2 Corinthians 6:13 - Sa Ugud Apudyus

¹³ Pun annae maḵaug-uggudaḵ ḵan diḵayu we isun di inaabbengḵu ḵad ipailayu ḵappos ayatyu ḵan diḵani ye isun ni ayatni ḵan diḵayu.

2 Corinthians 6:13 ပူးပေါင်းရင်းမြစ်များ

Mark 11:24

Pun ngaimane ḵodawonyu ḵan Apudyus, aaddi ye ittona nu patiyonyu.

Galatians 4:12

Susunudḵu ḵan Kristu, anusanyu ḵappos unudon saḵon te nambalinaḵ aḵ isuyu we Gentil we napuḵayan si lintog Moses. Ḵad ambaḻu nangwayu ḵan saḵon atte awe.

Galatians 4:19

Gapu ḵan diḵayu ay-ayatoḵe aabeng, ampaḵaḻamaḵ ose isun ni inae anggumut inggana'ḵ awad ḵan diḵayu ugalin Kristu.

1 Thessalonians 2:11

Te inigammuyu we binadanganni sin-ossaossa ḵan diḵayu we isun ni ambabadang ni ama'tta abengna.

1 John 2:1

Diḵayu we abengḵu, nanuḻataḵ ḵan diḵayu ta adi ḵayu bumasuḻ. Yaḵon nu awad bumasuḻ, awad de angiyugud ḵan ditaḵu ḵan Apudyus we Ama, siya'ḵ Jesu Kristu we naun-unan.

1 John 3:18

Diḵayu we abengḵu, sa inon taḵu we angayat atta asintatagu taḵu, daḵampun oḵyan aḵ abuse ugud yaḵon maḻpu oḵyan atta pusu taḵu ḵad mipaila oḵyan atta gunay taḵu.

1 John 3:7

Aabengḵu, ummanyu ta adi ḵayu paallelaw. Ngaimane amagapagatupe angwa'tta maun-unan, sanat tagu we naun-unane isun Kristu.

3 John 1:4

Naippun udum aḵ amo nabaḻbaḻu'ḵ allaylaydaḵ yaḵon sa nangngoḻaḵe da abengḵu unudonda ḵatuttuwaan.