2 Corinthians 6:10 - Sa Ugud Apudyus

¹⁰ Taḵon ay andadauy ḵani, pasig ḵani bos allaylayad. Ḵapus ḵani yaḵon mipagapu'tte tuttuduni adu da bummaḵnang atta naispirituwane banage itton Apudyus. Naippun ḵuḵuwani yaḵon ḵuwani da losan gapu'tte pammatini ḵan Apudyus.

2 Corinthians 6:10 ပူးပေါင်းရင်းမြစ်များ

Matthew 5:12

Amo allaylayad ḵayu te daḵodaḵoḻ gungunayu'd langit. Te da sadi ye ḵoonda iissuna da ḵingwan da tagu we namaḵapaḵaḻam atta profeta si awe.”

Matthew 5:4

Pian da andadauy te liwliwaon Apudyus dida.

Luke 6:21

Pian ḵayu we mauuḻat sinsadi, te mamassug ḵayu. Pian ḵayu we umibiibil sinsadi, te lumayad ḵayu.

John 16:22

Pun isuna bos ḵan diḵayu te andadauy ḵayu sinsadi. Yaḵon sa umali ye aḻgaw, an-asiila taḵu ḵasin ḵad anggangganas ḵayu ya naippun ḵallamog angaan atte layadyu.

Acts 16:25

Anna ḵade gumawallabi, nalluluwaḻu ḵan nanḵanḵanta da Paul ḵan Silas we andaydayaw ḵan Apudyus. Pun nandodongngoḻ da buḻundae baḻud ḵan dida.

Acts 3:6

Yaḵon ḵanan Peter, “Ippun pulus pilaḵḵu yaḵon sa awad ḵan saḵon, siya ittoḵ. Mipagapu'tte ḵabooḻan Jesu Kristu we iNazareth, anaddaḻanḵa.”

Acts 5:41

Tinenan ḵad da apostol da ḵuḵunsisaḻ, amod de layadda te imbelang Apudyus didae labbongdae mapaḵaḻam ḵan mibabbain gapu ḵan Jesus.

Romans 11:12

Nu sa sadi ye naḵabasuḻan da Judyu nambalin aḵ bummaḻuwan da losane tagu si annae lubung, amo simbumaḻu da tagu nu losan da Judyu mibelang aḵ tagun Apudyus.

Romans 12:15

Maḵalaylayad ḵayu'tta allaylayad ya maḵadomdom ḵayu'tta andomdom.

Romans 15:13

Iluwaḻuḵ ḵan Apudyus we maḻpuwan ni namnama taḵu ta ittona ḵan diḵayu amode layad ḵan lin-awan da somsomoḵyu gapu si namatiyanyu ta pumigsa namnamayu mipagapu si ḵabooḻan ni Ispiritu Santu.

Romans 8:32

Gapu ta adipun aḵ Apudyus nagagae nangidatun si os-ossaane abengna para ḵan ditaḵu losan, adinapun ḵamman os itton da losane ḵasapuḻan taḵu gapu si ḵinabaḻuna?

Romans 9:2

Ansigab somsomoḵḵu gapu'tta susunude ganaḵ Israel ya adiyaḵpun maḵaḵasḵasmoḵ.

1 Corinthians 1:5

Te sa niyossaananyu ḵan Jesu Kristu, naatod ḵan diḵayu da ampapatoge bindisyune midoga ḵabooḻanyu we an-ugud ya da losane igammuyu.

2 Corinthians 2:4

Te sa sadi ye nanuḻataḵ ḵan diḵayu, lawwelawweng ḵan ansigab somsomoḵḵu woḵ nantodtod luwaḵ. Yaḵon adiḵpun insuḻat sadi ta pioḵe paḻawengon somsomoḵyu yaḵon nanuḻataḵ ta ipaigammuḵ amode ayatḵu ḵan diḵayu.

2 Corinthians 4:15

Te losan da sanae ampaḵaḻamanni, para'tte bumaḻuwanyu ta umadu da tagu we angipadas atte ḵinabaḻun Apudyus. Te nu umaduaduda, umadu bos da anggappiya ḵan Apudyus ya sadi madayawana.

2 Corinthians 4:7

Yaḵon diḵani ye angituttudu si Ambaḻu we Damag, isuni bangae ippun patognae napnu'tta ampapatoge ḵinabaḵnang ta mipail-an ni ḵabooḻane ippun miyisuwanae naḻpu ḵan Apudyus we daḵampun aḵ naḻpu ḵan diḵani.

2 Corinthians 8:9

Te igammuyu ḵinabaḻun Apu taḵu we Jesu Kristu we taḵon ay nu baḵnang ad langit, nambalin aḵ ḵapus gapu ḵan ditaḵu ta mipagapu si ḵumapusana sadi bumaḵnangan taḵu.

Ephesians 3:16

Ḵad ḵodawoḵ ḵan siya ta mipagapu'tte ḵabooḻan ni Ispirituna we anna'tta pusuyu, pumigsa oḵyan somsomoḵyu we mibatay si ḵinabaḵnang ni ḵinaapudyusnae ippun miyisuwana,

Ephesians 3:8

Taḵon ay nu saḵon ḵababaan atta losane tagun Apudyus, impailana ḵinabaḻuna si nangittana ḵan saḵon atte gundawaye angipaigammu ḵan diḵayu we Gentil atte ippun miyisuwanae bindisyune awad ḵan Kristu.

Philippians 2:17

Ḵad gapu ta madam-an angongatanda ḵan saḵon, allaylayadaḵ taḵon ay nu ḵasapuḻane mibuḵbuḵ daḻaḵe midoga si datune midatun gapu si pammatiyu ḵan Apudyus. Pun maḵagangganasaḵ ḵan diḵayu losan.

Philippians 4:4

Ḵasapuḻane pasig ḵayu oḵyan allaylayad gapu si niyossaananyu ḵan Apu. Ipigwaḵ ibagae allaylayad ḵayu oḵyan.

Colossians 1:24

Sinsadi allaylayadaḵ atta ampaḵaḻamaḵ te igammuḵe bumaḻuwanyu te da sanae ampaḵaḻamaḵ dogan ni ampaḵaḻamane nilaḵ-am Kristu para'tta losane namati ye isun di long-agna.

Colossians 3:16

Ḵad pasigyu oḵyan isisimoḵ mipanggob atta tuttudun Kristu. An-asituttudu ya an-asibagbaga ḵayu we usaronyu da losane ḵinalainge innatodna. Ḵantaonyu da ḵantae naḻpu'tta de Psalm, sa udume nigili'tte Ugud Apudyus ya da udume ḵantan da namati ye andayaw ḵan Apudyus ḵad pasig oḵyane anggappiya ḵayu ḵan Apudyus atta somsomoḵyu.

1 Thessalonians 1:6

Ḵad nambalin ḵayu'ḵ angunud ḵan diḵani ya aḵ Apu. Te taḵon ay nu amod de nampaḵaḻamanyu, sillalaylayad ḵayu we nangawat si Ugud Apudyus te innattod ni Ispiritu Santu laylayadyu.

1 Thessalonians 5:16

Pasig ḵayu oḵyan allaylayad,

1 Timothy 4:8

Awad de patogna nu paḵosdoḻon taḵu da long-ag taḵu we angwa'tta ḵoon taḵu. Yaḵon simbumaḻu nu paḵosdoḻon taḵu naapudyusane biyag te sadi gattoḵe naḻpuwan ni maganab taḵu si biyag taḵu sinsadi ya nu awad taḵu pos pagay ad langit.

1 Timothy 6:18

Bilinom os dida ta ḵoonda da adu we ambaḻu we banag ta da adu we ambaḻu we ḵoonda isudan tuttuwae binaḵnang. Allaayda oḵyan ya ibillayanda da buḻunda.

Hebrews 10:34

Te ḵinadaguwanyu da buḻunyu we nibabaḻud. Ḵad taḵon ay nu sinamsamda da ḵuḵuwayu, inan-anusanyu ginangganas te mismu we igammuyu we awad de nabaḻbaḻu ya annanayune ḵuḵuwayu'd langit.

James 2:5

Andongoḻ ḵayu ay-ayatoḵe susunud ḵan Kristu. Daḵampun ḵamman ḵan Apudyus namili'tta ḵapus si annae lubung aḵ bumaḵnang si pammati ya gangganasonda da laḵsunda si midog-anda si ampangatan Apudyus we inkarina'tta angay-ayat ḵan siya?

1 Peter 4:13

Yaḵon allaylayad ḵayu oḵyan nu ampaḵaḻam ḵayu we isun ni ampaḵaḻaman Kristu ta amod de layadyu si mipail-an ni sumilisilinge ḵinaapudyusna.

Revelation 2:9

Igammuḵe nampaḵaḻam ḵayu ya ḵapus ḵayu yaḵon sa ḵatuttuwaan, baḵnang ḵayu! Igammuḵ ose awad da Judyu we anginsultu ḵan diḵayu yaḵon daḵandapun aḵ tagun Apudyus nu adi dida da tagun Satan.

Revelation 21:7

Sa tagu ḵade oḻgona lawweng, allaḵsunna da anna losan. Bigbigona saḵon aḵ Apudyusna ya bigbigoḵ ose abengḵu.