2 Corinthians 5:15 - Sa Ugud Apudyus

¹⁵ Natoy aḵ para'tta losane tagu ta da matattagu adidapun ogon ḵoon pipion ni long-agda yaḵon sa pinion Kristu we natoy woḵ natagu ḵasin para ḵan dida.

2 Corinthians 5:15 ပူးပေါင်းရင်းမြစ်များ

Luke 1:74

ta iligsina ditaḵu'tta ḵabusuḻ taḵu, ta anserbi taḵu ḵan siyae ippun ḵimut.

John 5:24

“Ibagaḵ ḵan diḵayu ḵatuttuwaan, ngaimane amati'tta ugudḵu ya amati'tte nangibuun ḵan saḵon, awad ḵan siya biyag aḵ inggana. Adipun ogon maḵuwis te illasatna dusa woḵ awad ḵan siya biyag aḵ inggana.

John 6:57

Aḵ Amaḵ we naḻpuwan ni biyag, imbuunaḵ woḵ nataguwaḵ gapu ḵan siya. Pun sadi isun ni angan atte long-agḵu, matagu bos gapu ḵan saḵon.

Romans 12:1

Pun susunud ḵan Kristu, ḵodawoḵ ḵan diḵayu we gapu'tte ḵadagun Apudyus idatunyu da long-agyu ḵan siya'ḵ matattagu we datun ya mitotoḵḵon ḵan Apudyus ya mas-omana. Sana ustu we inonyu we andayaw ḵan siya.

Romans 4:25

Impuḻang Apudyus aḵ matoy aḵ Jesus ta bayad da basuḻ taḵu ya tinaguna ta ibelang Apudyus ditaḵu'ḵ naun-unan.

Romans 6:2

Adipun maḵwa! Te naabuse natoy taḵu mipanggob atte basuḻ, ngai inonae sissiya taḵu we bumasubasuḻ?

Romans 6:6

Igammu taḵu we sa dadaane ḵinatatagu taḵu nidoga nipattoḻ atte kros ta madadail amaamay taḵu we angwa'ḵ basuḻ ḵad daḵantaḵupun ogon aḵ ammusassun ni basuḻ.

Romans 8:10

Yaḵon nu aḵ Kristu awad ḵan diḵayu, taḵon ay matoy ḵayu te sa ḵatoy dusan ni basuḻ, sa Ispiritu Santu angitod si biyag aḵ inggana te siya nangwa si naun-unanyu.

Romans 8:2

Gapu si niyossaanan taḵu ḵan Jesu Kristu, anturay Ispiritu Santu ḵan ditaḵu ya innatodna baru we biyag ḵan ditaḵu ya pinuḵayan ditaḵu'tte ḵabooḻan ni basuḻ ḵan ḵatoy.

Romans 8:6

Nu siya abus aḵ sosomḵon ni tagu da pion ni long-agna, ambanag atte matoyana. Yaḵon nu siya isisimoḵna mipanggob atte Ispiritu Santu, matagu ḵan malin-awaan aḵ inggana.

1 Corinthians 10:33

Unudonyu saḵone pasigḵu ibagabagay biyagḵu'tta losane tagu. Te sa singsingtoḵ, daḵampun aḵ bumaḻuwaḵ yaḵon sa bumaḻuwan da adu ta mataguda.

2 Corinthians 12:10

Gapu ḵan Kristu, mat-opaḵ atta ḵinaḵuyaḵ, nan-ugudanda saḵon aḵ lawweng, ampaḵaḻamaḵ, ampaḵaḻamonaḵ ya napadasḵu da udume ḵaog-ogyate naḵwa. Te nu ḵumuyaaḵ, amo paḵosdoḻon Kristu saḵon.

2 Corinthians 3:6

we siya nangitod atte ḵabooḻanni ye angituttudu si mipanggob atte Baru we Tuḻag Apudyus atta tagu. Ḵad sa sadi ye Baru we Tuḻagna, daḵampun aḵ mibatay si nigili ye lintog nu adi mibatay si ḵewaaḻ ni Ispiritu Santu. Sa ambanagan ni nigili ye lintog, ḵatoy aḵ inggainggana. Yaḵon sa Ispiritu Santu angitod si biyag aḵ inggana.

2 Corinthians 5:16

Pun inggana sinsadi, adinipun bigbigon ngaimane tagu we ambatay si nainlubungane ḵasomsomḵan. Taḵon ay nu ḵatti inonni ye namigbig ḵan Kristu si awe, adinipun ogon ḵoon sinsana.

Galatians 5:25

Pun gapu ta naḻpu si Ispiritu Santu baru we biyag taḵu, ḵasapuḻan ose siya angidaḻan ḵan ditaḵu.

Ephesians 4:17

Pun gapu si ḵaḻabbongane innatod Apu ḵan saḵon, ipatutḵu we adi taḵu oḵyan mabiyage isun da tagu we adipun amati ḵan Apudyus te ippun anun da somsomoḵda.

Ephesians 5:14

Ḵad pumadda da losan nu nasilawanda. Sadi piona ḵanan atte nigili ye Ugud Apudyus we ḵanana, “Bumangonḵae masusuyop, mataguḵae natoy, ta silawan Kristu somsomoḵnu.”

Colossians 2:12

Te sa nabonyaganyu, isuyun nidoga nilibon ḵan Kristu. Ḵad mipagapu'tta pammatiyu'tte ḵabooḻan Apudyus we nanagu ḵan siya si natoyana, isun di nidoga ḵayu ḵan siya si ummuliyana.

Colossians 3:1

Gapu ta nidoga ḵayu si ummuliyan Kristu, singtonyu da banage awad ad langit si igaw Kristu we tutuḵdu si madawinan Apudyus we maḵapangat ḵan siya.

Colossians 3:17

Ngaimane ḵoonyu ḵan ugudonyu, ḵoonyu mipagapu si ngadan Apu Jesus ḵad anggappiya ḵayu ḵan Apudyus we Ama mipagapu ḵan siya.

Colossians 3:23

Ngaimane ḵoonyu, iggayu ḵabooḻanyu we angwae isun di aḵ Apu anserbiyanyu we daḵampun atta tagu.

1 Thessalonians 5:10

we siya natoy para ḵan ditaḵu ta taḵon ay nu natoy taḵu baḵon nu matattagu taḵu si umaliyana, midoga taḵu matagu ḵan siya'ḵ inggana.

Titus 2:14

Siya nangitod si long-agna'ḵ matoy para ḵan ditaḵu ta mapuḵayan taḵu'tta losane ḵabooḻan ni basuḻ ya papoḻḵasona ditaḵu'tta basuḻ taḵu aḵ mitotoḵḵone tagunae sillalaylayade angwa'tta ambaḻu.

1 Peter 4:6

Sadi gapunae da tagu we naabus natoy, niwaḻagawag Ambaḻu we Damag ḵan dida ta taḵon ay nu maḵuwisdae isun da losane tagu, mataguda si naispirituwane biyage isun Apudyus.

1 John 4:9

Ḵad sa inon Apudyus we nangipaila si ayatna ḵan ditaḵu, imbuunna ossaane Abengna atte annae lubung ta maḵwae awaton taḵu biyag aḵ inggana gapu ḵan siya.

Revelation 1:18

ya saḵon matattagu. Natoyaḵ yaḵon ilam ḵad saḵon, matataguwaḵ aḵ inggana. Saḵon os asi ḵigad atte ḵatoy ya anna ḵan saḵon tuḻbiḵe amuḵat ad Hades we igaw da natoy.