2 Corinthians 7:11 - Sa Ugud Apudyus

¹¹ Te ilanyu ḵad ḵabaḻun ni ḵingwan Apudyus gapu'tte nandadauyan ni somsomoḵyu. Sinsadi, ibungana ayatyu we angwa'tta ambaḻu ya ipapatiyu ipailae ustu da ḵoonyu. Summanga ḵayu gapu'tte naḵwa ḵan diḵayu ya maḵimut ḵayu'ḵ dusaon Apudyus diḵayu gapu'tta basuḻyu. Pionyu pagay os ilan saḵon ya allaylayad ḵayu bose angwa'tta imbagaḵ. Pionyu bose anusa'tte tagu we naḵabasuḻ. Gapu'tta losane ḵingwayu, nipailae ippun mipabasuḻ ḵan diḵayu gapu'tte naḵabasuḻan da sadi ye tagu.

2 Corinthians 7:11 ပူးပေါင်းရင်းမြစ်များ

Mark 3:5

Nallangḻanga ḵad ḵan dida summanga ya ansigab atte pusuna gapu'tte tummungitong somsomoḵda. Ḵanana si naangḵet, “Uyadom imam.” Inuyadna ḵad, nipaḻ-og.

John 2:17

Pune sadi, inḵagasmoḵ da disipuluna nigili ye Ugud Apudyus we ḵanana, “Sa angipatogaḵ si boḻoynu we adidapun patgan, siya matoyaḵ.”

Acts 17:16

Sa sadi ye anguuwayan Paul ḵan da Silas ḵan Timothy ad Athens, lummaweng somsomoḵna'tte innilana da aduadu we sinan-apudyus atte sadi ye siyudad.

Romans 11:20

Tuttuwa sanat. Naspaḵda te adidapun namati yaḵon nipasani ḵayu gapu'tte namatiyanyu. Pun adiyu ipasindayaw yaḵon ummaummanyu.

Romans 14:18

Ḵad nu ḵaḵnat inon taḵu we anserbi ḵan Kristu, mas-om aḵ Apudyus ya mapatgan taḵu bos atta asintatagu taḵu.

Romans 3:5

Yaḵon nu sa angwaan taḵu'tta ḵinalaweng angipaila si naun-unan aḵ Apudyus, maḵwa ḵammane ḵanan taḵu we adipun naun-unan aḵ Apudyus nu dusaona ditaḵu gapu'tta ḵinalaweng taḵu? An-ugudaḵe ḵasomsomḵan di tagu.

1 Corinthians 12:25

ta adi an-asisullagi da ḵamangay ni long-ag nu adi an-asiayyuwanda.

1 Corinthians 5:2

Ḵad sissiyae ansoḵaḻ ḵayu! Siya oḵyan ḵoonyu idomdomyu ḵababbaine naḵwa ta paḻyawonyu ḵaḵnate tagu'tte gimungyu.

2 Corinthians 13:7

Yaḵon sinsadi, iluwaḻuni ḵan Apudyus ta naippun oḵyan ḵoonyu'ḵ lawweng. Ḵatti oḵyan maḵwae daḵampun aḵ mipailae madayawanni yaḵon pionni ye ḵoonyu ambaḻu taḵon ay nu ḵanan da udume naippun nambanagan ni ḵewaaḻni ḵan diḵayu.

2 Corinthians 2:6

te umanay ḵingwan da ḵaaduwan ḵan diḵayu ḵan siya'ḵ ḵadusaana.

2 Corinthians 6:4

Ḵad da losane ḵoonni, ipailani ye anserbi ḵani ḵan Apudyus te at-attomanni da amode maal-alimuunanni ḵan adu we ampaḵaḻamanni ya da losane ampaḵimute naḵwa ḵan diḵani.

2 Corinthians 7:1

Susunudḵu ḵan Kristu we ay-ayatoḵ, gapu'tta sanae inkarin Apudyus ḵan ditaḵu, iginoḵ taḵu we angwa'ḵ lawweng ya iginoḵ taḵu we ansomsomoḵ aḵ lawweng. Sa matattaguwan taḵu, isipog taḵu'ḵ Apudyus ta bumaḻubaḻu naapudyusane antatagu taḵu.

2 Corinthians 7:7

Ḵad daḵampun aḵ abus dummaḵngana'ḵ namapigsa si pammatini yaḵon sa nangugudana ḵan diḵani'tta banag si mipanggob ḵan diḵayu we nanoḻgag ḵan siya. Ḵad inugudna bos mipanggob si ummayuwanyu ḵan saḵon ya sa nambabawiyanyu gapu'tte ḵingwayu we lawweng. Inugudna bose pionyu we angitaḵdoḻ ḵan saḵon. Pun amo nadog-an laylayadḵu sinsadi.

2 Corinthians 7:9

Yaḵon sinsana allaylayadaḵ, daḵampun aḵ gapu'tte nandadauyan ni somsomoḵyu yaḵon gapu'tte nandadauyanyu nangitod atte nambabawiyanyu'tta basuḻyu ya nangiyagayanyu we nangwa. Te inusar Apudyus nandadauyan ni somsomoḵyu'ḵ bumaḻuwanyu woḵ sadi ippun lawweng aḵ naḵwa ḵan diḵayu'tte mipagapu ḵan diḵani.

2 Corinthians 9:2

Te igammuḵe allaay ḵayu we bumadang woḵ siya iyyisḵaḻḵu mipanggob ḵan diḵayu'tta gimung da namati'd Macedonia. Imbagaḵe naḵasagana ḵayu sinat ad Achaia we bumadang inggan ni ḵesane tawon. Ḵad gapu'tte sadi ye imbagaḵ, nasoḻgag da ḵaaduwan ḵan didae bumadang.

Ephesians 4:26

Nu sumanga ḵayu, adiyu iyunude siya bumasuḻanyu. Ḵad adiyu iyaḻ-aḻgawe sumanga,

Ephesians 5:11

Adi ḵayu maḵaḵwa'tta banage ḵababbain ḵan ippun anunae ḵoḵoḵḵon da tagu we awad si giḵbote nililimod. Siya oḵyan ḵoonyu ipaḵaawatyu ḵan didae lawwelawweng da ḵoonda taḵon ay nu ḵababbain aḵ ugudon da sanae banag.

Philippians 2:12

Pun annaya ibagaḵ ḵan diḵayu we buḻbuḻunḵu. Pasig ḵayu tummuttuwa atte inninggawaḵ ḵan diḵayu yaḵon sindumallu oḵyan si ḵamaidḵu ḵan diḵayu. Pun adiyu iwaḻange angwa si ambaḻu we siya ambanagan ni nataguwanyu. Ḵad sa angwaanyu si sadi, bumain ḵayu ya isipogyu we ustu'ḵ Apudyus.

1 Thessalonians 4:6

Ḵasapuḻane ippun oḵyan bumasuḻ ḵan diḵayu baḵon nu angallelaw si sunudna ḵan Kristu mipagapu'tte ḵaḵnae gunay te aaddi ye aḵ Apu bumaḻos atta ngaimane angwa'tte ḵatti. Sana da imbilibilinni ḵan diḵayu.

1 Timothy 5:20

Yaḵon nu pagapagatupan ni angipangpangu we maḵabasuḻ, suppaḵam si sinagung ni gimung ta umogyat da udume angwa'tte ḵingwana.

2 Timothy 2:15

Siḵa ḵad, iggam ḵabooḻame angituttudu si ḵatuttuwaane Ugud Apudyus ta umannamung aḵ Apudyus we isun ni anserbi ḵan Kristu we adinapun ibain ḵewaaḻna.

Titus 3:8

Tuttuwa da sadi ye imbagaḵ ya matuttuwada oḵyan. Pun pioḵe pagapagatupame antuttudu'tta namati ḵan Apudyus sinat ta ummanda ipapuute angwa'tta ambaḻu. Da sadi ye tuttudu, ambaḻubaḻu ya idaḻanna da losane tagu'tte bumaḻuwanda.

Hebrews 4:1

Pun gapu ta sissiya sanae inkarin Apudyus we umillongan, ḵasapuḻane umman taḵu ta ippun oḵyan osa ḵan ditaḵu'ḵ adi maḵaḻnoḵ si sanate umillongan.

James 3:17

Yaḵon sa ḵinalainge maḻpu'd langit, pasige ambaḻu, allin-awa, an-anggom, adinapun ipatut piona, pasig ḵumadagu, pasig ambaḻu ḵoona, ippun laḵlaḵsigona'tta buḻunna ya adipun ḵapappaila.

1 Peter 1:17

Sosomḵonyu anna, aḵ Apudyus we bigbigonyu we Ama, ippun laḵsigona nu anḵuwis. Ḵad ḵuwisona da losane tagu sigun si ḵingwan ni sin-ossaossa. Pun ḵasapuḻane isipogyu ya dayawonyu si sanae mabiyaganyu we isun di ḵaili si annae lubung.

1 Peter 2:2

Isun da uttinge pasig mauuwaw atte susu, pasig ḵayu oḵyan mauuwaw atte naispirituwane gatase sa Ugud Apudyus ta pumigsa ḵayu si pammati inggana'ḵ mituttuwa mataguwanyu.

Jude 1:23

Ḵad taguwonyu da udume adipun namati ye isun di lapsutonyu dida si apuy ad infiernu. Ḵadaguwanyu bos da ḵabasbassuḻan yaḵon ummanyu ta adi ḵayu mamansaan atte lawwenge ḵoonda.

Revelation 3:19

Suppaḵaḵ ḵan saplitaḵ da losane ay-ayatoḵ, pun ibabawiyu da basuḻyu ya agayyu we angwa ta unudonyu saḵone ustu.