2 Corinthians 6:14 - Sa Ugud Apudyus

¹⁴ Ḵan ditaḵu we namati, adi taḵu oḵyan mitipun atta daḵampun aḵ namati te adipun maḵwae antipun naun-unan ḵan lawweng. Maḵwa ḵamman antipun padda ḵan giḵbot?

2 Corinthians 6:14 ပူးပေါင်းရင်းမြစ်များ

John 7:7

Te ippun lasun da tagu we adipun namati ye sumasanga ḵan diḵayu yaḵon sasangngaanda saḵon te panoḵnoḵaḵe lawweng da ḵoḵoḵḵonda.

Acts 4:23

Napuḵayan ḵad da Peter ḵan John, ummoyda'tta buḻundae namati woḵ imbagada ḵan dida da losane imbagan da papangat da papadi ya da pallakayon da Judyu.

1 Corinthians 10:21

Adipun maḵwae maḵainum ḵayu ḵan maḵaḵan ḵayu si angiḵagasmoḵanyu'tte natoyan Apu ya maḵainum ḵayu bos ḵan maḵaḵan ḵayu'tta midatun atta aḻan.

1 Corinthians 15:33

Yaḵon adi ḵayu maallelaw atta ḵassadi te tinutuli. Ḵad tuttuwa ḵanandae, “Nu maḵabuḻbuḻun taḵu'tta tagu, maalisan taḵu'tta maḵadadaile ugalida.”

1 Corinthians 5:9

Sa osae suḻatḵu ḵan diḵayu, imbagaḵe adi ḵayu maḵabuḻbuḻun atta tagu we adaḻugonda da daḵampun aḵ asawada.

1 Corinthians 6:6

Yaḵon ngaipayu umoy idaḻum atta daḵampun aḵ namati sunudyu ḵan Kristu ta dida angilintog ḵan diḵayu?

1 Corinthians 7:39

Sa bubai, adipun maḵwa idangana asawana ya ḵasin angasawa nu sissiyae matattagu asawana. Yaḵon nu matoy asawana, nawayae angasawa si piona. Yaḵon ḵasapuḻane siya asaw-ona namati ḵan Apu.

Philippians 2:15

ta naippun idellawda ḵan diḵayu we abeng Apudyus ya ambaḻu da losane ugaliyu. Te taḵon ay nu maḵaigaw ḵayu'tta lawweng ya ḵabasbassuḻane tagu si annae lubung, naippun oḵyan angkuranganyu ta miyisu ḵayu'tta bituwone lumanglangḻang silawda'tte labi.

James 4:4

Diḵayu we adipun mataḻgodan da pammatiyu ḵan Apudyus. Adiyupun ḵamman igammu we nu siya ayatonyu da gangganason da tagu we adipun amati, ḵabusuḻ diḵayu ḵan Apudyus? Pun ngaimane angunud atta ugali ye misullagi'tta pinion Apudyus, ambalinona long-agna'ḵ ḵabusuḻ Apudyus.