2 Corinthians 4:7 - Sa Ugud Apudyus

⁷ Yaḵon diḵani ye angituttudu si Ambaḻu we Damag, isuni bangae ippun patognae napnu'tta ampapatoge ḵinabaḵnang ta mipail-an ni ḵabooḻane ippun miyisuwanae naḻpu ḵan Apudyus we daḵampun aḵ naḻpu ḵan diḵani.

2 Corinthians 4:7 ပူးပေါင်းရင်းမြစ်များ

Matthew 13:44

Pinagatupan Jesus woḵ ḵanana, “Sa ampangatan Apudyus mipani si buḻawane niḵaḻuube indasan ni osae tagu'tte uma. Gapu si layadna, ḵasinna tinab-unan woḵ ummoyna ingngina da losane ḵuḵuwana woḵ nipauli ta ngin-ana sadi ye umae nangdasana'tte buḻawan.

Matthew 13:52

Ḵanan Jesus ḵan dida, “Maawatanyu ḵammane nu awad mistulun ni lintog aḵ amati si ituttuduḵ mipanggob si ampangatan Apudyus, mipani'tte sinḵuwa si boḻoye igammunae angitoḵwaḻ ya angusar atte ḵaḵḵopya ḵan dadaane ḵuḵuwanae nitataḻu si gagappotana?”

John 16:33

Imbagaḵ sana ḵan diḵayu ta mipagapu ḵan saḵon lumin-awa ḵayu oḵyan. Ampaḵaḻamon diḵayu'tta adipun amati. Yaḵon tumuḻod ḵayu te illogyu da losane lawweng si annae lubung.”

1 Corinthians 1:28

Pinilin Apudyus da ibelang da tagu we nababa ya maam-amsew si annae lubung taḵon ay da banage ippun anuna ta dadailona da banage patpatgon da tagu.

2 Corinthians 10:10

Awad nin da udum ḵan diḵayu we ḵanandae antuḻodaḵe anuḻat atta pioḵ ibaga ḵan diḵayu yaḵon nu annaaḵ si sinagungyu anḵuyaaḵ ya ippun os anun da ibagaḵ.

2 Corinthians 13:4

Te taḵon ay nu awad osa'ḵ ḵananae anḵuya'ḵ Kristu atte natoyana'tte kros, matattagu gapu'tte ḵabooḻan Apudyus. Pun isuna bos ḵan diḵani ye isunin anḵuya gapu si niyossaananni ḵan Kristu yaḵon nu mipanggob si ḵoonni ḵan diḵayu, ipailani ḵabooḻanae naḻpu ḵan Apudyus gapu si maḵabuḻbuḻunanni ḵan Kristu atte matattaguwana.

2 Corinthians 4:1

Gapu'tte ḵadagun Apudyus, naatod ḵan diḵani annae ḵewaaḻ, pun adiḵanipun paat madismaya.

2 Corinthians 5:1

Pun igammu taḵu we taḵon ay nu matoy long-ag taḵu we isun ni boḻoy taḵu'd lutae madadail, awad de boḻoye maatod ḵan ditaḵu'd langite sa baru we long-age itton Apudyus. Daḵampun aḵ ḵingwan di tagu te ḵingwan Apudyus we mismu ya ippun patinggana.

2 Corinthians 6:10

Taḵon ay andadauy ḵani, pasig ḵani bos allaylayad. Ḵapus ḵani yaḵon mipagapu'tte tuttuduni adu da bummaḵnang atta naispirituwane banage itton Apudyus. Naippun ḵuḵuwani yaḵon ḵuwani da losan gapu'tte pammatini ḵan Apudyus.

Ephesians 2:5

Taḵon ay nu isun di natoy taḵu gapu'tta basuḻ taḵu, innatodna baru we biyag gapu si niyossaanan taḵu ḵan Kristu. Pun sa ḵinabaḻun Apudyus gapun ni nataguwan taḵu'tte madusaan si basuḻ.

Ephesians 3:8

Taḵon ay nu saḵon ḵababaan atta losane tagun Apudyus, impailana ḵinabaḻuna si nangittana ḵan saḵon atte gundawaye angipaigammu ḵan diḵayu we Gentil atte ippun miyisuwanae bindisyune awad ḵan Kristu.

Colossians 2:12

Te sa nabonyaganyu, isuyun nidoga nilibon ḵan Kristu. Ḵad mipagapu'tta pammatiyu'tte ḵabooḻan Apudyus we nanagu ḵan siya si natoyana, isun di nidoga ḵayu ḵan siya si ummuliyana.

Colossians 2:3

Siya nangigammuwan taḵu'tta losane nililimode laing ya sa somsomoḵ Apudyus.

1 Thessalonians 1:5

Te indatongni ḵad ḵan diḵayu Ambaḻu we Damag, daḵampun aḵ abuse ugud yaḵon nidoga bos ḵabooḻan ni Ispiritu Santu ḵan napanoḵnoḵane ḵatuttuwaan Ugud Apudyus. Igammuyu bos nantataguni si inninggawanni ḵan diḵayu sinat ḵan inonni ye bummadang ḵan diḵayu sinat.

1 Thessalonians 4:4

Diḵayu ḵad ose laḻaḵi, ḵasapuḻane tupodonyu da amaamayon da long-agyu ta mitotoḵḵon ḵayu'ḵ tagun Apudyus ta bumaḻu da ugaliyu ya adi ḵayu mabain atte sinagung da tagu.

2 Timothy 2:20

Awatna, sa daḵoḻe boḻoy ni baḵnang. Wadawad da kalasin di palatu we ḵaḵaḵḵanan. Awad da buḻawan ḵan silver ḵopyadae ampatog mausaranda. Awad os da ḵayu ḵan nadiwine luta ḵopyadae mausar atte baḻangna.