2 Corinthians 6:5 - Sa Ugud Apudyus

⁵ Annaya da udume ampaḵaḻamane nilaḵ-amni. Nangampigae naap-aplit ḵani, nibaḻud ḵani, ginulugulun diḵani, maayoayong ḵani'tta ḵoonni, mapuyapuyatan ḵani ḵan mauḻauḻat ḵani.

2 Corinthians 6:5 ပူးပေါင်းရင်းမြစ်များ

Matthew 14:10

woḵ nambuun aḵ ummoy namungtuḻ si uḻun John atte babaḻḻudan.

Matthew 14:3

Imbagan Herod ḵaḵna gapu'tte ḵingwana si awe. Siya nampadoḵma ḵan John woḵ impaibaḻudna te sinuppaḵan John we adimpun ni lintog iyunude asaw-ona'ḵ Herodias we asawan ni sunudnae aḵ Philip.

Matthew 9:15

Impanin Jesus we summongbat woḵ ḵanana, “Andadauy ḵamman da buḻbuḻun ni angasawae laḻaḵi nu awad ḵan dida? Yaḵon sa umali ye aḻgaw nu miyadayu nangasawae laḻaḵi ḵan dida, sadi timpu we allaunda.”

Acts 13:3

Nagangputdapune nallaun ya nalluwaḻu, impatayda da imada ḵan da Barnabas ḵan Saul woḵ imbuunda dida.

Acts 14:19

Yaḵon dummatong sidi da Judyu we naḻpu'd Antioch ya ad Iconium woḵ inawisda da aduadu we tagu ta batubatuwonda'ḵ Paul ya butbutonda si lasin ni siyudad te ḵanandapun nu natoy.

Acts 14:23

Ginangputda ḵad dinutuḵan da angipangpangu'tta losane gimung da namati, nalluwaḻuda ya nallaunda woḵ intaḻgodda dida ḵan Apu we pinatida ta ayyuwanana dida.

Acts 17:5

Yaḵon maapos da Judyu we adipun namati woḵ dinagupda da gugulu'tte lugar we andaḵdaḵngan da adu we tagu ta angguluda inggana'ḵ nagulu da losane umili. Pun ummoyda linnoḵ boḻoy da Jason te singsingtonda da Paul ḵan Silas ta ilawada dida iyoy atte nadagupan da adu we tagu.

Acts 20:31

Pun dadaḵḵagonyu ya sosomḵonyu we sa tuḻun tawone inninggawaḵ ḵan diḵayu, adiḵpun ingginoḵe nangiwaḻagawag ḵan diḵayu si inaḻgaw ḵan nilabi ye maaḻuboy luwaḵ si ayatḵu ḵan ḵadaguḵ ḵan diḵayu.

Acts 23:10

Pun amo dummallu susubogda woḵ naḵimtan kumander te ḵananapun nu an-in-innatanda'ḵ Paul. Pun binilinna da suḻdadu we umoyda aḻan ta itallayda'tte ḵampuda.

Acts 23:35

ḵanan ni gobernor, “Asiḵ siḵa sumaḻyaon nu umali da nangidaḻum ḵan siḵa.” Pun imbilinna'tta suḻdadunae maguwaḻdaan aḵ Paul si boḻoy Ari Herod.

Acts 24:27

Naḻaḵpus ḵad de duwan tawon, nipasani'ḵ Porcius Festus we gobernor ḵan Gobernor Felix. Yaḵon gapu ta piona pas-oman da Judyu, tinenana'ḵ Paul si babaḻḻudan.

Acts 26:10

Pun sadi dam-oḵ ḵingwa'd Jerusalem. Adu da tagun Apudyus we imbaḻudḵu si nangittan da papangat da papadi si ḵaḻabbongan ḵan saḵon. Ḵad nu ḵoddonganda osae tagu'ḵ matoy, iyyunudḵu matoyana.

Acts 26:29

Ḵanan Paul, “Allasu man ḵan anḵamnut, Apu ari ya da losane andodongngoḻ ḵan saḵon sinsadi, ilulluwaḻuḵ ḵan Apudyus we amati ḵayu oḵyan losan ḵan Apu Jesus we isuḵe namati yaḵon adi ḵayu oḵyan miḵama ḵan saḵone baḻud.”

Acts 28:30

Duwan tawon inniinggawan Paul si boḻoye inabangana'd Rome ḵad minangilina da losane ummoy nangila ḵan siya.

Acts 5:18

Pun ummoyda dinoḵmaan da apostol woḵ imbaḻudda dida.

1 Corinthians 15:10

Yaḵon gapu'tte ḵinabaḻun Apudyus ḵan saḵon, binaliwanaḵ atte nambalinaḵ sinsadi, daḵampun aḵ ippun nambanagana. Sa naḵwa, nadaldallu pawotḵu we nanḵewaaḻ nu da udume apostol. Yaḵon daḵampun aḵ ḵingwaḵ da sadi gapu'tte mismu we ḵosdoḻḵu yaḵon gapu'tte ḵinabaḻun Apudyus we anna ḵan saḵon.

1 Corinthians 4:11

Inggana sinsadi, nauḻat ḵan nauwaw ḵani, kurang da silupni ya ampaḵaḻam ḵani ya ippun ustu'ḵ boḻoyni.

1 Corinthians 7:5

Ḵan diḵayu we an-as-asawa, adiyu iyadi ḵaḻabbongan ni asawayu, malaksid nu antuḻaganyu we adiḵayu yan an-adaḻug ta ipapatiyu we alluwaḻu. Ḵad nu maabus aḻgawe alluwaḻuwanyu, an-adaḻug ḵayu bos ta adin Satan diḵayu sulisugon aḵ bumasuḻ te adiḵayupun maḵatupod atta long-agyu.

2 Corinthians 11:27

Nanḵewaḵewaaḻaḵ inggana'ḵ naayoayongaḵ, patilayune mapuyapuyatanaḵ ya nauuḻataḵ te ippun ḵanoḵ ya nauwwauwwawaḵ, naḵumoḵumogaḵ te ippun boḻoy aḵ nasuyopaḵ ya poos da silupḵu.

Ephesians 3:1

Gapu'tte sana, saḵon aḵ Paul we nambalin aḵ baḻud gapu si nanserbiyaḵ ḵan Jesu Kristu para ḵan diḵayu we Gentil, iluwaḻuwaḵ diḵayu.

Philippians 1:13

Pun inigammun da losane suḻdadu we nangguwaḻda si palas ya da losane tagu sinae ippun udum aḵ gapun ni nibaḻudaḵ yaḵon sa anserbiyaḵ ḵan Kristu.

1 Thessalonians 2:9

Susunudḵu ḵan Kristu, aaddi ye adiyupun naliwatan inonni ye pummangog ta adi ḵani ambalin aḵ problema ḵan diḵayu. Aḻgaw ḵan labi ye antuttudu ḵani ya anḵewaaḻ ḵani si inninggawanni sinate nangiwaḻagawag atte Ambaḻu we Damag we naḻpu ḵan Apudyus.

1 Timothy 4:10

Siya gapunae igga taḵu ḵabooḻan taḵu te sadi namnamaon taḵu ḵan Apudyus we matattagu we anagu'tta losane tagu, dallu gay ditaḵu we namati.

2 Timothy 1:8

Pun adiḵa mabaine angipanoḵnoḵ si mipanggob ḵan Apu. Adiḵa bos mabain gapu ḵan saḵone nibaḻud gapu'tte nanserbiyaḵ ḵan siya yaḵon anusam attoman ampaḵaḻamam gapu si angiwaḻagawagan taḵu'tte Ambaḻu we Damag. Attomam te papigsaon Apudyus siḵa.

2 Timothy 2:9

Gapu si nangiwaḻagawagaḵ si annae Ambaḻu we Damag, ampaḵaḻamaḵ ya maḵawadanaḵ sina si annae babaḻḻudane isun di pumappatoy. Yaḵon adipun maḵwae maḵawadan Ugud Apudyus.

2 Timothy 4:5

Yaḵon ḵan siḵa, ḵasapuḻane tupudom long-agnu. Attomam da ampaḵaḻamam. Iggaiggame angiwaḻagawag atte Ambaḻu we Damag ya ummam ḵoon da ḵewaaḻ ni anserbi ḵan Apudyus we sa intaḻgodna ḵan siḵa.

Hebrews 11:36

Da udum, naam-amsewda ya naap-aplitda, naḵawadanda ya nibaḻudda.

Hebrews 13:17

Tuttuwaonyu da angipangpangu ḵan diḵayu ya unudonyu da bilinda te dida angayyuwan ḵan diḵayu ta sissiyae ampigsa pammatiyu te ḵasapuḻane songbatanda ḵan Apudyus nu ḵingwada da ḵewaaḻda. Tuttuwaonyu dida ta maganasandae angwa'tta ḵewaaḻda. Nu adiyu dida tuttuwaon, andadauyda ya naippun ittona'ḵ bumaḻuwanyu.

Hebrews 13:23

Pioḵe ipaigammu ḵan diḵayu we napuḵayan aḵ Timothy ye sunud taḵu ḵan Kristu atte babaḻḻudan. Ḵad nu masapa dumatong, umali ḵani sinat ta inḵani diḵayu gaggaḵayon.

Revelation 2:10

Adi ḵayu maḵimut atte madam-an umali ye ampaḵaḻaman. Impaibaḻud Satan da udum ḵan diḵayu ta mapadas ḵayu ḵad ampaḵaḻamon diḵayu'ḵ simpuḻu we aḻgaw. Yaḵon mataḻgodan ḵayu oḵyane ipapuutyu we amati ḵan saḵon taḵon ay nu siya gapun ni matoyanyu ta ittoḵ ḵan diḵayu koronae siya biyag aḵ inggana.