2 Corinthians 6:6 - Sa Ugud Apudyus

⁶ Ipailani anserbiyanni ḵan Apudyus gapu'tte ampoḻḵase antataguni'tte nangigammuwanni si ḵatuttuwaan, gapu'tte ḵinaanusni'tta nampaḵaḻamanni. Mipaila bos ḵabooḻanni ye itton ni Ispiritu Santu ya sa gattoḵe ayatni'tta asintataguni.

2 Corinthians 6:6 ပူးပေါင်းရင်းမြစ်များ

Romans 12:9

Tuttuwa oḵyan ayatyu'tta buḻunyu we namati. Ḵad ḵasapuḻane sasangngaanyu oḵyan da ngaimane lawweng ta siya pagapagatupanyu unudon da ngaimane ambaḻu.

Romans 15:19

gapu'tta nakaskasdaawe sinyal ya da miraculu ya mipagapu si ḵabooḻan ni Ispiritu Santu. Misaḻad ad Jerusalem inggana'd Illyricum iwwaḻagawagḵu Ambaḻu we Damag mipanggob ḵan Kristu.

1 Corinthians 12:8

Sa osae namati, ittan ni Ispiritu Santu aḵ lainge angipaigammu si Ugud Apudyus. Ḵad sa osa, ittana'ḵ ḵabooḻane maḵaawat mipanggob ḵan Apudyus.

1 Corinthians 13:4

Sa tagu we angayat atta asintataguna, naanus ya bumabbadang atta udum. Adipun maapos ya adipun os napasindayaw baḵon nu ansoḵaḻ,

1 Corinthians 2:16

Te sa ḵanan ni nigili ye Ugud Apudyus, “Awad ḵamman angigammu si ḵasomsomḵan Apu ta bagbagaana?” Yaḵon anna somsomoḵ Kristu ḵan ditaḵu.

1 Corinthians 2:4

Ḵad sa nantuttuduwaḵ ḵan nangiwaḻagawagaḵ ḵan diḵayu, adiḵpun inusar maḵaawise ugud ta mipaila ḵinalaing di tagu yaḵon mipaila ḵabooḻan ni Ispiritu Santu.

2 Corinthians 1:23

Yaḵon sinsadi, aḵ Apudyus anaḵdoḻ ḵan saḵone tuttuwa annae ibagaḵ. Adiyaḵpun nipauli sinat ad Corinth te adiḵpun pione paḻawengon somsomoḵyu nu suppaḵaḵ diḵayu'tta ḵingwayu.

2 Corinthians 11:11

Ngaipaaḵ adi anḵodaw ḵan diḵayu? Pioḵ ḵamman ipailae adiḵpun diḵayu ay-ayaton? Igammun Apudyus we ay-ayatoḵ diḵayu!

2 Corinthians 11:4

Te nu awad umali sinat aḵ angiwaḻagawag ḵan diḵayu'tte sabali nu sa iwwaḻagawagni ye mipanggob ḵan Jesus, allasu we umapyu ḵayu. Ḵad isuna bose allasu we tumimpuyug ḵayu'tta sabali ye ispiritu ya allasu we unudonyu da sabali ye tuttudu we adipun miyisu'tte Ispiritu Santu ya sa Ambaḻu we Damag we dingngoḻyu ḵan diḵani.

2 Corinthians 11:6

Taḵon ay nu daḵanaḵpun aḵ nalainge an-ugud, adiyaḵpun angkurang atte igammu si mipanggob ḵan Apudyus. Ḵad impaḵaawatni ḵan diḵayu we tuttuwa da sana'tta losane timpu we nantuttuduwanni ḵan diḵayu.

2 Corinthians 12:15

Ḵan saḵon, amo lumayadaḵ taḵon ay nu aminoḵ gastuwon pilaḵḵu ya ippun ogon ḵosdoḻḵu ḵan ngaimane awad ḵan saḵon para ḵan diḵayu. Taḵon ay nu ummaḵit ayatyu ḵan saḵon, amoamod ayatḵu ḵan diḵayu.

2 Corinthians 13:10

Siya gapunae insuḻatḵu da annae ibagaḵ si ippunaḵ ḵan diḵayu ta umaliyaḵ ḵad sinat, daḵampun oḵyan aḵ ḵasapuḻane ipailaḵ ḵaḻabbongaḵe innatod Apu Jesus ḵan saḵon si anuppaḵaḵ ḵan diḵayu. Te sa angusaraḵ oḵyan si annae ḵaḻabbongaḵ sa pumigsaan ni pammatiyu, daḵampun aḵ madadailanyu.

2 Corinthians 2:10

Ngaimane pakawanonyu, pakawanoḵ os. Ḵad nu tuttuwae awad ḵasapuḻanae mapakawan, inabusḵu pinakawan si sinagung Kristu ta bumaḻuwanyu,

2 Corinthians 2:4

Te sa sadi ye nanuḻataḵ ḵan diḵayu, lawwelawweng ḵan ansigab somsomoḵḵu woḵ nantodtod luwaḵ. Yaḵon adiḵpun insuḻat sadi ta pioḵe paḻawengon somsomoḵyu yaḵon nanuḻataḵ ta ipaigammuḵ amode ayatḵu ḵan diḵayu.

2 Corinthians 3:3

Ipailayu si antataguyu we diḵayu isun di suḻate inggilin Kristu mipagapu ḵan diḵani. Ḵad daḵampun aḵ lapis inusar ni nangigili yaḵon sa Ispiritun ni matattagu we Apudyus. Ḵad daḵampun aḵ batu nigiliyana yaḵon da pusuyu.

2 Corinthians 4:6

Te aḵ Apudyus nangibaga ḵanane, “Awad oḵyan padda” ta papaddaona anggiḵbot. Siya bos amapadda'tte somsomoḵni ta igammuwonni dayaw ḵan ḵabooḻan Apudyus we maila ḵan Kristu.

2 Corinthians 7:2

Ipailayu oḵyan ayatyu ḵan diḵani. Ippun ḵingwani'ḵ lawweng atta ngaimane tagu, ippun ossaan aḵ dinadailni ḵan ippun ossaan aḵ kinulukni ya ginundawayanni.

Galatians 3:2

Imusoḵ ud anna ḵan diḵayu: Inawatyu ḵamman Ispiritu Santu gapu si nanuttuwaanyu si lintog baḵon nu sa nangngoḻanyu ya namatiyanyu si Ambaḻu we Damag?

Galatians 3:5

Imusoḵ ḵasin ḵan diḵayu, innatod ḵamman Apudyus Ispiritu Santu ya sa angwaana'tta nakaskasdaaw ḵan diḵayu te tinuttuwayu lintog baḵon nu gapu si andongoḻanyu ya amatiyanyu si Ambaḻu we Damag?

Galatians 5:22

Yaḵon sa ugali ye itton ni Ispiritu Santu ḵan ditaḵu ta ambalbaliw taḵu, dida da anna: ayat, layad, lin-awan ni somsomoḵ, anus, bumabbadang, ambaḻu ḵoona'tta asintataguna, mataḻgodan,

Ephesians 3:4

Ḵad nu basaonyu we ustu, igammuwonyu nan-aawatḵu si annae planunae nituttuwa gapu ḵan Kristu.

Ephesians 4:2

Patilayun oḵyane napakumbaba ḵayu, naanus ḵayu ya an-anggom ḵayu'tta buḻunyu we mipagapu si ayat.

Ephesians 4:32

yaḵon an-asianggom ḵayu, an-asibadang ḵayu, an-asiḵadagu ḵayu ḵan an-asipakawan ḵayu we isun ni namakawanan Apudyus ḵan diḵayu gapu ḵan Kristu.

Colossians 2:3

Siya nangigammuwan taḵu'tta losane nililimode laing ya sa somsomoḵ Apudyus.

Colossians 3:12

Gapu ta diḵayu da pinilin Apudyus we taguna ya inay-ayatna, unudonyu oḵyan da sanae ug-ugali: Ḵumadagu ḵayu ya bumadang ḵayu, ipakumbabayu da somsomoḵyu ya somsomḵonyu oḵyan bumaḻuwan da udum ya pasig ḵayu oḵyan naanus.

1 Thessalonians 2:10

Diḵayu ya aḵ Apudyus os anaḵdoḻ atte ugalini ye ambaḻu, naun-unan ya ippun ḵadellawan ni nantataguni si inninggawanni ḵan diḵayu we namati.

1 Timothy 4:12

Adim iyunude potogonda siḵa gapu'tte ḵinaabengnu. Yaḵon iggam ḵabooḻame ambalin aḵ unudon da namati'tte an-uugudnu, sa ambaḻu we antatagum, sa an-aayatnu, sa angogomgomam atte pammatim ya sa ḵinapoḻḵasnu.

1 Timothy 5:2

Da anḵamad-an ḵad, ibelangnu bos didae isun di iniinnam ya da babaḻasang, ibelangnu dida'ḵ isun di sinusunnudnu we ampoḻḵas somsomoḵnu.

2 Timothy 3:10

Yaḵon ḵan siḵa Timothy, igammum da losane mipanggob atte intuttuduḵ, sa ugaliḵ ya sa panggobḵu si annae biyagḵu, sa pammatiḵ, anusḵu ḵan an-aayatḵu'tta buḻunḵu ya sa nangipapattiyaḵe nangunud ḵan Apudyus.

2 Timothy 4:2

Iwaḻagawagnu Ugud Apudyus. Ḵasapuḻane pasigḵa maḵasagana, taḵon ay nu ambaḻu baḵon nu lawwenge timpu. Awisom dida ta amatida ḵan Jesus. Ḵad suppaḵam da angwa'ḵ lawweng ya soḻgagom dida ta ḵoonda ambaḻu ya anusam ose antuttudu.

Titus 2:7

Siḵa ḵad os, pasig oḵyane ambaḻu ugalim ta sa ḵinabaḻum, siya unudon da buḻunnu. Ilam ta sa antuttuduwam, maḻpu si naimpusuwane ḵasomsomḵam. Ḵad sa inome angibaga, mibagay os atta ampatoge ituttudum.

James 3:17

Yaḵon sa ḵinalainge maḻpu'd langit, pasige ambaḻu, allin-awa, an-anggom, adinapun ipatut piona, pasig ḵumadagu, pasig ambaḻu ḵoona, ippun laḵlaḵsigona'tta buḻunna ya adipun ḵapappaila.

1 Peter 1:12

Ḵad impaigammun Apudyus atta profetanae da sanae imbagada, daḵampun aḵ bumaḻuwanda yaḵon sa bumaḻuwanyu. Te sadi bos imbagabagan da nangiwaḻagawag sinsadi si Ambaḻu we Damag ḵan diḵayu mipagapu si Ispiritu Santu we nibuune naḻpu'd langit. Sana da banage taḵon ay da anghel, pionda maawatane ustu.

1 Peter 1:22

Te pummoḻḵas ḵayu we ustu si tummuttuwaanyu gapu si namatiyanyu'tte ḵatuttuwaan, gattoḵe ayatonyu da susunudyu ḵan Kristu we namati. Pun pagapagatupanyu we an-asiayat atta losane somsomoḵyu.

1 John 3:18

Diḵayu we abengḵu, sa inon taḵu we angayat atta asintatagu taḵu, daḵampun oḵyan aḵ abuse ugud yaḵon maḻpu oḵyan atta pusu taḵu ḵad mipaila oḵyan atta gunay taḵu.