2 Corinthians 5:13 - Sa Ugud Apudyus

¹³ Taḵon ay nu ḵanan da tagu we natingang ḵani, sinnamaḻna te para ḵan Apudyus da ḵoonni. Yaḵon nu ḵanandae nanggodong somsomoḵni, igammuyu we para si bumaḻuwanyu.

2 Corinthians 5:13 ပူးပေါင်းရင်းမြစ်များ

Mark 3:21

Dingngoḻ ḵad da ḵabaḻyanna, ummoyda ta itallayda te sa ḵanan da udum natingang.

Romans 12:3

Sinsadi, gapu ta innatod Apudyus ḵaḻabbongaḵe an-apostol gapu'tte ḵinabaḻuna, bagbagaaḵ sin-ossaossa ḵan diḵayu ta adiyu somsomḵone nangatu long-agyu yaḵon ḵasapuḻane usigon ni sin-ossaossa long-agna mibatay si pammatinae innatod Apudyus.

2 Corinthians 11:1

Anggappiyaaḵ nu anusanyu oḵyan dongngon annae ibagaḵ ḵan diḵayu taḵon ay nu isuḵ nin nadongdong-ogan. Pun pagatupaḵe an-ugud.

2 Corinthians 12:11

Isuḵ nin nadong-og gapu'tta sanae inugudḵu si mipanggob atte long-agḵu. Yaḵon diḵayu nangipatut ḵan saḵon te diḵayu oḵyan angitaḵdog ḵan saḵon. Taḵon ay nu ippun patogḵu, daḵampun aḵ nababbabaaḵ nu da ngannonda ḵangatuwane apostol sinat.

2 Corinthians 12:6

Yaḵon nu pioḵe angiyisḵaḻ si long-agḵu, daḵanaḵpun aḵ nadongdong-ogan te ḵatuttuwaan da ibagaḵ. Yaḵon adiḵpun iyisḵaḻ da nipaila ḵan saḵon ta adin da tagu ḵanane nangatuwaḵ gapu'tta innilaḵ. Te pioḵe sa ḵasomsomḵanda ḵan saḵon mibatay atta ḵingwaḵ ḵan imbagaḵe intotollongda ya dingngoḻdae mismu.

2 Corinthians 7:12

Pun taḵon ay nu nanuḻataḵ ḵan diḵayu, daḵampun aḵ gapu'tte nangwa'ḵ basuḻ baḵon nu gapu'tte tagu we naḵabasuḻana. Yaḵon nanuḻataḵ ta ipaḵaawatḵu ḵan diḵayu si sinagung Apudyus nu tuttuwae ipatogyu diḵani ḵan pionyu we unudon diḵani.

Colossians 1:24

Sinsadi allaylayadaḵ atta ampaḵaḻamaḵ te igammuḵe bumaḻuwanyu te da sanae ampaḵaḻamaḵ dogan ni ampaḵaḻamane nilaḵ-am Kristu para'tta losane namati ye isun di long-agna.

1 Thessalonians 1:5

Te indatongni ḵad ḵan diḵayu Ambaḻu we Damag, daḵampun aḵ abuse ugud yaḵon nidoga bos ḵabooḻan ni Ispiritu Santu ḵan napanoḵnoḵane ḵatuttuwaan Ugud Apudyus. Igammuyu bos nantataguni si inninggawanni ḵan diḵayu sinat ḵan inonni ye bummadang ḵan diḵayu sinat.

2 Timothy 2:10

Pun attomaḵ da losane ampaḵaḻamaḵ gapu'tta pinilin Apudyus we tagu ta mataguda gapu'tte niyossaananda ḵan Jesu Kristu ya midogada si ḵabaḻuwane antatagu ḵan Apudyus ad langite ippun anungusna.