2 Corinthians 5:1 - Sa Ugud Apudyus

¹ Pun igammu taḵu we taḵon ay nu matoy long-ag taḵu we isun ni boḻoy taḵu'd lutae madadail, awad de boḻoye maatod ḵan ditaḵu'd langite sa baru we long-age itton Apudyus. Daḵampun aḵ ḵingwan di tagu te ḵingwan Apudyus we mismu ya ippun patinggana.

2 Corinthians 5:1 ပူးပေါင်းရင်းမြစ်များ

Mark 14:58

“Dingngoḻni inugudnae dadailona annae templo we ḵingwan da tagu ya taḵadona si unog di tuḻun aḻgaw osae templo we daḵampun aḵ tagu anaḵad.”

Acts 7:48

“Yaḵon aḵ Apudyus we Ḵangatuwan, daḵampun aḵ inggaw atte boḻoye tinaḵad di tagu te sa ḵanan ni profeta,

1 Corinthians 3:9

Te diḵani ḵan Apollos an-asibadang ḵani ye angwa'tta paḵwan Apudyus. Ḵad diḵayu isun di payawe ḵewaaḻonni. Ipaniḵ os diḵayu si boḻoye taḵadon Apudyus.

2 Corinthians 4:7

Yaḵon diḵani ye angituttudu si Ambaḻu we Damag, isuni bangae ippun patognae napnu'tta ampapatoge ḵinabaḵnang ta mipail-an ni ḵabooḻane ippun miyisuwanae naḻpu ḵan Apudyus we daḵampun aḵ naḻpu ḵan diḵani.

2 Corinthians 5:4

Sa matattaguwan taḵu'd luta, umay-ayuwong taḵu gapu'tte ampaḵaḻaman taḵu. Daḵampun aḵ gapu ta pion taḵu tenan gagangaye long-ag taḵu we matoy yaḵon pion taḵu we mipasani baru we long-ag ta sa long-age matoy mapasantan si long-age matagu'ḵ inggana.

Colossians 2:11

Ḵad gapu'tte niyossaananyu ḵan siya, isunan nasogyatan ḵayu. Daḵampun atte sogyate ḵingwan di tagu yaḵon sa sogyate ḵingwan Kristu, isunan sinogyatan diḵayu si nangaanana'tta ugaliyu.

2 Timothy 1:12

ḵad sadi gapun ni ampaḵapaḵaḻamaḵ. Yaḵon adiyaḵpun mabain te igammuḵ pinatiḵe awad de ḵabooḻanae angayyuwan atta intaḻgodna ḵan saḵon inggana'ḵ dumatong aḻgawe ḵasin umali'ḵ Kristu.

Hebrews 11:10

Te ninamnamana siyudade annanayun nisaadanae implanun Apudyus ya tinaḵadna.

Hebrews 9:11

Yaḵon ummali'ḵ Kristu we ḵangatuwane padi atte amo nabaḻbaḻu we Baru we Tuḻage inggangputna. Siya ḵad, sa anserbiyanae igaw sa tuttuwae igaw Apudyus ad langite nangatngatu ya simbumaḻu nu sa Ḵasantuwane Kuwartu si tulda si awe te sa anserbiyanae igaw daḵampun aḵ ḵingwan di tagu ya naippun si annae lubung.

Hebrews 9:24

Te adipun nillumnoḵ aḵ Kristu si Ḵasantuwane Kuwartu we ḵingwan di tagu ḵan abuse ladawan ni tuttuwae igaw Apudyus. Yaḵon siyae mismu nillumnoḵ ad langit ya awad sinsadi ye angitaḵdoḻ ḵan ditaḵu si sinagung Apudyus.

1 Peter 1:4

ḵad sana laḵsun taḵu we maḻpu ḵan Apudyus we adipun paat madadail ḵan maḵaissawan ya adipun os umaḵit patognae nigagappot ad langite para ḵan ditaḵu.

2 Peter 3:11

Nu ḵaḵna madadailan da sanae losane banag, sa antataguyu pasig oḵyan ambaḻu ugaliyu ya naapudyusan

1 John 3:14

Igammu taḵu we aditaḵupun ogon misina ḵan Apudyus we isun ni awe, pun sinsadi anna ḵan ditaḵu biyag aḵ inggana. Ḵad igammu taḵu ḵatuttuwaan te ay-ayaton taḵu da susunud taḵu ḵan Kristu. Sa tagu we adipun angayat atta asintataguna, isun di sissiyae natoy.

1 John 3:19

Nu ḵaḵnat inon taḵu we angayat atta udum, sanat amo angigammuwan taḵu we ditaḵu da tuttuwae abeng Apudyus. Ḵad taḵon ay nu pabasuḻon ditaḵu'tta somsomoḵ taḵu, antaḻgod taḵu we umadani ḵan Apudyus. Te igammu taḵu we nangatngatu somsomoḵ Apudyus nu sa somsomoḵ taḵu ya igammuna ditaḵu we ustuustu.

1 John 3:2

Ay-ayatoḵe buḻbuḻun, abeng Apudyus ditaḵu sinsadi taḵon ay nu daantaḵupun maawatane ustu ambalinan taḵu si umali ye aḻgaw. Yaḵon inigammu taḵu we nu umali ḵasin aḵ Kristu, miyisu taḵu ḵan siya te ilan taḵu we ustuustu.