2 Corinthians 6:16 - Sa Ugud Apudyus

¹⁶ Ḵad maḵwa ḵamman antitimpuyug da templon Apudyus atta sinan-apudyus? Ditaḵu templo we boḻoy Apudyus we iinggawan ni matattagu we Apudyus. Te ḵanan Apudyus, “Iyyaḵ inggaw atta tagu ya iinggawaḵ ḵan dida ya saḵon Apudyusda ya dida da taguḵ.”

2 Corinthians 6:16 ပူးပေါင်းရင်းမြစ်များ

Matthew 16:16

Ḵanan Simon Peter, “Siḵa Kristu we Abeng ni matattagu we Apudyus.”

Matthew 6:24

Pinagatupan Jesus woḵ ḵanana, “Adipun maḵwa'tte sammilu anserbi'tta duwae apu te aaddi ye ay-ayatona osa ya an-awidana osa. Ḵad ipapatinae anserbi si osa ya am-amsewona osa. Ḵad nu ḵatti, adipun maḵwae tuttuwae anserbiḵa ḵan Apudyus nu siya igaw ni somsomoḵnu gamgamam adu we binaḵnang.”

Luke 5:36

Ḵanana bose nangugud ḵan dida si sanae pani, “Naippun tagu'ḵ pissayona baru we luput ta ituḵupna'tte dadaane silup. Te nu ḵoona ḵaḵna, sa baru we luput madadail ya adipun os miyapot atte dadaan.

John 14:23

Ḵanan Jesus we summongbat, “Sa angayat ḵan saḵon tuttuwaona ugudḵu ya ayaton Amaḵ. Ḵad saḵon ya aḵ Amaḵ umali ḵani ya iinggaw ḵani ḵan siya.

John 6:56

Ngaimane angan atte long-agḵu ya anginum atte daḻaḵ, iinggaw ḵan saḵon ya iinggawaḵ os ḵan siya.

Romans 8:11

Sa osa bos, aḵ Apudyus we nanagu ḵasin ḵan Jesu Kristu nu awad ḵan diḵayu Ispirituna, taguwona bos da long-agyu we matoy mipagapu si Ispiritunae iinggaw ḵan diḵayu.

Romans 8:9

Yaḵon ḵan diḵayu, daḵampun ogon si gagangaye pipion ni long-ag angituray ḵan diḵayu yaḵon sa Ispiritu Santu angituray ḵan diḵayu nu tuttuwae siya iinggaw ḵan diḵayu. Ngaimane tagu we naippun Ispiritu Santu we inkarin Jesus, daḵampun aḵ tagun Kristu.

Romans 9:26

“Sa sadi ye lugar we nangibag-aḵe daḵampun aḵ taguḵ diḵayu, sanat os lugar we maawaganda'ḵ abeng ni matattagu we Apudyus.”

1 Corinthians 10:21

Adipun maḵwae maḵainum ḵayu ḵan maḵaḵan ḵayu si angiḵagasmoḵanyu'tte natoyan Apu ya maḵainum ḵayu bos ḵan maḵaḵan ḵayu'tta midatun atta aḻan.

1 Corinthians 6:19

Adiyupun ḵamman igammu we sa long-ag taḵu templon ni Ispiritu Santu we innattod Apudyus aḵ iinggaw ḵan ditaḵu? Daḵampun aḵ ḵuwa taḵu long-ag taḵu te ḵuwan Apudyus,

Ephesians 2:20

Pun maḵwae mipani ḵayu'tte partin ni templo we boḻoy Apudyus we taḵadona. Da apostol ya da profeta we an-uuggudon Apudyus mipanidae nisaadan ni sanae templo ya aḵ Apu Jesu Kristu ḵapatogane batu'tte sanae nisaadana.

Ephesians 3:17

ya iinggaw oḵyan aḵ Kristu atta pusuyu mipagapu si pammatiyu ḵan siya. Ḵodaḵodawoḵ os ta amo lumamut antataguyu we nisaad atte ayat Apudyus,

1 Timothy 3:15

Nu mataḵtaḵaḵ, igammuwom da inon ni antatagun da tagu we nidoga si baḻyan Apudyus. Ditaḵu we namati si matattagu we Apudyus nangitaḻgodana si tuttuwae tuttudu ta ilan taḵu we mituttudu we ustu ya adipun mapasantan.

2 Timothy 1:14

Mipagapu'tte ḵabooḻan ni Ispiritu Santu we iinggaw ḵan ditaḵu, ayyuwaname ustu ampatoge tuttudu we intaḻgod Apudyus ḵan siḵa.

Hebrews 3:6

Yaḵon aḵ Jesu Kristu, mataḻgodane Abeng we angayyuwan atta tagun Apudyus. Ḵad ditaḵu da tagun Apudyus nu pagatupan taḵu tuḻod taḵu ḵan sissiyae antaḻgod taḵu si namnama taḵu ḵan Kristu.

Hebrews 8:10

Annaya baru we tuḻagḵu'tta ganaḵ Israel si umali ye aḻgaw, imuḻaḵ lintogḵu'tta somsomoḵda ya igiliḵ atta pusuda. Ḵad saḵon Apudyusda ya dida bos da taguḵ.

James 4:5

Adiyu oḵyan ḵanane ippun patog ni nigili ye Ugud Apudyus we ḵanana: Angimun aḵ Apudyus ḵad adinapun pione awad ḵapuḻpuḻos ni Ispiritu we imbuunnae iinggaw ḵan ditaḵu.

1 Peter 2:5

Gapu si umadaniyanyu ḵan Jesu Kristu, mipani ḵayu bos si matattagu we batu we mausar si antaḵadan atte boḻoye ḵuwan Apudyus aḵ anserbiyanyu we papadi ye nitotoḵḵon para ḵan siya ya idatunyu da datun para ḵan siyae abuse mas-omana mipagapu ḵan Jesu Kristu.

1 John 4:12

Ippun paat tagu'ḵ nangila ḵan Apudyus. Yaḵon nu an-asiayat taḵu, iinggaw aḵ Apudyus ḵan ditaḵu ḵad maila si biyag taḵu ayat Apudyus we naippun kurangna.

1 John 4:15

Ḵad ngaimane amigbig we aḵ Jesus Abeng Apudyus, iinggaw ḵan Apudyus ya iinggaw os aḵ Apudyus ḵan siya.

Revelation 2:1

Ḵanana, “Annaya isuḻatnu'tte anghel we angayyuwan atta namati ye magimugimung ad Ephesus, ‘Saḵon aangdon atta pitu we bituwon atte madawinane imaḵ ya anadtaddaḻan si gawan da pitu we buḻawane sasap-aḻan da silaw. Annaya ibagaḵ ḵan diḵayu.

Revelation 21:3

Pun inggaw andangsoḻe gingae dingngoḻḵu we naḻpu'tte trono we ḵanana, “Andiya miḵamboḻoyan Apudyus atta tagu ḵad bigbigonae taguna dida ya bigbigon os da tagu we anna ḵan dida Apudyusda.

Revelation 21:7

Sa tagu ḵade oḻgona lawweng, allaḵsunna da anna losan. Bigbigona saḵon aḵ Apudyusna ya bigbigoḵ ose abengḵu.