2 Corinthians 6:8 - Sa Ugud Apudyus

⁸ Sa anserbiyanni ḵan Apudyus, awad da angidayaw ḵan awad os da angibabbain ḵan diḵani. Ḵad awad os da anginsultu ya awad os da ambaḻuwon diḵani. Ḵanan os da udume matuli ḵani yaḵon tuttuwa da ugudonni.

2 Corinthians 6:8 ပူးပေါင်းရင်းမြစ်များ

Matthew 10:25

Pun mat-op oḵyan an-adaḻ nu miyisu si mistuluna ḵad isuna bos si sammilu nu miyisu si apuna. Nu ipanida saḵon si simboḻoye aḵ Beelzebul we pangat da aḻan, aaddi ye amo dallu we lawweng angngadanda ḵan diḵayu we niḵamboḻoy.”

Matthew 22:16

Pun imbuunda da udume disipuludae Pharisee ya da nidoga si grupun Ari Herod ta umoyda ḵan Jesus. Indasanda ḵad, ḵananda, “Mistulu, igammuni ye losane ibagam tuttuwa ya igammuni bose ippun laḵlaḵsigom aḵ tagu te daḵampun aḵ siya itollongnu saad ni tagu yaḵon siya ituttudum ḵatuttuwaane mipanggob si pinion Apudyus we ḵoon da tagu.

Matthew 27:63

Ḵananda ḵan Gobernor Pilate, “Apu, inḵagasmoḵni ye sa sissiyae matattaguwan ni sanate tuliyan, ḵanana, ‘Umuli nu maḻaḵpus tuḻun aḻgaw.’

Mark 12:14

Pun dummatongda ḵad ḵananda, “Mistulu, igammuni ye tuttuwa da losane ibagam. Ibagam ustu we adimpun biyangan nu ngai ḵasasaad da tagu. Ḵad igammuni bose ippun laḵsigom aḵ tagu yaḵon siya ituttudum da ḵatuttuwaan mipanggob si pinion Apudyus we ḵoonda. Pun ibagam ud ḵan diḵani nu lisalison taḵu lintog Moses nu ambayad ḵani'tta bugis atte Emperor ad Rome baḵon nu umadini?”

John 7:12

Da nandatdatonge tagu'tte gayagaya, siya uguugudonda mipanggob ḵan Jesus. Ḵanan da udum, “Ambaḻu ugalin Jesus.” Yaḵon ḵanan os da udum, “Lawwelawweng te uḻ-uḻnugana da tagu.”

Acts 10:22

Ḵananda, “Aḵ Kapitan Cornelius nangibuun ḵan diḵani'ḵ angayag ḵan siḵa te imbagan ni anghel Apudyus we ayagana siḵa ta dongngona da ibagam. Siya ḵad naun-unan ya isipogna'ḵ Apudyus ya mapatgan atta losane Judyu.”

Acts 16:39

Pun ummoyda si babaḻḻudan woḵ nampakawanda ḵan dida. Pun illawada dida woḵ ḵindawdae tenanda sadi ye siyudad.

Acts 22:12

“Inninggaw sidi nangngadan aḵ Ananias we naapudyusane tuttuwaona lintog taḵu ya ambaḻu ḵaugudana'tta losane Judyu we ummili.

Acts 24:5

“Te indasanni annae tagu we gugulu te dam-on nanggulu'tta losane Judyu si annae lubung. Siya osa'tta pangat da grupun da mituntun-ud atte iNazareth.

Acts 28:22

Yaḵon pionni ye dongngon ḵasomsomḵam te igammuni ye da tagu'tta ḵinailin di ili an-ugudda'ḵ misullagi'tte nidog-am atta angunud ḵan Jesus.”

Acts 4:21

Nagangput ḵade ḵinoḻḵog da ḵuḵunsisaḻ dida, pinaoyonda dida te adidapun maḵaḵasḵasmoḵ nu ngai inondae anusa ḵan dida te adu da tagu we nandaydayaw ḵan Apudyus gapu'tte nakaskasdaawe naḵwa.

Acts 5:13

Da adipun namati maḵimutdae umoy midoga ḵan dida. Yaḵon patgan da tagu dida.

Acts 6:3

Susunud ḵan Kristu, pumili ḵayu'ḵ pitu we laḻaḵi ḵan diḵayu we da ambaḻu ugalida ya naittanda si ḵabooḻan ni Ispiritu Santu ya ḵinalaing. Ḵad dida da dutuḵan taḵu'ḵ awwaḻas atta maḵan

Romans 3:8

Ḵad ngaipa taḵu adi ḵoon lawweng ta itoḵwaḻna ambaḻu? Awad da udume tagu we paḻawengonda saḵone ibagabagadae imbagaḵ da anna yaḵon daḵampun aḵ tuttuwa. Pun labbongnae madusada.

2 Corinthians 1:18

Tuttuwa da ibagani ḵan diḵayu, isuna bos ḵan Apudyus we siya losane ibagana da ḵatuttuwaan.

2 Corinthians 11:21

Mabainaḵe angibagae diḵani ḵad, ippun tuḻodni ye angwa'tte isun ni ḵingwada ḵan diḵayu! Yaḵon nu mipanggob atte tuḻoddae angiyisḵaḻ atta long-agda, ḵooḵ os ta an-ugudaḵe isun di nadongdong-ogan!

2 Corinthians 12:16

Pun maḵwae iyunudyu we adiyaḵpun nanḵodaw atta masapuḻḵu ḵan diḵayu. Yaḵon awad da angibagae siḵapaḵ ḵan allelawoḵ diḵayu'tte tinutuli.

2 Corinthians 4:2

Nan-awidanni da losane ḵoḵoḵḵon da tagu we nililimod ḵan ḵababbain ya ippun inallelawni. Adinipun imbos Ugud Apudyus. Yaḵon atte sinagung Apudyus impaḵaawatni'tta losane tagu da losane ḵatuttuwaan te pionni ye igammuwonda'tta somsomoḵdae ambaḻu ḵewaaḻni.

1 Thessalonians 2:3

Te ippun lawweng aḵ somsomoḵni ye nangawis ḵan diḵayu baḵon nu awad siniḵapanni. Ippun os kamali'tta intuttuduni ḵan diḵayu.

1 Timothy 3:7

Ḵasapuḻane ambaḻu ugalina si antotollong da adipun amati ta adi mibabbain ya maḵna si tappoḵ Satan.

1 Timothy 4:10

Siya gapunae igga taḵu ḵabooḻan taḵu te sadi namnamaon taḵu ḵan Apudyus we matattagu we anagu'tta losane tagu, dallu gay ditaḵu we namati.

Hebrews 13:13

Intaḵu ḵan Jesus atte lasin ni ḵampu, ta ampaḵaḻam taḵu'tta nibabbainana.

1 Peter 4:14

Pian ḵayu nu maang-angyag ḵayu gapu si pammatiyu ḵan Kristu te sadi angigammuwanyu we iinggaw ḵan diḵayu madaydayawe Ispiritun Apudyus.

3 John 1:12

Aḵ Demetrius ḵad, ambaḻu ibagabagan da adu we tagu atte mipanggob ḵan siya ya tuttuwa da sana te maila si antataguna. Panoḵnoḵanni bos mipanggob ḵan siya ya igammume tuttuwa da annae ibagani.

Revelation 3:9

“ ‘Dongngonyu anna. Awad da Judyu sinate tagun Satan. Ḵanandae dida tagun Apudyus yaḵon daḵampun te tuliyanda. Sa umali ye aḻgaw ipatutḵu we umoyda analluḵu si sinagungyu ḵad asida igammuwone ay-ayatoḵ diḵayu.