2 Corinthians 6:11 - Sa Ugud Apudyus

¹¹ Diḵayu we susunudni'd Corinth, ippun adini imbaga ḵan diḵayu. Imbagani da losane awad si somsomoḵni ya naippun insilibni ḵan diḵayu. Amod de ayatni ḵan diḵayu.

2 Corinthians 6:11 ပူးပေါင်းရင်းမြစ်များ

Acts 18:1

Nagangput ḵad, tinenan Paul ad Athens woḵ ummoy ad Corinth.

Acts 18:8

Inggaw aḵ Crispus we pangat atte sinagoga ya namatida losan da ḵabaḻyanna ḵan Apu Jesus. Adu bos da iCorinth we namati si dingngoḻda iwwaḻagawag Paul woḵ nampabonyagda.

2 Corinthians 12:15

Ḵan saḵon, amo lumayadaḵ taḵon ay nu aminoḵ gastuwon pilaḵḵu ya ippun ogon ḵosdoḻḵu ḵan ngaimane awad ḵan saḵon para ḵan diḵayu. Taḵon ay nu ummaḵit ayatyu ḵan saḵon, amoamod ayatḵu ḵan diḵayu.

2 Corinthians 2:4

Te sa sadi ye nanuḻataḵ ḵan diḵayu, lawwelawweng ḵan ansigab somsomoḵḵu woḵ nantodtod luwaḵ. Yaḵon adiḵpun insuḻat sadi ta pioḵe paḻawengon somsomoḵyu yaḵon nanuḻataḵ ta ipaigammuḵ amode ayatḵu ḵan diḵayu.

Galatians 3:1

Nadongdong-ogan ḵayu we iGalatia! Ngai ḵad ain da nangallelaw ḵan diḵayu? Nalawag ḵad ose nipaila ḵan diḵayu we nipattoḻ aḵ Jesu Kristu atte kros!

Galatians 4:12

Susunudḵu ḵan Kristu, anusanyu ḵappos unudon saḵon te nambalinaḵ aḵ isuyu we Gentil we napuḵayan si lintog Moses. Ḵad ambaḻu nangwayu ḵan saḵon atte awe.

Ephesians 6:19

Iluwaḻuwanaḵ ud os ta ituttudun Apudyus da ustu we ibagaḵ nu isaḻadḵu we an-ugud ya tumuḻodaḵe angipaigammu si Ambaḻu we Damag we adipun nipaigammu si awe.

Ephesians 6:8

Te igammuyu we gungunaan Apu da losane tagu'tta ambaḻu we ḵoonda taḵon ay nu musassu baḵon nu daḵampun.

Philippians 1:8

Igammun Apudyus ummamdane ayuḵ ḵan diḵayu te ay-ayatoḵ diḵayu we isun ni an-aayat Jesu Kristu ḵan diḵayu.

Philippians 4:15

Diḵayu we iPhilippi, igammuyu we sa damun ni nangiwaḻagawagaḵ si Ambaḻu we Damag ḵan diḵayu si naḻpuwaḵ ad Macedonia, ippun udum atta namati ye magimugimung aḵ bummadang ḵan saḵon yaḵon abus ḵayu. Ḵad nambalin ḵayu'ḵ buḻunḵu we anserbi ḵan Kristu te nangitoitod ḵayu ḵan saḵon.

Revelation 22:12

Ḵanan Jesus, “Dongngonyu anna. Madam-an umaliyaḵ. Ḵad nu umaliyaḵ, idatongḵu gungunae ittoḵ si sin-ossaossae sigun atta ḵingwana.