2 Corinthians 5:10 - Sa Ugud Apudyus

¹⁰ Te ḵasapuḻane losan taḵu sumangu ḵan Kristu we maḵuwis ta sa sin-ossaossa ḵan ditaḵu, awatona gungunae maatod ḵan siya sigun atte ḵingwana si natattaguwana, ambaḻu man baḵon nu lawweng.

2 Corinthians 5:10 ပူးပေါင်းရင်းမြစ်များ

Matthew 16:27

Te sa Abeng Di Tagu, umali ye buḻunna da anghelna ḵad ipailana bos dayaw Amana. Ḵad gungunaana sin-ossae tagu sigun atta ḵingwada.

Acts 10:42

Binilinna diḵani ye iwaḻagawagni Ambaḻu we Damag mipanggob ḵan siya ya taḵdoḻanni ye siya dinutuḵan Apudyus aḵ anguwis atta matattagu ya da natoy.

Acts 17:31

Te inḵoddongna aḻgawe anguwisana'tta losane tagu si lubung. Dinutuḵana'ḵ Jesus we naun-unane anḵuwis woḵ pinanoḵnoḵanae siya dinutuḵana si nanaguwana ḵan siya.”

Romans 2:16

Pun sigun si annae Ambaḻu we Damag we iwwaḻagawagḵu, ḵaḵna maḵwa si aḻgawe anguwisan Apudyus mipagapu ḵan Jesu Kristu atta losane somsomoḵ da tagu ya da ḵingwadae nitataḻu.

Romans 6:19

An-ugudaḵ atte allasu we maawatan da tagu we daampun aḵ maangsan. Sa awe, iyyunudyu da long-agyu'ḵ nammusassu'tta angwaanyu'tta ngaimane lawweng ḵan maḵabasuḻanyu'ḵ amod. Pun sinsana, iyunudyu da long-agyu'ḵ ammusassu we angwa'tta naun-unan ta mitotoḵḵon ḵayu'ḵ taguna ta bumaḻu ugaliyu.

1 Corinthians 4:5

Pun adiyu ḵuwison da asintataguyu'tte daampun timpuna. Uwayonyu ustu we timpu we dumaḵngan Apu ta siya anḵuwis. Te siya angitoḵwaḻ atta losane mitataḻu ya siya bos angipaigammu si panggob da pusuda. Sanat timpu we asin Apudyus padayawan tagu sigun atta ambaḻu we ḵingwana.

2 Corinthians 7:3

Daḵampun aḵ imbagaḵ anna'ḵ pabasuḻoḵ diḵayu te tuttuwa sadi ye imbagaḵe ay-ayatonni diḵayu. Pun matagu taḵu man baḵon nu matoy taḵu, adipun paat maḵaan ayatni ḵan diḵayu.

Ephesians 6:8

Te igammuyu we gungunaan Apu da losane tagu'tta ambaḻu we ḵoonda taḵon ay nu musassu baḵon nu daḵampun.

Hebrews 9:27

Niḵoddonge amingsan tagu matoy, magangput ḵad, maḵuwis ḵan Apudyus.

1 Peter 4:5

Yaḵon songbatanda ḵan Apudyus we naḵasaganae anguwis atta losane tagu we matattagu ya da natoy.

Revelation 2:23

Gongatoḵ os da angunud ḵan siya. Ḵad siya angigammuwan da losane gimung da namati ḵan saḵone tuttuwae angigammu'tte awad atta somsomoḵ ḵan pusun da tagu. Ḵad gungunaaḵ sin-ossaossa ḵan diḵayu sigun atta ḵingwayu.

Revelation 22:12

Ḵanan Jesus, “Dongngonyu anna. Madam-an umaliyaḵ. Ḵad nu umaliyaḵ, idatongḵu gungunae ittoḵ si sin-ossaossae sigun atta ḵingwana.