatod gundaway ḵan saḵon, amod de binsawḵu te naippun indasaḵ ḵan sunud taḵu we Titus sidi. Pun siya nampaḵadaaḵ atta susunud taḵu ḵan Kristu woḵ iyyaḵ ad Macedonia.

2 Corinthians 2:3

Ḵad sadi gapunae intaḻyanḵu umaliyaḵ woḵ nanuḻataḵ ḵan diḵayu yaḵon umaliyaḵ oḵyan sinat ta sa umaliyaḵ sinat, adipun lumaweng somsomoḵḵu gapu ḵan diḵayu we amalayad oḵyan ḵan saḵon. Te aaddi ye nu allaylayadaḵ, allaylayad ḵayu bos losan.

2 Corinthians 2:9

Te sa gapunae nanuḻataḵ, pioḵ pappadason diḵayu ḵan igammuwon nu tumuttuwa ḵayu'tta losane imbagabagaḵ ḵan diḵayu.

Galatians 4:11

Pun iyogyatḵu mipanggob ḵan diḵayu te ippun nin anun ni pangogḵu we nantuttudu ḵan diḵayu.

1 Thessalonians 3:5

Gapu'tte adiyaḵpun ogon maḵaanus si ayuḵ, imbuunku'ḵ Timothy te pioḵ igammuwon nu ngai inon ni pammatiyu. Nambinsawaḵ te maagyu ḵad ay tinuttuwa da subsub da susubsub, ippun ay anun ni ayongni'tte ḵewaaḻ para ḵan diḵayu.